డైలాగులు, యాక్షన్‌తో అదరగొట్టిన నాగచైతన్య.. ఆసక్తి రేకెత్తిస్తున్న కస్టడీ టీజర్

వెంకట్ ప్రభు దర్శకత్వంలో అక్కినేని నాగచైతన్య హీరోగా నటించిన సినిమా కస్టడీ. ఈ సినిమాలో కృతిశెట్టి హీరోయిన్‌గా నటించింది. చై పోలీసాఫీసర్‌‌గా నటిస్తున్న ఈ సినిమా మే నెల 12వ తేదీన విడుదలకు రెడీ అవుతోంది. ఈ క్రమంలో సినిమా టీజర్‌‌ను విడుదల చేసింది చిత్ర యూనిట్

By Nikhil Rampalli
Published: March 16, 2023 8:15 PM IST

యంగ్‌ హీరో నాగచైతన్య నటిస్తున్న తాజా చిత్రం 'కస్టడీ'. తమిళ డైరెక్టర్ వెంకట్ ప్రభు ఈ చిత్రానికి దర్శకత్వం వహిస్తున్నారు. ఈ సినిమాలో నాగచైతన్యకు జోడీగా కృతి శెట్టి నటిస్తోంది. క్రైమ్ ఇన్వెస్టిగేషన్ డ్రామాగా తెరకెక్కుతున్న కస్టడీ సినిమాలో నాగ చైతన్య పోలీస్‌ ఆఫీసర్‌గా కనిపించనున్నారు.

శ్రీనివాస చిట్టూరి నిర్మించిన ఈ సినిమా మే 12వ తేదీన విడుదల చేయనున్నారు.ఈ క్రమంలో సినిమా ప్రమోషన్స్లో జోరు పెంచింది చిత్ర యూనిట్. అందులో భాగంగానే కస్టడీ సినిమా టీజర్‌‌ను రిలీజ్ చేసింది. పోస్టర్స్ రిలీజ్ దగ్గర నుంచే కస్టడీ సినిమాపై ఆసక్తి పెరుగుతోంది. Also Read - మూడు ఫ్లాప్‌లతో పడిపోయిన కృతిశెట్టి కెరీర్ గ్రాఫ్.. ‘ఉప్పెన’ వంటి హిట్ బేబమ్మకు తప్పనిసరి

Also watch

కస్టడీ సినిమా టీజర్‌ను చిత్ర యూనిట్ కొద్ధిసేపటి క్రితమే రిలీజ్ చేసింది. సినిమాపై ఆసక్తిని పెంచేలా టీజర్‌‌ను కట్ చేశారు దర్శకుడు. 'గాయపడిన మనసు ఆ మనిషిని ఎంత దూరమైనా తీసుకెళుతుంది' అనే డైలాగ్ తో స్టార్ట్ అయిన టీజర్ ఒక నిమిషం 20 సెకండ్లు ఉంది. 'ఇక్కడ చావు నన్ను వెంటాడుతోంది . అది ఎప్పుడు ఎక్కడి నుంచి ఎలా వస్తుందో నాకు తెలియదు', 'నిజం ఒక ధైర్యం.. నిజం ఒక సైన్యం.. అది ఇప్పుడు నా కస్టడీలో ఉంది' అని చై చెబుతున్న డైలాగ్స్ సినిమాపై క్యూరియాసిటీని పెంచుతున్నాయి. Also Read - ఫీల్ గుడ్ లవ్, రొమాంటిక్ ఎంటర్‌‌టైనర్ మా ‘ఫలానా అబ్బాయి ఫలానా అమ్మాయి’ : శ్రీనివాస్ అవసరాల

మే 12న ప్రేక్షకుల ముందుకు వస్తున్న కస్టడీ సినిమా టీజర్.. పవర్‌ఫుల్‌ డైలాగ్స్‌, యాక్షన్‌ సీక్వెన్స్లతో రూపొందింది. ఈ టీజర్ ప్రస్తుతం సోషల్ మీడియాలో చక్కర్లు కొడుతోంది. 'బంగార్రాజు' సినిమా తరువాత కృతి శెట్టి, నాగచైతన్య మరోసారి కలిసి నటించారు. ఇళయరాజా, ఆయన కొడుకు యువన్ శంకర్ రాజా కలిసి ఈ సినిమాకు సంగీతాన్ని అందించారు. అరవింద్ స్వామి, శరత్ కుమార్, సంపత్ రాజ్, ప్రియమణి కీలకపాత్రలు పోషించారు.

థాంక్యూ సినిమా తర్వాత నాగచైతన్య నటిస్తున్న సినిమా కస్టడీ. ఎన్నో అంచనాల మధ్య విడుదలైన ఈ సినిమా మిక్స్డ్‌ టాక్‌ను తెచ్చుకుంది. ఆమిర్ ఖాన్ నటించిన లాల్ సింగ్ చడ్డాలో కూడా చై.. కీలకపాత్ర పోషించాడు. ఆ సినిమా కూడా సక్సెస్‌ కాలేదు. దాంతో ఈ సినిమా హిట్‌పైనే నాగచైతన్య ఆశలు పెట్టుకున్నారు. Also Read - నటిగా నన్ను నేను నిరూపించుకునే సినిమా ‘ఫలానా అబ్బాయి ఫలానా అమ్మాయి’: మాళవికా నాయర్

ByNikhil Rampalli
Published: March 16, 2023 8:15 PM IST