Dhanush's 'Sir' : మొదటి వారమే లాభాల బాటలోకి సార్.. యూఎస్ లో కూడా కొత్త రికార్డ్

ధనుష్ సినిమా సార్ తెలుగులో రిలీజ్ అయిన వారంకే బ్రేక్ ఈవెన్ సాధించి అందరిని ఆశ్చర్యపరుస్తుంది..

By Vishnupriya chowdhary
Published: February 20, 2023 7:01 PM IST

సింపుల్ స్టోరీ కానీ మంచి సోషల్ మెసేజ్ తో వచ్చిన ధనుష్ సినిమా సార్ ప్రస్తుతం తెలుగు మరియు తమిళ భాషలలో కలెక్షన్స్ పరంగా సునామీ సృష్టిస్తోంది.
కోలీవుడ్ స్టార్ హీరో ధనుష్ అన్ని భాషలలో తనకంటూ మంచి పేరు తెచ్చుకున్నారు. అయితే తెలుగులో మరింత పేరు సంపాదించడానికి చూస్తున్న ఈ హీరో ఈమధ్య తెలుగు దర్శకులతో సినిమాలు ఒప్పుకున్న సంగతి తెలిసిందే. ఆడుకలం, అసురన్ చిత్రాలకు గానూ ఒక్కసారి కాదు రెండు సార్లు జాతీయ ఉత్తమ నటుడి అవార్డు అందుకున్న ఈ హీరో ఇప్పుడు తెలుగు దర్శకుడు వెంకీ అట్లూరితో తీసిన సినిమా నే సార్ . ఈ సినిమా తరువాత కూడా తెలుగు దర్శకుడు శేఖర్ కమ్ములతో ధనుష్ తదుపరి సినిమా ప్లాన్ చేసుకున్నాడు.

దీంతో ధనుష్ తెలుగు మార్కెట్ రెట్టింపు అవుతుందా లేదా అనే ఆలోచనలో ఉన్న ప్రేక్షకులకి షాక్ ఇచ్చారు ఈ హీరో. రెండు తెలుగు రాష్ట్రాలలో కేవలం మొదటి వారంలోనే బ్రేక్ ఈవెన్ సాధించి ప్రాఫిట్స్ లోకి ఎంటర్ అయిపోయాడు. తెలుగులో ఇప్పటి వరకూ రిలీజైన ధనుష్ మూవీస్ అన్నింటిలోకీ ఈ సార్ మూవీ కలెక్షన్లే అత్యధికం. Also Read - Samyuktha : టాలీవుడ్ కి మరో స్టార్ హీరోయిన్ దొరికేసినట్టేనా ? అందం, అభినయం, వరస హిట్ల తో దూసుకుపోతున్న సంయుక్త..

రెండు తెలుగు రాష్ట్రాల్లో కలిపి రూ.16.54 కోట్లు వసూలు చేయడం విశేషం. తమిళ – తెలుగు ద్విభాషా చిత్రం వాతి/సార్ బాక్సాఫీస్ వద్ద మంచి బిజినెస్ చేస్తోంది. అయితే తెలుగు రాష్ట్రాల్లోనే కాదు యూఎస్ లో కూడా ఈ సినిమా ఒక సరి కొత్త రికార్డ్ తెచ్చుకునింది.

ఈ చిత్రం నిన్నటి వరకు యూఎస్ఏ లో తెలుగు మరియు తమిళ వెర్షన్లు రెండూ కలిపి 1,75, 000 డాలర్ల కంటే ఎక్కువ వసూలు చేసింది. చిత్రం ఇప్పుడు లాంగ్ రన్‌లో హాఫ్ మిలియన్ డాలర్ల క్లబ్‌లో చేరడానికి ట్రాక్‌లో ఉంది. అంతేకాకుండా ఈ సినిమా అమెరికాలో ధనుష్‌కి అత్యధిక వసూళ్లు రాబట్టడానికి సిద్ధంగా ఉంది.
మొన్నటి వరకు తిరుచిత్రంబలం యూఎస్ లో ధనుష్ కి 458కే డాలర్ల గ్రాస్‌తో టాప్ ప్లేస్ లో ఉంది. అయితే ప్రస్తుతానికి రాబోయే వారంలో చెప్పుకోదగ్గ విడుదలలు ఏవీ లేకపోవడంతో, ఈ చిత్రం త్వరలో 500కే డాలర్ల మార్క్‌ను అధిగమించే అవకాశం ఉంది. దీంతో ధనుష్ కెరియర్ లో ఈ సినిమా మొదటి స్థానంలో నిలబడనుంది. Also Read - Dhanush's Sir : సార్ సినిమాని హిందీ సినిమాలతో పోల్చడం పై స్పందించిన వెంకీ అట్లూరి …

వెంకీ అట్లూరి దర్శకత్వం వహించిన ఈ సోషల్ డ్రామాను నాగ వంశీ, సాయి సౌజన్య నిర్మించారు. సంయుక్త మీనన్ ఈ చిత్రంలో హీరోయిన్ గా నటించింది.
సముద్రఖని, తనికెళ్ల భరణి, సాయి కుమార్, నర్రా శ్రీనివాస్, హైపర్ ఆదిలాంటి వాళ్లు ముఖ్యమైన పాత్రల్లో కనిపించారు.

ఇక సినిమా కథ విషయానికి వస్తే విద్యా వ్య‌వ‌స్థ‌లోని లోతుపాతుల‌ను ఆవిష్క‌రిస్తూ రూపొందిన సినిమా ఇది. ప్రతి ఒక్కరికి అందుబాటులో ఉండాల్సిన విద్యా నేడు ఎలా వ్యాపారంగా మారిపోయింది? అధిక ఫీజుల కార‌ణంగా దిగువ‌, మ‌ధ్య త‌ర‌గ‌తి వారు చదువుకి ఎలా దూరమవుతున్నారు అనే పాయింట్ ని చాలా మంచిగా తెరకెక్కించారు ఈ చిత్ర దర్శకుడు. Also Read - SIR Box-Office Collections: తెలుగులో దూసుకుపోతున్న ధనుష్ సినిమా.. తమిళంలో సత్తా చాటిన మరో తెలుగు దర్శకుడు..

ByVishnupriya chowdhary
Published: February 20, 2023 7:01 PM IST