ఆర్‌‌ఆర్‌‌ఆర్‌‌ తర్వాత సంగీత దర్శకుడు కీరవాణి ఏ సినిమా చేస్తున్నారో తెలుసా?

ఆర్‌‌ఆర్‌‌ఆర్ సినిమా తర్వాత కీరవాణి ఏ సినిమాకు మ్యూజిక్ చేస్తున్నారు అనే ఉత్కంఠ అందరిలోనూ నెలకొంది. అయితే దానిపై ఇప్పటివరకు ఎటువంటి ప్రకటన వెలువడలేదు. వాటికి తెరపడే వార్త ఒకటి బయటకు వచ్చింది.

By Nikhil Rampalli
| Updated: June 3, 2023 8:33 PM IST

సౌత్ ఇండియన్ సినిమా ఇండస్ట్రీలోని ప్రముఖ నిర్మాతలలో ఒకరు కె.టి.కుంజుమోన్. అర్జున్ హీరోగా శంకర్ దర్శకత్వంలో తెరకెక్కిన జెంటిల్మన్ సినిమా తీసి భారీ హిట్ అందుకున్నారు. 1999 తర్వాత ఆయన సినిమాలకు దూరంగా ఉన్నారు. దర్శకుడు శంకర్‌‌ను ఇండస్ట్రీకి పరిచయం చేసింది కుంజుమోన్. అయితే, ప్రస్తుతం ఆయన జెంటిల్ మన్‌ 2 సినిమా ద్వారా ఇండస్ట్రీలోకి కమ్ బ్యాక్ ఇస్తున్నారు. గ్రాండ్‌ గా, విభిన్నమైన కథలతో సినిమాలు నిర్మించడం ఆయన ప్రత్యేకత.

సినిమాను ప్రమోట్ చేయడంలో కూడా ఆయన ప్రత్యేక శైలిని ఫాలో అవుతూ ఉంటారని ఇండస్ట్రీలో టాక్ ఉంది. కొన్నేళ్లుగా ఇండస్ట్రీకి దూరంగా ఉన్న కుంజుమోన్.. జెంటిల్ మన్ 2 సినిమాను నిర్మిస్తున్నట్టు వెల్లడించారు. ఆయన కమ్ బ్యాక్ ప్రకటించడం పట్ల ఇండస్ట్రీతోపాటు, ట్రేడ్ సర్కిల్ కూడా ఆనందం వ్యక్తం చేస్తోంది. Also Read - M.M. Keeravani on RGV: నా మొదటి ఆస్కార్ రాంగోపాల్ వర్మ అన్న కీరవాణి…నేను చచ్చిపోయాను అనిపించింది అంటున్న రాంగోపాల్ వర్మ

ఇక, ఆర్‌‌ఆర్‌‌ఆర్‌‌ సినిమాలోని నాటు నాటు పాటకు బెస్ట్ ఒరిజినల్ సాంగ్ కేటగిరీలో ఆస్కార్ అవార్డు దక్కిన విషయం తెలిసిందే. ఆ సినిమాతో కీరవాణి ఇమేజ్ ప్రపంచ స్థాయికి చేరింది. జెంటిల్ మన్ 2 సినిమాకు మ్యూజిక్ కంపోజర్‌‌గా కీరవాణిని ఎంపిక చేశారు కుంజుమోన్. ఈ సినిమాతో తమిళ చిత్ర పరిశ్రమలోకి కీరవాణి కూడా కమ్ బ్యాక్ ఇస్తున్నారు.

జెంటిల్ మన్ 2 పూర్తి స్క్రిప్ట్‌ను కీరవాణికి చెప్పేందుకు ఫిల్మ్ మేకర్ ఎ.గోకుల్ కృష్ణ హైదరాబాద్ వచ్చారు. కథ విన్న తరువాత కీరవాణి ఇంప్రెస్ అయ్యారు. ఈ సినిమాకు మ్యూజిక్ కంపోజ్ చేయడానికి అంగీకరించారు. వచ్చే నెలలోనే కంపోజింగ్ మొదలు పెడతానని నిర్మాత కుంజుమోన్‌కు తెలిపారు కీరవాణి. జెంటిల్ మన్2 సినిమాను గ్రాండ్ గా నిర్మించేందుకు రెడీ అవుతున్న కుంజుమోన్‌ను కీరవాణి అభినందించారు. Also Read - Padma Shri‌ Awards 2022 : ఆర్ఆర్ఆర్ మరియు కేజిఎఫ్ ఫ్యాన్స్ పండగ.. ఎంఎం. కీరవాణి కి,‌ రవీనా టాండన్‌ను కు పద్మశ్రీ…

కాగా, ఆర్‌‌ఆర్‌‌ఆర్‌‌ వంటి బ్లాక్ బస్టర్ తర్వాత కీరవాణి ఏ సినిమా చేస్తున్నారు అనే దాని గురించి మ్యూజిక్ ప్రేమికులు ఆతృతగా ఎదురుచూస్తున్నారు. అయితే, ఇన్నాళ్లూ దానిపై క్లారిటీ రాలేదు. అయితే, కుంజుమోన్ నిర్మాతగా తెరకెక్కనున్న జెంటిల్ మన్‌2 సినిమాకు మ్యూజిక్ చేయనున్నట్టు క్లారిటీ వచ్చింది. ఇక, దర్శక ధీరుడు రాజమౌళి దర్శకత్వంలో యంగ్ టైగర్ ఎన్టీఆర్, మెగా పవర్ స్టార్ రాంచరణ్ హీరోలుగా తెరకెక్కిన సినిమా ఆర్‌‌ఆర్‌‌ఆర్. ఈ సినిమా దేశ విదేశాలలో కూడా భారీ విజయాన్ని అందుకుంది. విడుదలైన అన్ని కేంద్రాలలో కూడా భారీ వసూళ్లను రాబట్టింది. అంతేకాకుండా, పలు అవార్డులను కూడా సొంతం చేసుకుంది. ప్రతిష్ఠాత్మక అకాడమీ అవార్డు కూడా ఆర్‌‌ఆర్‌‌ఆర్‌‌ సినిమాను వరించింది.

ఈ సినిమాలోని నాటు నాటు పాట బెస్ట్ ఒరిజినల్ సాంగ్ కేటగిరీలో ఆస్కార్ అవార్డు గెలుచుకుంది. ఈ పాట కంపోజ్ చేసిన కీరవాణి, లిరిక్స్ రాసిన చంద్రబోస్, కొరియోగ్రాఫర్ ప్రేమ్ రక్షిత్‌ కు ప్రపంచవ్యాప్తంగా ఉన్న సినీ అభిమానుల నుంచి ప్రశంసలు దక్కిన విషయం తెలిసిందే. Also Read - Rajamouli - Mahesh Babu: నిర్మాతల నుంచి రాజమౌళికి ప్రెషర్…అది కూడా మహేష్ బాబు సినిమా వల్ల

ByNikhil Rampalli
| Updated: June 3, 2023 8:33 PM IST