Avatar: The Way Of Water Box Office Collections : మరో రికార్డ్ క్రియేట్ చేసిన అవతార్ మొత్తం పైన 10వ స్థానం 2022లో మొదటి స్థానం..

రిలీజ్ కి ముందు నుంచే అనేక రికార్డులు క్రియేట్ చేస్తూ వచ్చిన అవతార్ ఇప్పుడు హాలీవుడ్ లో సరికొత్త రికార్డు నెలకొంది….

By Vishnupriya chowdhary
Published: January 7, 2023 9:09 AM IST

అవతార్‌ 2 రిలీజ్ అయినప్పటి నుంచి ఏదో ఒక రికార్డ్ క్రియేట్ చేస్తూ వస్తోంది. అసలు చెప్పాలి అంటే విరుదలకు ముందు నుంచి కూడా ఈ చిత్రం రికార్డులు క్రియేట్ చేయడం స్టార్ట్ చేసింద. ఇప్పుడు ఈ చిత్రం కొత్త రికార్డులను సొంతం చేసుకుంటున్నది. ఇండియాలో విడుదలైన 15 వ రోజులకే రూ.300 కోట్ల క్లబ్‌లో చేరి అందరినీ ఆశ్చర్యపరిచిన సంగతి మనకు తెలిసిందే.

ఇప్పటివరకు మొత్తం రూ.350.00 కోట్లు కలెక్షన్స్‌ వచ్చినట్లు సినిమా మార్కెట్‌ వర్గాల సమాచారం. రానున్న వారం రోజుల్లో కూడా పెద్ద సినిమాలు లేకపోవడంతో తెలుగు మరియు తమిళ సంక్రాంతి చిత్రాలు వచ్చేవరకు ఈ చిత్రం ఇంకొన్ని కలెక్షన్స్ తెచ్చుకోవచ్చు. ఇక మిగతా భాషల్లో కూడా ఈ సినిమా ప్రస్తుతానికి బాగా ఆడుతుంది.

ఇండియాలో రిలీజ్ అయిన ఎన్నో ఇంగ్లీష్ సినిమాలని ఇప్పటికే దాటివేసిన ఈ చిత్రం కొత్తగా మరో రికార్డ్ నెలకొంది. ఎవెంజర్స్ ఎండ్‌గేమ్ సినిమా ఇండియాలో రూ.373.22 కోట్ల కలెక్షన్లను రాబట్టింది. ఎవెంజర్స్ ఎండ్‌గేమ్ రికార్డును అవతార్‌ 2 బద్దలు కొట్టడంతోపాటు భారతదేశంలో అత్యధిక వసూళ్లు రాబట్టిన హాలీవుడ్ చిత్రంగా గెలిచింది.

ఇక భారతదేశం విషయం పక్కన పెడితే హాలీవుడ్ సినిమా సమాచారం ప్రకారం, అవతార్: ది వే ఆఫ్ వాటర్ ఇప్పుడు ఆల్ టైమ్ టాప్-గ్రాసింగ్ ఫిల్మ్‌ నం. 10గా నిలిచింది. ఇక కోవిడ్ స్టార్ట్ అయిన తర్వాత విరుదలైన చిత్రాలలో స్పైడర్ మాన్: నో వే హోమ్ $1.916 బిలియన్లు సంపాదించగా ఆ తర్వాత అవతార్ రెండవ ప్లేస్ లో నిలిచింది.

మరో చెప్పుకోలేక విషయం ఏమిటి అంటే 2022లో విడుదలైన చిత్రాలలో, 'టాప్ గన్: మావెరిక్' మే 2022లో విడుదలైన తర్వాత ప్రపంచవ్యాప్తంగా $1.49 బిలియన్లను వసూలు చేసింది. అయితే ఈ సినిమాని క్రాస్ చేసి 2022లో అత్యధిక వసూళ్లు సాధించిన చిత్రంగా..అవతార్: ది వే ఆఫ్ వాటర్ మొదట స్థానంలో నిలిచింది.

ఇక భారత దేశ విషయానికి వస్తే, అవతార్: ది వే ఆఫ్ వాటర్ కాకుండా భారతదేశంలో అత్యధిక వసూళ్లు సాధించిన హాలీవుడ్ చిత్రాలలో ది జంగిల్ బుక్, ది లయన్ కింగ్ సినిమాలు కూడా ఉన్నాయి. ఎవెంజర్స్‌ ఇన్ఫినిటీ వార్‌ రూ.220 కోట్లు, ది జంగిల్‌ బుక్‌ సినిమా రూ.189 కోట్లు, ది లయన్‌ కింగ్ సినిమా రూ.157. కోట్ల కలెక్షన్లను రాబట్టాయి.

డిసెంబర్‌ 16 న మన దేశంలో రిలీజ్‌ అయిన అవతార్‌ 2 దాదాపు రూ.2 వేల కోట్లతో తెరకెక్కించగా ఈ చిత్రం ఇండియాలో మన దేశంలో ఇంగ్లిష్, హిందీతో పాటు తమిళం, తెలుగు, కన్నడ, మలయాళం భాషల్లో కూడా విడుదల చేశారు.

ByVishnupriya chowdhary
Published: January 7, 2023 9:09 AM IST