బాక్సాఫీస్‌ను షేక్ చేస్తున్న ప్రభాస్ ఆదిపురుష్.. రెండు రోజుల్లోనే కళ్లు చెదిరే కలెక్షన్లు

ప్రభాస్ రాముడిగా నటించిన ఆదిపురుష్ సినిమా జూన్ 16వ తేదీన ప్రపంచవ్యాప్తంగా విడుదలైంది. భారీ బడ్జెట్‌తో తెరకెక్కిన ఈ సినిమా అదే రేంజ్‌లో కలెక్షన్లను కూడా సాధిస్తోంది

By Nikhil Rampalli
| Updated: June 18, 2023 9:03 PM IST

భారీ బడ్జెట్‌తో తెరకెక్కిన ఆదిపురుష్ సినిమా అదే రేంజ్‌లో భారీగా కలెక్షన్లను కూడా సాధిస్తోంది. బాహుబలి సినిమాతో వచ్చిన క్రేజ్‌తో అన్నీ భారీ బడ్జెట్ సినిమాలనే చేస్తున్న ప్రభాస్ రాముడిగా నటించిన ఈ సినిమా బాక్సాఫీస్ వద్ద భారీ హంగామానే సృష్టిస్తోంది. ప్రీ రిలీజ్ బిజినెస్‌ తోనే అందరికీ షాకిచ్చిన ఆదిపురుష్.. ప్రీ బుకింగ్స్‌లోనూ దుమ్ము దిలిపి.. కోట్లు కలెక్ట్ చేసిన సంగతి తెలిసిందే. ఈ క్రమంలోనే మొదటి రోజు దాదాపు రూ.100 కోట్లకు పైనే కలెక్ట్ చేసింది. ఈ విషయాన్ని సోషల్ మీడియాలో పలువురు ప్రకటించారు.

అయితే, ఈ సినిమాను వివాదాలు కూడా అదే రేంజ్ లో వెంటాడుతున్నాయనే విషయం తెలిసిందే. ఈ క్రమంలోనే ఆదిపురుష్ కలెక్షన్లు తగ్గుముఖం పడతాయని చాలా మంది అంచనా వేశారు. వాటన్నింటినీ తలకిందులు చేస్తూ రెండో రోజు కూడా భారీ వసూళ్లు రాబట్టి అందరినీ ఆశ్చర్యానికి గురి చేస్తోంది. ఓం రౌత్ దర్శకత్వంలో తెరకెక్కిన ఆదిపురుష్ సినిమా రామాయణం ఆధారంగా రూపొందింది. ఈ సినిమాలో ప్రభాస్ రాముడిగా, కృతి సనన్ సీతగా నటించారు.

ప్రభాస్ కెరీర్ లో మరో బిగ్గెస్ట్ ఓపెనర్ గా నిలిచిన ఆదిపురుష్‌ మొదటి రోజే ప్రపంచవ్యాప్తంగా రూ.140 కోట్లకు పైగా వసూళ్లు రాబట్టింది. ఇక రెండో రోజు కూడా వరల్డ్ వైడ్‌గా రూ.100 కోట్లు రాబట్టింది. ఈ రెండు రోజుల్లోనే ఆదిపురుష్ సినిమా రూ.240 కోట్లు కలెక్ట్ చేసి ఊహించని రేంజ్‌లో బాక్సాఫీస్ వద్ద వసూళ్ల సునామీ సృష్టిస్తోంది. ఇక, మూడో రోజైన ఆదివారం ఎంత కలెక్ట్ చేసిందో తెలిస్తే ఆదిపురుష్ క్రియేట్ చేసిన రికార్డుల గురించి కాస్త స్పష్టత వస్తుంది. అజయ్‌‌, అతుల్ సంగీతం అందించిన ఆదిపురుష్ సినిమాను ఓం రౌత్, టీ సిరీస్ బ్యానర్‌‌ నిర్మించాయి.

Adipurush continues to mesmerise audiences worldwide, surpassing expectations with a bumper opening of ₹140 CR on Day 1, it adds ₹100 CR on Day 2, taking the total collection to a phenomenal ₹240 CR in just two days! Jai Shri Ram ?

Book your tickets on:… pic.twitter.com/5PsfLbQwDp

— Adipurush Movie (@Offladipurush) June 18, 2023

రూ. 500 కోట్ల భారీ బడ్జెట్‌తో తెరకెక్కిన చిత్రం ‘ఆదిపురుష్’ Adipurush సినిమాలో ప్రభాస్ Prabhas , కృతి సనన్ Kriti Sanon , సైఫ్ అలీ ఖాన్ Saif Ali Khan , సన్నీ సింగ్ తదితరులు కీలక పాత్రలు పోషించారు. ఇండియా మొత్తం ఈ సినిమా విడుదల కోసం ఆసక్తిగా ఎదురుచూసింది. ఈ మేరకు జూన్ 16న ‘ఆదిపురుష్’ ప్రపంచవ్యాప్తంగా విడుదలైంది.

ఈ చిత్రంపై అనేక విమర్శలు వచ్చినప్పటికీ వాటిని ఆడియన్స్ ఏ మాత్రం పట్టించుకోవడం లేదు. ప్రభాస్ ని రాముడిగా వెండితెరపై చూసేందుకు ఎగబడుతున్నారు. ఇప్పటికే ప్రధాన మల్టీప్లెక్స్ లలో దేశవ్యాప్తంగా 4 లక్షల అడ్వాన్స్ బుకింగ్స్ నమోదైనట్టు ట్రేడ్ వర్గాల ద్వారా తెలుస్తోంది. ఇవన్నీ కలిపితే ఆదిపురుష్ ఫస్ట్‌ డే బాక్సాఫీస్ లెక్కలు షాకిచ్చేలా ఉన్నాయి. ఆర్‌‌ఆర్‌‌ఆర్‌‌, బాహుబలి, పఠాన్ సినిమాల కలెక్షన్లను ఆదిపురుష్ బద్దలుకొట్టేలా ఉందని వార్తలు వస్తున్నాయి.

ByNikhil Rampalli
| Updated: June 18, 2023 9:03 PM IST