కూతురు చేసిన పనికి షాకైన అల్లు అర్జున్.. ఫోటోలు వైరల్

అల్లు అర్జున్ ప్రస్తుతం పుష్ప2 సినిమా షూటింగ్‌లో బిజీగా ఉన్నారు. ఈ క్రమంలో షూటింగ్‌కు చిన్న బ్రేక్ రావడంతో ఫ్యామిలీతో వెకేషన్‌ను ఎంజాయ్ చేస్తున్నారు. ఈ క్రమంలో రాజస్తాన్ వెళ్లిన బన్నీ.. అక్కడ కూతురు అర్హ చేసిన పనికి షాకయ్యారు.

By Nikhil Rampalli
Published: March 21, 2023 7:03 PM IST

ఐకాన్ స్టార్ అల్లు అర్జున్ ప్రస్తుతం హాలీడే వెకేషన్ లో ఉన్నారు. పుష్ప 2షూటింగ్ గ్యాప్ రావడంతో ఫ్యామిలీతో కలిసి రాజస్థాన్ అడవుల్లో ఎంజాయ్ చేస్తున్నారు. ఇక ఆ వెకేషన్ కి సంబంధించిన ఫోటోలను, వీడియోలను అల్లు అర్జున్ భార్య స్నేహారెడ్డి సోషల్ మీడియాలో పోస్ట్ చేస్తున్నారు. తాజాగా ఆమె పెట్టిన ఒక పోస్ట్ సోషల్ మీడియాలో వైరల్ అవుతోంది. అల్లు అర్జున్ గారాల పట్టి, కూతురు అల్లు అర్హ యోగా చేస్తున్న ఒక ఫోటోను ఇన్‌స్టాగ్రామ్ స్టోరీలో పోస్ట్ చేశారు స్నేహ.
ఆ ఫోటోలో అర్హ తన అరికాళ్ళను తలకి టచ్ చేస్తూ యోగా ముద్రలో కనిపిస్తోంది. అర్హ ఆ యోగా చేస్తుండగా, పక్కన ఉన్న అల్లు అర్జున్ చూసి షాక్ అయినట్టు ఆ ఫోటోలో ఉంది. 6 ఏళ్ళ అర్హ అటువంటి యోగ ముద్రని వేయడంతో అల్లు అర్జున్ మాత్రమే కాదు, అభిమానులు కూడా షాక్ అవుతున్నారు. కాగా, స్నేహారెడ్డి యోగా బాగా ఫాలో అవుతుంటుంది. ఆమె యోగా చేస్తున్న పలు వీడియోలు గతంలో సోషల్ మీడియాలో పోస్ట్ చేసిన సంగతి తెలిసిందే. దీంతో అర్హ, తన తల్లి నుంచే యోగా నేర్చుకుంది అంటూ నెటిజన్లు కామెంట్స్ చేస్తున్నారు. ప్రస్తుతం ఈ ఫోటో నెట్టింట వైరల్ అవుతోంది.

Good Morning ? pic.twitter.com/HmSSdun8pg

— Allu Sneha Reddy (@AlluSnehaReddy_) March 21, 2023

ఇదిలా ఉంటే, సమంత కీలకపాత్రలో నటిస్తున్న శాకుంతలం సినిమాతో ఈ ఏడాది వెండితెర అరంగేట్రం కూడా చేయబోతోంది అల్లు అర్హ. మైథలాజికల్ డ్రామాగా వస్తున్న ఈ సినిమాలో అల్లు అర్హ.. ప్రిన్స్ భారత పాత్రలో కనిపించబోతోంది. ఈ సినిమా నుంచి వచ్చిన ట్రైలర్ లో.. అర్హ సింహం పై స్వారీ చేస్తున్న విజువల్ అల్లు అభిమానులకు గూస్‌బంప్స్ తెప్పించాయి. దీంతో తమ అభిమాన హీరో వారసురాలిని బిగ్ స్క్రీన్ పై ఎప్పుడెప్పుడు చూస్తామా అని ఎదురు చూస్తున్నారు. ఏప్రిల్ 14న శాకుంతలం సినిమా రిలీజ్ కాబోతోంది.
కాగా, అల్లు అర్జున్ ప్రస్తుతం పుష్ప సినిమాకు సీక్వెల్‌గా తెరకెక్కుతున్న పుష్ప: ది రూల్ సినిమాలో నటిస్తున్నారు. సుకుమార్ దర్శకత్వంలో తెరకెక్కుతున్న ఈ సినిమాలో రష్మికా మందాన హీరోయిన్‌గా నటిస్తున్నారు. దేవీ శ్రీ ప్రసాద్ మ్యూజిక్ అందిస్తున్నారు. పుష్ప సినిమాలోని పాటలు అన్నీ సూపర్‌‌హిట్‌ అయ్యాయి. అంతేకాదు, ఈ సినిమాలో సమంత స్పెషల్ సాంగ్‌లో నర్తించింది. ఆ పాటకు విపరీతమైన పాపులారిటీ వచ్చింది. సెలబ్రిటీలు కూడా ఆ పాటకు డాన్స్ చేసి అలరించారు.
కాగా, పుష్ప2 సినిమాలోని పాటలు కూడా శ్రోతలను అలరించేలా ప్లాన్ చేస్తున్నారు సుకుమార్. పాన్ ఇండియా రేంజ్‌లో తెరకెక్కుతున్న ఈ సినిమాతో బన్నీ మరో సూపర్‌‌హిట్ అందుకోవాలని ప్లాన్ చేస్తున్నారు.

Trending Now

ByNikhil Rampalli
Published: March 21, 2023 7:03 PM IST