స్టార్ హీరో సినిమా మొదటి రోజు వసూళ్లను దాటేసిన ‘దసరా’.. అభిమానులు షాక్!

నేచురల్‌ స్టార్ నాని హీరోగా కీర్తి సురేష్ హీరోయిన్‌గా తెరకెక్కిన దసరా సినిమా ఈరోజు ప్రపంచవ్యాప్తంగా విడుదలై భారీ ఓపెనింగ్స్‌ సాధించింది

By Nikhil Rampalli
Published: March 30, 2023 8:09 PM IST

నేచురల్ స్టార్ నాని హీరోగా నటించిన ‘దసరా’ చిత్రం ఈరోజు ప్రపంచవ్యాప్తంగా విడుదలైంది. పాన్‌ ఇండియా రేంజ్‌లో ఘనంగా విడుదలైన ఈ సినిమా పాజిటివ్ టాక్ దక్కించుకొని కనీవినీ ఎరుగని రేంజ్ ఓపెనింగ్స్ దక్కించుకుంది. ఈ సినిమాకి వచ్చిన ఓపెనింగ్స్‌ చూసి ట్రేడ్ పండితులు సైతం ఆశ్చర్యపోతున్నారు. ప్రతీ చోట దసరా సినిమా మీడియం రేంజ్ హీరోల మొదటి రోజు వసూళ్లకంటే మూడు రెట్లు ఎక్కువ వసూళ్లను రాబట్టింది.

కొన్ని ప్రాంతాలలో కేవలం మీడియం రేంజ్ హీరోల కలెక్షన్స్ మాత్రమే కాదు, స్టార్ హీరోల వసూళ్లను కూడా దాటేస్తుందని ట్రేడ్ వర్గాలు అంచనా వేస్తున్నాయి. మెగాస్టార్ చిరంజీవి హీరోగా నటించిన ‘వాల్తేరు వీరయ్య’ వసూళ్లను కూడా ఈ చిత్రం కొన్ని ప్రాంతాలలో దాటేసిందని అంటున్నారు. నైజాం ప్రాంతంలో ‘వాల్తేరు వీరయ్య’ చిత్రం మొదటి రోజు ఆరు కోట్ల 58 లక్షల షేర్ వసూళ్లను రాబట్టింది. Also Read - మరో హిట్ డైరెక్టర్‌‌ను లైన్‌లో పెట్టిన చిరంజీవి!.. పూర్తి కథ రెడీ చేయాలని సూచన

అయితే, దసరా సినిమాకు వస్తున్న వసూళ్లు చూస్తుంటే మొదటిరోజు కేవలం నైజాం ప్రాంతం నుంచే రూ.7 కోట్లకు పైగా షేర్ వస్తుందని ట్రేడ్ వర్గాలు చెప్తున్నాయి. అంటే ‘వాల్తేరు వీరయ్య’ సినిమా కంటే ఎక్కువ వసూలు చేసిందన్నమాట. ఇది నిజంగా నానికి గర్వించదగ్గ విషయం అనే చెప్పాలి. అసిస్టెంట్ డైరెక్టర్‌‌గా ఇండస్ట్రీలోకి వచ్చిన నాని, ఇప్పుడు చిరంజీవి రేంజ్ వసూళ్లను రాబడుతున్నాడు అంటే, ఆయన పడిన కష్టం ఎటువంటిదో అర్థం చేసుకోవచ్చు.

Trending Now

ఇక, నాని స్టైల్కి భిన్నంగా మాస్ కాన్సెప్ట్‌తో తెరకెక్కిన సినిమా ద‌స‌రా. ‘అంటే.. సుందరానికి’, ‘టక్ జగదీష్’ ఫలితాలతో ఈ సినిమాకోసం నాని ముందు నుంచే చాలా జాగ్రత్తలు తీసుకున్నాడు. కథ, కథకు తగినట్టు లుక్స్, సినిమా నేపథ్యం.. ప్రతి విషయంలో శ్రద్ధ తీసుకుని పక్కా హిట్ కాన్ఫిడెన్స్తో ప్రమోషన్స్ చేశారు. రేగిన జుట్టు, మెలి తిప్పిన మీసాలు, మ‌ట్టి ప‌ట్టిన‌ట్లున్న డ్రెస్‌..ఈ సినిమా ఫ‌స్ట్ లుక్ రిలీజ్ అయిన త‌ర్వాత అంద‌రూ ఆశ్చ‌ర్యపోయారు. నాని నిజంగానే ప్రయోగం చేస్తున్నాడ‌ని మెచ్చుకున్నారు కూడా. ఫస్ట్లుక్ రిలీజ్ అయినప్పటినుంచే ఈ సినిమాపై భారీ అంచనాలు ఏర్పడ్డాయి Also Read - Dasara on OTT: ఓటిటిలో ప్రసారానికి దసరా చిత్రం రెడీ. ఎప్పటినుండో తెలుసా?

వైవిధ్యభరితంగా తెరకెక్కుతున్న టాలీవుడ్ సినిమాలకు పాన్ ఇండియా లెవల్లో ఆద‌ర‌ణ ద‌క్కుతున్న నేప‌థ్యంలో నాని ద‌స‌రా సినిమాను తెలుగుతోపాటు అయిదు భాషల్లో విడుదల చేశారు. అంతేకాదు, ఈ సినిమాను ఓ డెబ్యూ డైరెక్ట‌ర్ అయిన శ్రీకాంత్ ఓదెలను నమ్మి తెర‌కెక్కించటం. చెరుకూరి సుధాక‌ర్ ఈ మూవీని నిర్మించారు. నానికి జోడీగా న‌టించిన కీర్తి సురేష్ కూడా వెన్నెలగా సహజంగా క‌నిపించి అందరినీ ఆకట్టుకున్నారు.

గోదావ‌రి ఖ‌ని స‌మీపంలో ఓ విలేజ్ బ్యాక్ డ్రాప్‌తో తెర‌కెక్కిన ఈ రా అండ్ ర‌స్టిక్ సినిమా ట్రైల‌ర్‌, పాట‌లు సినిమాపై ఉన్న అంచ‌నాల‌ను నెక్స్ రేంజ్‌కు తీసుకెళ్లిపోయాయి. మార్చి 30న రిలీజ్ అయిన సినిమాను చూసిన అభిమానులు, నెటిజ‌న్స్ అహా, ఓహో అంటూ నెట్టింట పొగ‌డ్త‌లు వ‌ర్షం కురిపించేస్తున్నారు. Also Read - అభిమానులతో సమంత గురించి కీర్తి సురేష్ ఏం చెప్పిందో తెలుసా

సినిమా చూసిన కొందరైతే ఈ దశాబ్దంలోనే బెస్ట్ మూవీ దసరా. డైరెక్టర్‌లో అద్భుతమైన స్టఫ్ ఉంది. అయితే సినిమా స్లోగా ఉందే తప్ప.. నాని, కీర్తి నటనతో ది బెస్ట్ అనిపించారని, ది బెస్ట్ థియేట్రికల్ ఎక్స్‌పీరియెన్స్ మూవీ అని పోస్ట్ పెట్టారు. పాజిటివ్ టాక్తో దూసుకుపోతున్నా బూతులతో తెలంగాణ నేపథ్యాన్ని కించపరిచారనే మాటలు కూడా వినిపిస్తున్నాయి. ఏదైతేనేం.. మాస్లోనూ తానేం తక్కువ కాదని నిరూపించేసుకున్నారు నేచురల్ స్టార్ నాని.

ByNikhil Rampalli
Published: March 30, 2023 8:09 PM IST