దేవర: మాస్ లుక్‌లో జూనియర్ ఎన్టీఆర్.. పవర్ ఫుల్ టైటిల్ పెట్టిన కొరటాల

జూనియర్ ఎన్టీఆర్ హీరోగా కొరటాల శివ దర్శకత్వంలో ఒక సినిమా తెరరకెక్కుతున్న విషయం తెలిసిందే. అయితే ఈ సినిమా గురించి ఎప్పుడు ఏ అప్‌డేట్ వస్తుందా అని ఫ్యాన్స్ ఎదురుచూస్తున్నారు.

By Nikhil Rampalli
| Updated: May 19, 2023 8:51 PM IST

యంగ్ టైగర్ ఎన్టీఆర్- కొరటాల శివ కాంబినేషన్‌ లో ఓ సినిమా తెరకెక్కుతున్న సంగతి తెలిసిందే. ఎన్టీఆర్30 వర్కింగ్ టైటిల్ తో రూపొందుతున్న ఈ సినిమా షూటింగ్ శరవేగంగా జరుగుతోంది. వరుస షెడ్యూళ్లతో సినిమాను అనుకున్న సమయానికి పూర్తి చేసేలా ప్లాన్ చేస్తున్నారు మేకర్స్.

ఈ సినిమా వచ్చే ఏడాది వేసవి కానుకగా ఏప్రిల్ 5న విడుదల కానుంది. ఇక, ఈ సినిమాలో ఎన్టీఆర్ కి జోడీగా బాలీవుడ్ బ్యూటీ జాన్వీ కపూర్ నటిస్తోంది. ఆర్ ఆర్ ఆర్ తర్వాత తారక్ నటిస్తున్న సినిమా కావడంతో ఈ సినిమాపై చాలా ఆశలు పెట్టుకున్నారు నందమూరి అభిమానులు. కాగా, మే 20 ఎన్టీఆర్ పుట్టినరోజు సందర్భంగా ఒకరోజు ముందుగానే అభిమానులకు అదిరిపోయే ట్రీట్ ఇచ్చారు దర్శకనిర్మాతలు. Also Read - మెగా ప్రిన్సెస్‌కు అదిరిపోయే గిఫ్ట్ పంపించిన జూనియర్ ఎన్టీఆర్... విభేదాల వార్తలకు చెక్ పడినట్టేనా?

సినిమా అనౌన్స్ చేసినప్పటినుంచీ ఎంతగానో ఎదురు చూస్తున్న టైటిల్ మరియు ఎన్టీఆర్ ఫస్ట్ లుక్ని విడుదల చేశారు. అంతా అనుకున్నట్లుగానే ఈ సినిమాకు ‘దేవర’ టైటిల్ ని ఖాయం చేశారు కొరటాల. మొత్తం ఐదు భాషల్లో ఈ సినిమాకు ఒకే టైటిల్ ఉండటం విశేషం.

పాన్ ఇండియా మూవీగా భారీ బ‌డ్జెట్‌ తో ఈ సినిమా తెరకెక్కుతోంది. RRR లాంటి సెన్సేషనల్ హిట్ కొట్టిన తర్వాత ఎన్టీఆర్ నటిస్తున్న సినిమా ఇదే కావడంతో దీనిపై భారీగా అంచనాలు ఉన్నాయి. ఫ్యాన్స్‌, ప్రేక్ష‌కులు, ట్రేడ్ వ‌ర్గాలు ఈ సినిమా ఏ రేంజ్‌ లో ఉంటుందో అని ఆస‌క్తిగా ఎదురు చూస్తున్నారు. దాదాపు ఏడాది పాటు వెయిట్ చేసి మరీ స్క్రిప్ట్ అంతా ప‌క్కా అని భావించిన త‌ర్వాతే సినిమా షూటింగ్‌ ను షురూ చేశాడు తారక్. Also Read - సూర్య నుండి నాగచైతన్య వరకు... బిగ్ బడ్జెట్

Also Read - వయసు పైబడుతున్నా కూడా తగ్గేదే లే అంటున్న బాలకృష్ణ

అందులోనూ ఆచార్య సినిమాతో డిజాస్టర్ చూసిన కొరటాల శివ కూడా ఈ చిత్రంతో బ్లాక్ బస్టర్ అందుకోవాలని చాలా కసిగా ఉన్నారు. ఇంకో విషయమేంటంటే ఎన్టీఆర్‌తో కొరటాల శివ తీసిన 'జనతా గ్యారేజ్' అప్పట్లో బాక్సాఫీస్ దుమ్ముదులిపింది. దీంతో ఈ కాంబోపై గట్టిగానే నమ్మకం పెట్టుకున్నారు ఎన్టీఆర్ ఫ్యాన్స్.

ఇక ఈ సినిమాలో బాలీవుడ్ స్టార్ సైఫ్ అలీఖాన్ విల‌న్‌గా యాక్ట్ చేస్తున్నాడు. అనిరుద్ ర‌విచంద్ర‌న్ మ్యూజిక్ అందిస్తుండగా ర‌త్న‌వేలు సినిమాటోగ్ర‌ఫీ చేస్తున్నారు. అయితే ఈ సినిమా ఫస్ట్ లుక్ చూస్తుంటే మంచి యాక్ష‌న్ సినిమానే కొరటాల సిద్ధం చేస్తున్నట్లు తెలుస్తోంది. అందులోనూ ఇందులో యాక్షన్ సీక్వెన్సుల‌తో పాటు వీఎఫ్‌ఎక్స్ కోసం హాలీవుడ్ టెక్నీషియ‌న్స్ వ‌ర్క్ చేస్తున్నట్లు సమాచారం.

ఫస్ట్ లుక్ ఈ రేంజ్లో ఉంటే టీజర్, ట్రైలర్ ఎలా ఉండబోతున్నాయా.. అని ఆసక్తిగా ఎదురు చూస్తున్నారు అభిమానులు. ఈ పోస్టర్ సినిమాపై అంచనాలను రెండింతలు చేసిందనడంలో సందేహం లేదు. కొరటాల శివ ఈ సినిమాతో మళ్లీ సక్సెస్ ట్రాక్ ఎక్కేందుకు చాలానే కష్టపడుతున్నారని అర్థమవుతోంది.

ByNikhil Rampalli
| Updated: May 19, 2023 8:51 PM IST