Adivi Sesh : ఆ ఒక్క సినిమా వల్ల అడవి శేష్ పదేళ్లు సినిమాలకే దూరమైపోయాడట…

అడవి శేష్ గురించి తెలుగు వారికి ప్రత్యేక పరిచయాలు అక్కర్లేదు. విభిన్నమైన కథల్ని ఎంచుకుంటూ మంచి హిట్స్ ని సొంతం చేసుకుంటున్నాడు ఈ యువ హీరో.

By Vishnupriya chowdhary
| Updated: December 1, 2022 4:31 PM IST

ప్రస్తుతం అడవి శేష్ భిన్నమైన కథల్ని తెలుగు బాక్స్ ఆఫీస్ దగ్గర బ్యాక్ టు బ్యాక్ హిట్స్ అందుకుంటున్నారు. కాదు ఈ సంవత్సరం విడుదలైన మేజర్ సినిమా అతనికి మంచి పేరు తీసుకురావడమే కాకుండా ఆయనకి పాన్ ఇండియా పరంగా క్రేజ్ కూడా క్రియేట్ చేసింది. ఈ సినిమా తెలుగుతోపాటు ఇతర భాషల్లో కూడా మంచి హిట్ ని సొంతం చేసుకుంది.

ఇక మేజర్ సినిమా తరువాత ఇప్పుడు ఈ హీరో ‘హిట్-2’ మూవీతో సిద్ధంగా ఉన్నారు. 2020లో రిలీజ్ అయిన హిట్ : ఫస్ట్ కేస్ సినిమా మంచి హిట్ అయిన సంగతి మనకి తెలిసిందే. అయితే ఆ సినిమాలో విశ్వక్ సేన్ హీరోగా నటించాడు. ఇప్పుడు దానికి రెండవ భాగంగా వస్తున్న ఈ సినిమాలో అడవి శేష్ హీరో ఛాన్స్ కొట్టేశారు. Also Read - గ్రే సినిమా రివ్యూ: దర్శకుడు రాజ్ మాదిరాజు కథనం, ప్రధాన నటీనటుల కోసం ఈ సినిమా చూడవచ్చు

ఈ సినిమా డిసెంబర్ 2న ప్రేక్షకుల ముందుకు రాబోతోంది. ఈ నేపథ్యంలో ఈ చిత్ర ప్రమోషన్స్ లో జోరుగా పాల్గొంటున్నాడు ఈ హీరో. ఈ సందర్భంగా ఒక ఇంటర్వ్యూలో తనకి ఎదురైన చేదు అనుభవాన్ని గురించి షేర్ చేసుకున్నాడు. అయితే తను చెప్పిన మాటలు ప్రస్తుతం సోషల్ మీడియాలో వైరల్ అవుతున్నాయి.

Trending Now

అసలు విషయానికి వస్తే తన కెరియర్ మొదట్లో కొన్ని సినిమాల్లో చిన్న క్యారెక్టర్స్ కూడా చేశారు అడవి శేష్. ఆ సినిమాల్లో సొంతం సినిమా ఒకటి. శీను వైట్ల దర్శకత్వంలో వచ్చిన ఈ చిత్రంలో ఆర్యన్ రాజేష్ హీరోగా నమిత హీరోయిన్ గా నటించారు. అయితే 2002లో విడుదలైన ఈ సినిమా విషయంలో తాను చాలా మోసపోయినట్లు అడవి శేష్ గుర్తు చేసుకున్నాడు. అప్పుడు తన వయసు కేవలం 15 ఏళ్లని.. సరిగా గడ్డం కూడా రాకపోవడంతో అమ్మ వాడే కాటుకని గడ్డంలా పెట్టుకొని బిల్డప్ కొట్టినట్లు అడవి శేష్ గుర్తు చేసుకున్నాడు. అయితే.. ఆ టైమ్‌లో సినిమా ఆఫర్‌ వచ్చిందని.. తనకి ‘దిల్ చాహతా హై’ ప్రీమేక్‌ చేస్తున్నట్లు చిత్ర యూనిట్ చెప్పిందని అతను వెల్లడించాడు. Also Read - ప్రభాస్ డార్లింగ్ సినిమాకు నో చెప్పి హిట్ మిస్ చేసుకున్న స్టార్ హీరో ఎవరో తెలుసా?

ఇక ఆ చిత్రంలో నలుగురు హీరోలు ఉంటారని తనకి చెప్పారని.. తీరా చూస్తే మూడు రోజుల షూట్ తర్వాత ప్యాకప్‌ చెప్పి వెళ్లిపొమ్మన్నారన్నాడనీ చెప్పుకొచ్చాడు. అయితే తెలిసి తెలియని వయసు కాబట్టి ఆ సినిమాని ఒప్పుకునేసానని,‌ ఇక ఆ దెబ్బకి తను దాదాపు పదేళ్ల పాటు సినిమాల వైపు చూడకుండా అమెరికా వెళ్లిపోయి అక్కడ చదువుకొని మరలా తిరిగి వచ్చినట్లు గుర్తు చేసుకున్నాడు.

ఇక ప్రస్తుతం విడుదల అవుతున్న హిట్-2 సినిమా విషయానికి వస్తే ఈ సినిమాని దర్శకుడు శైలేష్ కొలను తెరకెక్కిస్తున్నారు. క్రైమ్ థ్రిల్లర్‌గా రాబోతున్న ఈ సినిమాని న్యాచురల్ స్టార్ నాని సమర్పిస్తుండగా.. అతని సోదరి ప్ర‌శాంతి త్రిపిర్‌నేని నిర్మాతగా వ్యవహరిస్తున్నారు. Also Read - దసరా పండగకి రామ్ పోతినేని రావడం లేదా?

ByVishnupriya chowdhary
| Updated: December 1, 2022 4:31 PM IST