సాయి పల్లవి తన క్రష్ అని మనసులో మాట బయటపెట్టిన బాలీవుడ్ నటుడు

డాన్స్, నటన, మెస్మరైజింగ్ లుక్‌తో ఆకట్టుకుంటున్న హీరోయిన్ సాయి పల్లవి. ఇటీవల ఆమె లేడీ ఓరియెంటెడ్ సినిమాల్లో కూడా నటిస్తున్నారు. ఆమె నటనకు, డాన్స్‌కు సామాన్యులతో పాటు సెలబ్రిటీలు కూడా ఫ్యాన్స్ అయిపోతున్నారు.

By Nikhil Rampalli
| Updated: May 31, 2023 6:27 PM IST

టాలీవుడ్‌లో స్టార్ హీరోయిన్‌గా ఉన్న సాయి పల్లవి (Sai Pallavi) కి అభిమానులు తక్కువేం కాదు. సెలబ్రిటీలకు అభిమానులు ఉండడం మామూలే. అయితే సాయి పల్లవికి ఉన్న అభిమానుల్లో సెలబ్రిటీలు కూడా ఉన్నారు. అదే ప్రత్యేకత. మేకప్ లేకుండా తన నేచురల్ అందంతో యూత్‌ హృదయాలను ఆకట్టుకుంటున్నారు సాయి పల్లవి. కాగా, సాయి పల్లవి అంటే తనకు క్రష్ ఉందని బాలీవుడ్ నటుడు కామెంట్ చేశాడు. ఆమెతో కలిసి పని చేసేందుకు ఆతృతగా ఎదురుచూస్తున్నానని చెప్పాడు. ఆ బాలీవుడ్ నటుడు ఎవరో కాదు గుల్షన్ దేవయ్య (Gulshan Devaiah).

తనకు సాయి పల్లవి అంటే క్రష్ అని చెబుతున్నాడు గుల్షన్ దేవయ్య. సాయి పల్లవి అందం గురించి ఎంత చెప్పినా తక్కువే అంటున్నాడు. ‘మేకప్ లేకుండా తన అందంతో కుర్రకారు హృదయాలను కొల్లగొట్టింది ఈ ముద్దుగుమ్మ. అందంతో పాటు తన అభినయంతో ప్రేక్షకులను అలరిస్తున్న ఈ సాయి పల్లవిపై ఎంతో మందికి క్రష్ ఉండే ఉంటుంది. ఆమె అందానికి, పర్ఫార్మెన్స్‌కు సెలబ్రెటీలు సైతం ఫిదా అవుతున్నారు. తాజాగా బాలీవుడ్ నటుడు గుల్షన్ దేవయ్య.. సాయి పల్లవి గురించి ఆసక్తికర వ్యాఖ్యలు చేశాడు. ఆమె తన క్రష్ అంటూ స్పష్టం చేశాడు. Also Read - కమల్ హాసన్ తో సినిమా చేయబోతున్న డైరెక్టర్ వినోద్

ఓ ఇంటర్వ్యూలో మాట్లాడిన గుల్షన్.. సాయి పల్లవి అంటే తనకు క్రష్ అని, అయితే ఆమెకు చెప్పే సాహసం చేయలేదని తెలిపాడు. "నాకు సాయి పల్లవి అంటే చాలా ఇష్టం. చాలా కాలం నుంచి ఆమె అంటే ఇష్టం ఉంది. ఆమె నంబర్ కూడా నా వద్ద ఉంది. కానీ ఆమె దగ్గరకు వెళ్లి ఈ విషయం చెప్పే సాహసం చేయలేదు. ఆమె వండర్‌ఫుల్ డాన్సర్, అద్భుతమైన నటి. ఆమె అంటే నాకు క్రష్ మాత్రమే. అంతకుమించి ఏమీ లేదని అనుకుంటున్నా. కొన్నిసార్లు ఆమెను చూసి ఆకర్షితుడిని అయ్యాను.

కానీ ఆమె చాలా మంచి నటి. ఏదో ఒక రోజు ఆమెతో కలిసి పని చేసే అవకాశం వస్తుందేమోనని ఆశిస్తున్నా. అది చాలు నేను ఆనందంగా ఉండటానికి. మిగతా విషయాలు నాకు తెలియవు’’ అంటూ సాయి పల్లవి అంటే తనకు ఎంతో ఇష్టమో చెప్పాడు గుల్షన్ దేవయ్య. Also Read - Tollywood News: డియర్ కామ్రేడ్ సినిమాకు సాయి పల్లవి ఎందుకు నో చెప్పింది? కారణం ఏంటో తెలుసా

"ఆ ఉద్దేశం ఉంటే జరుగుతుంది. ఒకవేళ ఆ ఉద్దేశం లేకపోతే జరగదు. అయితే మంచి ప్రతిభ ఉన్న వాళ్లతో నటించే అవకాశం వస్తే మాత్రం బాగుంటుంది. అందులో తప్పేమీ లేదు. కనీసం అంతవరకైనా సర్దుకుంటాను" అని గుల్షన్ తెలిపాడు. అతడి కామెంట్లను చూస్తే సాయి పల్లవితో వర్క్ చేయాలని, ఆమెతో తన అభిప్రాయాన్ని చెప్పాలని గుల్షన్ తహతహలాడుతున్నాడని తెలుస్తోంది. మరి గుల్షన్ దేవయ్య కోరికను సాయి పల్లవి తీరుస్తుందో లేదో చూడాలి.

ByNikhil Rampalli
| Updated: May 31, 2023 6:27 PM IST