బన్నీ ఫ్యాన్స్కు గుడ్‌న్యూస్.. పుష్ప2 టీజర్‌‌ రిలీజ్ ఎప్పుడంటే?

అల్లు అర్జున్ హీరోగా తెరకెక్కుతున్న పుష్ప2 సినిమా షూటింగ్ శరవేగంగా జరుగుతోంది. పుష్ప మొదటి భాగాన్ని తలదన్నేలా సీక్వెల్‌ను సుకుమార్ తెరకెక్కిస్తున్నారని టాక్. ఈ సినిమా నుంచి వస్గున్న అప్‌డేట్స్‌తో పుష్ప2పై అంచనాలు భారీగా పెరిగిపోతున్నాయి.

By Nikhil Rampalli
Published: March 21, 2023 6:08 PM IST

మెగాస్టార్ చిరంజీవి మేనల్లుడు, అల్లు అరవింద్ కొడుకు ట్యాగ్లతో ఇండస్ట్రీకి పరిచయమై తక్కువ సమయంలోనే తనకంటూ ప్రత్యేక ఇమేజ్ క్రియేట్ చేసుకున్నారు ఐకాన్ స్టార్ అల్లు అర్జున్. కొత్త కొత్త ప్రయోగాలు చేస్తూ.. సరికొత్త స్టైల్స్‌ ను ప్రేక్షకులకు పరిచయం చేస్తూ ఎన్నో విజయాలను అందుకుని స్టార్గా ఎదిగారు.
సుకుమార్ దర్శకత్వంలో తెరకెక్కిన 'పుష్ప'తో పాన్ ఇండియా స్టార్గా దేశవ్యాప్తంగా అభిమానులను సంపాదించుకున్నారు. కేరళలో బన్నీకి ఉన్న ఫాలోయింగ్ గురించి ప్రత్యేకంగా చెప్పక్కర్లేదు. ప్రస్తుతం 'పుష్ప 2'లో నటిస్తున్నారు. తాజాగా ఈ మూవీ నుంచి అదిరిపోయే న్యూస్ వచ్చింది.
ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో వచ్చిన సినిమా 'పుష్ప ది రైజ్'. పాన్ ఇండియా రేంజ్లో విడుదలైన ఈ సినిమా కలెక్షన్ల వర్షం కురిపించింది. బాలీవుడ్‌లో వంద కోట్ల క్లబ్‌లో చేరింది. మొత్తంగా పుష్ప మేనియాతో ఇండియానే కాదు.. ప్రపంచమే ఊగిపోయిందని చెప్పొచ్చు.
'పుష్ప' మొదటి భాగం సూపర్ హిట్ కావడంతో.. రెండో భాగంపై అంచనాలు భారీగా ఏర్పడ్డాయి. 'పుష్ప.. ద రూల్' అనే టైటిల్‌ పెట్టారు. పుష్ప రూలర్‌గా ఎలా ఎదిగాడు అనే విషయాన్ని హైలైట్ చేసి చూపించబోతున్నట్లు ఇప్పటికే రివీల్ చేసింది చిత్ర యూనిట్. మొదటి భాగం కంటే రెండో భాగాన్ని హై రేంజ్‌లో తెరకెక్కిస్తున్నారని టాక్. ఈ సినిమా షూటింగ్ ఇప్పటికే చాలా భాగం పూర్తయింది. అభిమానులంతా ఆసక్తిగా ఎదురు చూస్తున్న ఈ సినిమా నుంచి ఓ అప్డేట్ వచ్చింది. అల్లు అర్జున్ పుట్టినరోజు సందర్భంగా ఏప్రిల్ 8వ తేదీన ఈ మూవీ నుంచి గ్లింప్స్ వీడియోను విడుదల చేయనున్నట్లు తెలుస్తోంది.
అల్లు అర్జున్ - సుకుమార్ కాంబినేషన్‌లో తెరకెక్కుతున్న ఈ సినిమాను మైత్రీ మూవీ మేకర్స్ సంస్థ ప్రతిష్టాత్మకంగా నిర్మిస్తోంది. ఈ సినిమాలో రష్మికా మందాన హీరోయిన్‌గా నటిస్తుండగా.. మలయాళ స్టార్ ఫహద్ ఫాజిల్ కీలకపాత్ర పోషిస్తున్నారు. దేవీ శ్రీ ప్రసాద్ సంగీతం అందిస్తున్న ఈ సినిమాలో సునీల్, అనసూయ కీలక పాత్రల్లో కనిపించనున్నారు. Also Read - అల్లు అర్జున్‌పై ప్రశంసల జల్లు కురిపించిన బాలీవుడ్ సీనియర్ హీరోయిన్.. బాలీవుడ్ హీరోలైతే ఆ ధైర్యం చేయరని కామెంట్

అల్లు అర్జున్ పుట్టినరోజు సందర్భంగా రాబోతున్న 'పుష్ప ది రూల్' గ్లింప్స్ వీడియోకు సంబంధించిన షూటింగ్ పార్ట్ అండ్ కట్ ఇప్పటికే కంప్లీట్ అయినట్టు తెలిసింది. 3 నిమిషాల పాటు ఈ వీడియో సాగుతుందట. ఇక, దీనికి సంబంధించిన మ్యూజిక్ వర్క్ మాత్రమే బ్యాలెన్స్ ఉందని సమాచారం. క్రేజీ కాంబినేషన్‌లో రూపొందుతోన్న 'పుష్ప ది రూల్' సినిమా నుంచి విడుదల కాబోతున్న గ్లింప్స్ గురించి తాజాగా మరికొన్ని ఆసక్తికరమైన విషయాలు లీకయ్యాయి.
మూడు నిమిషాల పాటు సాగే ఈ వీడియోలో ఆద్యంతం యాక్షన్ సన్నివేశాలనే చూపించబోతున్నారట. అంతేకాదు, ఇందులో బన్నీ చెప్పే పవర్‌ఫుల్ డైలాగ్ ఒకటి హైలైట్ కాబోతున్నట్టు సమాచారం. మొదటి భాగంలో వచ్చిన ‘తగ్గేదేలే’ అనే డైలాగ్ ఎంత పాపులర్ అయ్యిందో అందరికీ తెలిసిందే. ఇక ఇప్పుడు రాబోతున్న డైలాగ్ ఏ రేంజ్లో ఉండబోతోందో అనే విషయం తెలియాలంటే ఏప్రిల్ 8 వరకు ఆగాల్సిందే! Also Read - కాబోయే వాడిలో ఉండాల్సిన లక్షణాలు ఏంటో చెప్పేసిన నేషనల్ క్రష్ రష్మికా మందాన

Trending Now

ByNikhil Rampalli
Published: March 21, 2023 6:08 PM IST

బన్నీ ఫ్యాన్స్​కు గుడ్‌న్యూస్.. పుష్ప2 టీజర్‌‌ రిలీజ్ ఎప్పుడంటే?

బన్నీ ఫ్యాన్స్కు గుడ్‌న్యూస్.. పుష్ప2 టీజర్‌‌ రిలీజ్ ఎప్పుడంటే?