Aadi Saikumar 'Top Gear' : విడుదల తేదీని ఖరారు చేసుకున్న ఆది సాయి కుమార్ "టాప్ గేర్"…

తనదైన యాక్టింగ్ స్టైల్ తో, సాయికుమార్ కొడుకుల కాకుండా తనకంటూ మంచి ఇమేజ్ ని సంపాదించుకున్నారు యువ హీరో ఆది సాయికుమార్. ఇక వరస ఆఫర్లతో దూసుకుపోతున్న ఈ హీరో మరో సినిమాతో సిద్ధమైపోయాడు…

By Vishnupriya chowdhary
| Updated: December 16, 2022 8:01 PM IST

ప్రేమ కావాలి సినిమాతో తెలుగు తెరకు పరిచయమైన ఆది సాయి కుమార్,‌ తనదైన స్టైల్ లో ప్రేమకథలు చేసుకుంటూ తెలుగు ప్రేక్షకులను ఆకట్టుకున్నాడు. అంతేకాకుండా హిట్లు ఫ్లాపులతో సంబంధం లేకుండా వరుస ఆఫర్లు తెచ్చుకున్నాడు ఈ హీరో. కేవలం రెండు మూడు సంవత్సరాల లోనే ఈ హీరో అర డజన్ కి మించి చిత్రాలు చేశారు అంటేనే అతనికి వస్తున్న ఆఫర్ల గురించి అర్థం అవుతుంది.

ఇక వైవిద్యమైన కథలను ఎంచుకుంటూ వెళుతున్న ఈ హీరో ప్రస్తుతం మరో సినిమాతో ఈ సంవత్సరం ని ముగించడానికి సిద్ధమైపోయారు. టాప్ గేర్ అనే డిఫరెంట్ పేరుతో ఒక యాక్షన్ థ్రిల్లర్ చిత్రంతో తెలుగు ప్రేక్షకులను ఆకట్టుకోవడానికి ఈ డిసెంబర్ నెలలో వచ్చేస్తున్నాడు. కె. శశికాంత్ దర్శకత్వంలో రూపొందుతున్న ఈ సినిమాను శ్రీ ధనలక్ష్మి ప్రొడక్షన్స్ బ్యానర్ పై ఆదిత్య మూవీస్ & ఎంటర్‌టైన్‌మెంట్స్ సమర్పణలో K. V. శ్రీధర్ రెడ్డి నిర్మాతగా తెరకెక్కిస్తున్నారు. Also Read - టాలీవుడ్‌లో మరో క్రేజీ ప్రాజెక్ట్‌లో మలయాళ బ్యూటీ.. త్వరలోనే అధికారిక ప్రకటన?

Also watch

భారీ బడ్జెట్ తో అన్ని వర్గాల ప్రేక్షకుల మెప్పు పొందేలా రూపొందిస్తున్న ఈ సినిమా ప్రస్తుతం చివరి దశ పనుల్లో ఉంది. గత కొన్ని రోజులగా శరవేగంగా పోస్ట్ ప్రొడక్షన్స్ వర్క్ జరుపుకుంటున్న ఈ సినిమాని ఎన్నో అందమైన లొకేషన్స్ షూట్ చేశారంట ఈ చిత్ర టీమ్.

ఇక పోస్ట్ ప్రొడక్షన్స్ చివరి దశకు చేరుకున్న ఈ సినిమా ట్రైలర్‌ని డిసెంబర్ 18న రిలీజ్ చేసి అలానే చిత్రాన్ని థియేటర్స్ లో సంవత్సరం చివరిలో డిసెంబర్ 30న గ్రాండ్ గా విడుదల చేయబోతున్నారు మేకర్స్. Also Read - రాంచరణ్‌–శంకర్ సినిమా టైటిల్ అదేనా.. శంకర్ ఫిక్స్ చేశారా

ఇక విడుదలకు ముందు ఈ సినిమా ప్రమోషన్స్ ని కూడా భారీగానే ప్లాన్ చేస్తున్నాడు అందుకే ఈ చిత్రానికి సంబంధించిన కొన్ని అప్డేట్స్ ఇప్పటికే వదిలి వాటికి మంచి రెస్పాన్స్ అందుకున్నారు. గత కొద్ది రోజుల్లో ముందు విడుదలైన ఈ చిత్రం మోషన్ పోస్టర్, ఫస్ట్ లుక్ పోస్టర్, రీసెంట్‌గా సిధ్ శ్రీరామ్ పాడిన వెన్నెల పాట, చిత్ర టీజర్.. ఇలా అన్నీ ప్రేక్షకులను బాగా ఆకట్టుకొని సినిమాపై ఎక్స్పెక్టేషన్స్ తెచ్చిపెట్టాయి.

అంతేకాదు ఈ సినిమా తీసిన విడుదల చేసిన డైరెక్టర్ మారుతి ఈ చిత్రం టీజర్ చాలా బాగుందని, టీ షర్ట్ చూస్తేనే ఈ సినిమా ఎంత బాగుంటుందో అర్థమవుతోందని కాంప్లిమెంట్ కూడా ఇచ్చాడు. Also Read - కూతురు చేసిన పనికి షాకైన అల్లు అర్జున్.. ఫోటోలు వైరల్

ఈ చిత్రంలో ఆది సాయికుమార్ సరసన రియా సుమన్ హీరోయిన్ గా నటిస్తుండగా.. బ్రహ్మాజీ, సత్యం రాజేష్, మైమ్ గోపి, నర్రా, శత్రు, బెనర్జీ, చమ్మక్ చంద్ర లు కీలక పాత్రలు పోషిస్తున్నారు. డిఫరెంట్ కాన్సెప్ట్ మూవీ కావడంతో ఈ సినిమాపై టాలీవుడ్ లోకంలో అంచనాలు నెలకొన్నాయి. ఎన్నో హిట్ చిత్రాలకు కెమెరామెన్‌గా పని చేసిన సాయి శ్రీరామ్ ఈ సినిమాకు అద్భుతమైన విజువల్స్ అందించక ఈ సినిమాకి హర్షవర్దన్ రామేశ్వర్ సంగీతం సమకూర్చారు.

ByVishnupriya chowdhary
| Updated: December 16, 2022 8:01 PM IST