సాయిధరమ్ తేజ్ విరూపాక్ష ఫస్ట్‌ డే కలెక్షన్లు ఎంతో తెలిస్తే తప్పక షాకవుతారు

యాక్సిడెంట్ తర్వాత సుప్రీం హీరో సాయి ధరమ్ తేజ్ నటించిన సినిమా విరూపాక్ష. హర్రర్ థ్రిల్లర్ జోనర్‌‌లో తెరకెక్కిన ఈ సినిమా ఏప్రిల్ 21న విడుదలై హిట్ టాక్‌ సొంతం చేసుకుంది.

By Nikhil Rampalli
Published: April 22, 2023 5:14 PM IST

సుప్రీం హీరో సాయి ధరమ్ తేజ్ హీరోగా వచ్చిన యాక్షన్ థ్రిల్లర్ విరూపాక్ష. డార్క్ ఫాంటసీ నేపథ్యంలో తెరకెక్కిన ఈ సినిమాకు సంబంధించి ట్రైలర్ విడుదలై మంచి రెస్పాన్స్‌ దక్కించుకుంది. ఈ సినిమాలో సాయి తేజ్‌కు జోడీగా సంయుక్త మీనన్‌ నటించింది. కార్తీక్ దండు దర్శకత్వం వహించిన ఈ సినిమా శుక్రవారం విడుదలై హిట్ టాక్ తో దూసుకుపోతోంది.

కార్తీక్ వర్మ దండు దర్శకత్వం వహిస్తున్న విరూపాక్ష చిత్రాన్ని దర్శకుడు సుకుమార్, BVSN ప్రసా‌ద్‌ సంయుక్తంగా నిర్మించారు. కాంతార ఫేమ్ అజనీష్ లోకనాథ్ సంగీతం అందించారు. శ్రీ వెంకటేశ్వర సినీ చిత్ర నిర్మించగా.. సుకుమార్ స్క్రీన్ ప్లే అందించారు.

ఈ సినిమా ఫస్ట్ గ్లింప్స్ కు కూడా మంచి రెస్పాన్స్ వచ్చింది. అజ్ఞానం భయానికి మూలం. భయం మూఢ నమ్మకానికి కారణం. ఆ నమ్మకమే నిజమైనప్పుడు .. ఆ నిజం జ్ఞానానికి అంతు చిక్కనప్పుడు.. అసలు నిజం చూపించే జ్ఞాన నేత్రం..అనే డైలాగ్స్‌ తో వచ్చిన గ్లింప్స్‌ తో సినిమాపై అంచనాలు పెంచేసింది. హీరోగా సాయి ధరమ్ చేస్తున్న తొలి థ్రిల్లర్ చిత్రం.

కాగా, ఈ సినిమా బాక్సాఫీస్ వద్దభారీ వసూళ్లు రాబడుతోంది. ప్రపంచవ్యాప్తంగా శుక్రవారం విడుదలైన విరూపాక్ష సినిమా మొదటిరోజు రూ.11.85 కోట్ల గ్రాస్ వసూలు చేసింది. రెండు తెలుగు రాష్ట్రాల్లో రూ.4.79 కోట్లు వసూలు చేసినట్టు సమాచారం. తేజ్ కెరీర్‌‌లో భారీ వసూళ్లు రాబట్టిన సినిమాగా విరూపాక్ష నిలుస్తోంది. ఇక, వీకెండ్‌లో ఈ కలెక్షన్లు మరింత పెరిగే చాన్స్ ఉందని ట్రేడ్ వర్గాలు అంచనా వేస్తున్నాయి. సినిమాకు వచ్చిన పాజిటివ్ టాక్ దీనికి కారణమని చెబుతున్నాయి.

హిట్‌ టాక్‌ సొంతం చేసుకున్న విరూపాక్ష పోస్ట్ థియేట్రికల్ ఓటీటీ రైట్స్‌ ను నెట్ ఫ్లిక్స్ సొంతం చేసుకుంది. సినిమా విడుదలైన 8 వారాలకు నెట్‌ఫ్లిక్స్‌ లో స్ట్రీమింగ్‌కు రానుంది. మెగాస్టార్ చిరంజీవి మేనల్లుడుగా టాలీవుడ్ లోకి ఎంట్రీ ఇచ్చిన తేజ్.. తనకంటూ ప్రత్యేక గుర్తింపు తెచ్చుకున్నాడు. ఇక, సాయి ధరమ్ తేజ్ ఈ సినిమాతో పాటు పవన్ కల్యాణ్‌ గెస్ట్‌ రోల్‌ చేస్తున్న ఓ సినిమాలో నటిస్తున్నారు. వినోదాయ సీత్తం సినిమాకు రీమేక్‌గా వస్తున్న ఈ సినిమాకు సముద్రఖని దర్శకత్వం వహిస్తున్నారు. షూటింగ్‌ శరవేగంగా జరుపుకుంటోంది. జూలై 28న విడుదల చేయడానికి సన్నాహాలు చేస్తున్నారు.

ఈ సినిమా షూటింగ్‌లో పవన్ కల్యాణ్‌ క్యారెక్టర్‌‌కు సంబంధించిన పార్ట్‌ పూర్తయ్యింది. ఈ విషయాన్ని సముద్రఖని సోషల్ మీడియా వేదికగా తెలియజేశాడు. పవన్ కల్యాణ్‌కు థ్యాంక్స్ చెప్పారు కూడా. ఇక, విరూపాక్ష సినిమాతో హిట్ అందుకున్న సాయి ధరమ్ తేజ్.. వినోదాయ సీత్తం షూటింగ్‌కు హాజరవుతారని తెలుస్తోంది.

ByNikhil Rampalli
Published: April 22, 2023 5:14 PM IST