Vijay’s Varisu BO collections : మరో మైలురాయిని అందుకున్న విజయ్ వారీసు సినిమా.. ఈసారి ఎంత కలెక్షన్స్ తెలుసా…

విజయ్ వారీసు సినిమా ప్రపంచవ్యాప్తంగా అత్యధిక వసూళ్లు సాధిస్తూ సంక్రాంతికి విడుదలైన సినిమాల్లో నెంబర్ వన్ గా దూసుకుపోతోంది..

By Vishnupriya chowdhary
Published: January 23, 2023 7:54 PM IST

వారీసు, వంశీ పైడిపల్లి రచించి, దర్శకత్వం వహించిన ఫ్యామిలీ యాక్షన్ డ్రామా ఇది జనవరి 11, 2023న తమిళంలో థియేటర్లలో విడుదలైంది. ఈ చిత్రం తెలుగు మరియు హిందీ డబ్బింగ్ వెర్షన్‌లు జనవరి 14, 2023న పొంగల్/సంక్రాంతి వారాంతంలో విడుదలయ్యాయి.

తెలుగు భాషలో ఈ చిత్రం ఏకంగా చిరంజీవి వాల్తేరు వీరయ్య మరియు బాలకృష్ణ వీరసింహారెడ్డి వంటి సినిమాలతో పోటీ పడటంతో కలెక్షన్స్ నార్మల్గా వచ్చాయి. అయితే తమిళంలో కూడా ఈ చిత్రం అజిత్ యొక్క తునివు సినిమాతో పోటీ పడింది. ఆ సినిమా తెలుగులో తెగింపుగా రిలీజ్ అయిన సంగతి తెలిసిందే.

ఇన్ని సినిమాల మధ్య వచ్చిన విజయ్ వరిసు సినిమా కలెక్షన్స్ పరంగా మాత్రం దూసుకుపోతోంది. మిక్సర్ రెస్పాన్స్ తెచ్చుకున్న ఈ సినిమా చిత్రం కలెక్షన్ల పరంగా రికార్డులను క్రియేట్ చేస్తోంది. ఇంకా దీనిని రుజువు చేస్తూ వారీసు విడుదలైన 11 రోజుల్లో ప్రపంచ వ్యాప్తంగా 250 కోట్ల గ్రాస్ ను వసూళ్లు చేసింది. ఇక్కడ మనం గమనించాల్సిన విషయం ఏమిటి అంటే ఈ సినిమా థియేట్రికల్ రన్ ఇంకా ఉంది. కాబట్టి ఈ సంఖ్య మరింత పెరిగే అవకాశాలు ఎక్కువగా ఉన్నాయి. ఇక ఈ పోస్టర్ని ఈ రోజు సినిమా మేకర్స్ అధికారంగా విడుదల చేశారు.

సినిమా విడుదలకు ముందు నుంచి ఎదో ఒక విధంగా ప్రతిరోజూ ట్రేండింగ్ లో నిలిచింది ఈ చిత్రం. ముఖ్యంగా ఈ సినిమాని ప్రొడ్యూస్ చేసిన దిల్ రాజు వల్ల తమిళంలోనూ మరియు తెలుగులోనూ ఎన్నో వివాదాలను కూడా తెచ్చుకునింది. అంతేకాకుండా ఈ వివాదాల వల్ల సినిమాచాలా సార్లు వాయిదా అయినప్పటికి కలెక్షన్ పరంగా ఎలాంటి ప్రభావం చూపలేదు. అలాగే దిల్ రాజు, రష్మిక మందన్న పై వచ్చిన ట్రోల్స్, నెగిటివ్ వార్తలు కూడా ఈ చిత్రం పై ఎటువంటి ప్రతికూల ప్రభావాన్ని చూపలేదు.

Podra bgm ah ?#MegaBlockbusterVarisu collects 250Crs+ worldwide in 11 days nanba ?#Thalapathy @actorvijay sir @directorvamshi @SVC_official @MusicThaman @iamRashmika @TSeries #Varisu #VarisuPongal‌#VarisuHits250Crs pic.twitter.com/I1UJgRIGoJ

— Sri Venkateswara Creations (@SVC_official) January 23, 2023

మరోపక్క విజయ్ సినిమా త్వరలోనే ఓటీటీ లోకి రానుంది అనే వార్త కూడా జోరున ప్రచారంలో ఉంది. విజయ్‌కు ఉన్న ఫాలోయింగ్‌ దృష్ట్యా భారీ ధరకు అమెజాన్‌ వారీసు డిజిటల్‌ రైట్స్‌ను దక్కించుకున్నట్లు తెలస్తోంది. ప్రస్తుతం అందుతున్న సమాచారం మేరకు ఫిబ్రవరి 10న ఈ చిత్రం అమెజాన్‌ ప్రైమ్‌లో అందుబాటులో ఉండనున్నట్లు టాక్‌ వినిపిస్తుంది. దీనిపై త్వరలోనే అధికారిక ప్రకటన రానుంది.

ఇక శ్రీకాంత్, శరత్ కుమార్, జయసుధ వంటి నటి నటులు నటించిన ఈ సినిమా మంచి ఫ్యామిలీ డ్రామా ఎంటర్‌టైనర్‌గా వచ్చింది. ఇక తెలుగులో పేరు తెచ్చుకున్న దర్శకుడు వంశీ పైడిపల్లి తన స్క్రిప్ట్‌తో కోలీవుడ లో మంచి విజయాన్ని అందుకున్నాడు. మరి ఈ దర్శకుడు తన తదుపరి సినిమా తెలుగులో తీస్తారా లేదా తమిళ హీరోతో తీస్తారా అనేది ఇంకా తెలియాల్సి ఉంది. అయితే వంశీ పైడిపల్లి గతంలో తెలుగు హీరో నాగార్జున మరియు తమిళ హీరో కార్తీ ని కలిపి తీసిన ఊపిరి సినిమా కూడా అప్పట్లో మంచి విజయాన్ని సాధించింది.

ByVishnupriya chowdhary
Published: January 23, 2023 7:54 PM IST