AK62 : విగ్నేష్ శివన్ తో కాకుండా మరో దర్శకుడితో తన తదుపరి సినిమాని ప్లాన్ చేసిన అజిత్.. కారణం ఏంటి?

అందరూ అజిత్ విగ్నేష్ శివన్ దర్శకత్వంలో తన తదుపరి సినిమాని చేస్తున్నారు అనుకుంటున్న సమయంలో అనుకోని ఒక ట్విస్ట్ వచ్చింది…

By Vishnupriya chowdhary
Published: January 29, 2023 9:36 AM IST

అజిత్ కుమార్ తదుపరి చిత్రం ఫిబ్రవరిలో ప్రారంభం కావాల్సి ఉంది. అయితే తాజా సమాచారం ప్రకారం విఘ్నేష్ శివన్ దర్శకత్వం వహించాల్సి, అరవింద్ స్వామి మరియు సంతానం ఉన్నట్లు నివేదించబడిన AK62 ఇప్పుడు తాత్కాలికంగా నిలిపివేయబడింది. ఈ సినిమాలో హీరోయిన్ నయనతార ఆ తరువాత సాయి పల్లవి అంటూ చెప్పుకోస్టు లాస్ట్ కి త్రిషా అని కూడా ఫిక్స్ చేసాము అని వార్తలు వచ్చాయి.

అయితే ఇప్పుడు ఈ సినిమాని నిలిపివేసి లైకా ప్రొడక్షన్స్ AK62ని దర్శకుడు మగిజ్ తిరుమేని చేతిలో పెట్టినట్టు తెలుస్తోంది. అంటే నటీనటులు, సంగీత దర్శకులు కూడా మారతారు లేదా అనేది ఇంకా తెలియాల్సిన విషయం.

ప్రొడక్షన్ హౌస్ ఒకటే అయినా కానీ దర్శకుడిలో మార్పు ఎందుకు వచ్చిందో ఎవరికీ సరైన కారణాలు తెలియవు. విఘ్నేష్ శివన్ ఇచ్చిన స్క్రిప్ట్‌తో అజిత్ సంతృప్తి చెందలేదని, మార్పులు చేయమని కోరినట్లు పుకార్లు ఉన్నాయి. చివరి స్క్రిప్ట్ సిద్ధంగా లేకపోవడం వల్ల అజిత్ తన ప్రణాళికను మార్చుకున్నారు అని కూడా వినికిడి.

మగిజ్ తిరుమేని అజిత్‌కి మంచి స్క్రిప్ట్‌ను వివరించినట్లు తెలుస్తోంది మరియు అజిత్ ఆ చిత్రంపై ఆసక్తిగా ఉన్నట్లు తెలుస్తోంది.

ప్రస్తుతం తునివు సినిమా తరువాత అజిత్ వెకేషన్ కి వెళ్ళి ఉన్నారు. అజిత్ కుమార్ కొద్దిరోజుల క్రితమే లండన్ వెళ్లగా జనవరి 28న విఘ్నేష్‌తో ఏకే62 జరగడం లేదని వార్తలు వచ్చాయి. దర్శకుడు విఘ్నేష్ కూడా పరిస్థితిని స్పష్టం చేయడానికి, తన చిత్రం డ్రాప్ అవ్వకుండా చూసుకోవడానికి లండన్ వెళ్లినట్లు సమాచారం. అయితే ఈ దర్శకుడు ముందు సినిమా కూడా లైకా ప్రొడక్షన్స్‌ వారితో శివకార్తికేయన్ నటించిన చిత్రం కావడం విశేషం.

మరి విగ్నేష్ శివన్ లైకా ప్రొడక్షన్స్ వారిని ఒప్పించి అజిత్ తదుపరి సినిమాకి తానే దర్శకత్వం వహిస్తారా లేకపోతే తను ఆ ఛాన్స్ మిస్ చేసుకుని మగిజ్ కి ఇస్తారా అనేది అధికారికంగా తెలియాల్సి ఉంది.

ఇక అజిత్ తమిళ ఇండస్ట్రీలో మంచి మాస్ ఫ్యాన్ ఫాలోయింగ్ ఉన్న హీరోలలో ఒకరు. వినోద్ దర్శకత్వంలో అజిత్ చేసిన మరొక సినిమా తనివు(తెగింపు) జనవరి 11వ తేదీన ప్రపంచ వ్యాప్తంగా విడుదలయింది. విజయ్ వారసుడు సినిమాకి ఈ చిత్రాన్ని సంక్రాంతికి పోటిగా తమిళనాడులో రిలీజ్ చేశారు.ఇక మొదటి రోజే ఈ సినిమా తెలుగు రాష్ట్రాల్లో కూడా మంచి టాక్ తో మధ్యాహ్నం వరకు థియేటర్ ఆక్యుపెన్సిని బాగానే పెంచుకుంది. అయితే ఆ తరువాత తెలుగులో కూడా వాల్తేరు వీరయ్య మరియు వీరసింహారెడ్డి సినిమాలు విడుదల కావడంతో ఈ సినిమాకి పెద్దగా కలెక్షన్స్ రాలేదు. తమిళం లో మాత్రం విజయ్ వారసుడు సినిమాతో పోటీ పడుతూ ఇప్పటికి కూడా దూసుకుపోతోంది.

ByVishnupriya chowdhary
Published: January 29, 2023 9:36 AM IST