20 years of Allu Arjun: గంగోత్రి నుంచి పుష్ప వరకు…అల్లు అర్జున్ కెరీర్ కి 20 ఏళ్లు…

తెలుగు సినిమా ఇండస్ట్రీలో 20 ఏళ్లు పూర్తి చేసుకున్న సందర్భంగా ఎమోషనల్ పోస్ట్ వేసిన అల్లు అర్జున్..

By Vishnupriya chowdhary
Published: March 28, 2023 1:57 PM IST

ప్రస్తుత తరం వారికి తెలుగులో ఉన్న అతి కొద్ది మంది అద్భుతమైన హీరోల్లో అల్లు అర్జున్ ఒకరు. తన మొదటి సినిమా గంగోత్రి నుంచి ప్రస్తుతం పుష్పా వరకు ఆయన మెట్టు మెట్టు ఎదిగిన వైనం ప్రేక్షకులను తప్పక అబ్బుర పరుస్తుంది.

తెలుగు ప్రేక్షకులకు బన్నీగా పరిచయమైన ఈ హీరో ప్రస్తుతం అంతర్జాతీయ పరంగా ఐకాన్ స్టార్ అల్లు అర్జున్ గా పేరు తెచ్చుకున్నారు. వచ్చింది అల్లు అరవింద్ కొడుకు గానే అయినా, తన అద్భుత నటన అలానే కళ్ళను కట్టిపడేసే డాన్సులతో ఇంకా తన సొంత టాలెంట్ తో ఇప్పుడున్న స్టేటస్ సంపాదించుకున్నాడు అర్జున్.

అయితే మన బన్నీ సినీ ప‌రిశ్ర‌మ‌కు వ‌చ్చి అప్పుడే 20 ఏళ్లు పూర్త‌య్యాయి. ఈ సంద‌ర్భాన్ని పుర‌స్క‌రించుకుని బ‌న్నీ ఓ ట్వీట్ చేశాడు. ఈ రోజుతో తాను చిత్ర పరిశ్రమలో 20 ఏళ్లు పూర్తి చేసుకున్నానని…దీనికి కారణం అందరి ఆశీర్వాదం, ప్రేమేనని తెలిపాడు. పరిశ్రమలో తనకు చెందిన తన వారికీ, ప్రేక్షకులకు ఎప్పటికీ కృతజ్ఞుడిగా ఉంటానని అల్లు అర్జున్ ట్వీట్ ద్వారా తెలిపాడు.

Trending Now

Today, I complete 20 years in the film industry. I am extremely blessed & have been showered with love . I am grateful to all my people from the industry . I am what I am bcoz of the love of the audience, admirers & fans . Gratitude forever ??

— Allu Arjun (@alluarjun) March 28, 2023

మన బన్నీ 1982 ఏప్రిల్ 8న జన్మించారు. అయితే తనకు కేవలం 20 ఏళ్ల వయసు ఉన్నప్పుడే సినీ రంగంలోకి ప్రవేశించారు. చిరంజీవి డాడీ సినిమాలో ఒక చిన్న సీను కనిపించిన బన్నీ ఆ తరువాత ద‌ర్శ‌కేంద్రుడు రాఘ‌వేంద్ర‌రావు డైరెక్ష‌న్ లో 2003లో వ‌చ్చిన గంగోత్రి తో హీరోగా తెరంగేట్రం చేయడమే కాకుండా తన మొదటి కమర్షియల్ సక్సెస్ కూడా తెచ్చుకున్నాడు. ఇక తెలుగు ప్రేక్షకులకు బన్నీని చాలా దగ్గర చేసిన సినిమా మాత్రం 2004లో వ‌చ్చిన ఆర్య. ఈ సినిమాతో అల్లు అర్జున్ ఇమేజ్ అమాంతంగా పెరిగింది. సుకుమార్ ద‌ర్శ‌క‌త్వంలో వ‌చ్చిన ఈ సినిమా అల్లు అర్జున్ స్ట‌యిలిష్ స్టార్ అయ్యేలా తీర్చిదిద్దింది.

2005లో బ‌న్నీ, 2007 లో దేశ ముదురు, 2008లో వ‌చ్చిన‌ ప‌రుగులు సినిమాలు అల్లు అర్జున్ పాపులారిటీని మ‌రింత పెంచాయి. ప్రతి ఒక్క సినిమాలో తన నటన నైపుణ్యాన్ని పెంచుకుంటూ పోయారు బన్నీ. 2012లో వ‌చ్చిన జులాయి సినిమా, 2014లో వ‌చ్చిన రేసు గుర్రం సినిమాలు బ‌న్నీ హిట్ జాబితాను పెంచాయి.

ఇక 2020లో వ‌చ్చిన అల‌వైకుంఠ‌పురం సినిమా రికార్డుల‌ను తిర‌గ‌రాసింది. త్రివిక్ర‌మ్ ద‌ర్శ‌క‌త్వంలో రూపొందిన ఈ సినిమా ప్రేక్ష‌కుల‌ను మెస్మ‌రైజ్ చెయ్యడమే కాకుండా ఇండస్ట్రీ హిట్ గా మిగిలింది. ఇక కేరళలో కూడా బన్నీకి విపరీతమైన అభిమానులు ఉండేవారు.

ఇలా తెలుగులో మరియు కేరళలో మంచి అభిమానులను తెచ్చుకొని దూసుకుపోతున్న బన్నీకి మరింత సర్ప్రైజ్ తెచ్చి పెట్టింది సుకుమార్ దర్శకత్వంలో వచ్చిన పుష్పా సినిమా. కేవలం తెలుగు మరియు కేరళలోనే కాదు ప్రపంచవ్యాప్తంగా ఈ హీరోని తగ్గేదే లే అనేలా చేసింది. ప్రతి భాష వారు బన్నీ సినిమా కోసం ఎదురుచూసేలా చేసింది ఈ చిత్రం. అంతేకాదు బన్నీ ఎంత అద్భుత నటుడో అంతర్జాతీయంగా తెలియజేసింది.

మరి 20 ఏళ్లు సినీ ప్రస్తావన ముగించుకున్న బన్నీ మరెన్నో అద్భుత చిత్రాలను చేస్తూ మరింత పెద్ద స్థాయికి ఎదగాలి అని కోరుకుందాం.

ByVishnupriya chowdhary
Published: March 28, 2023 1:57 PM IST