బయోపిక్ ట్రెండ్ ఎప్పుడు స్టార్ట్ అయిందో తెలుసా?

తెలుగులో మాత్రం బయోపిక్స్ కి అత్యంత క్రేజ్ తెచ్చిన సినిమా మహానటి. దివంగత నటి సావిత్రి జీవిత చరిత్ర గురించి వచ్చిన ఈ చిత్రం తెలుగులో బ్లాక్ బస్టర్ గా నిలిచి ఒక్క సారిగా బయోపిక్స్ పై విపరీతమైన క్రేజ్ తెచ్చిపెట్టింది.

By Sarvepalli Bhavana
| Updated: July 6, 2022 11:02 AM IST

చాలామంది బాలీవుడ్ ఇండస్ట్రీ వాళ్ళు బయోపిక్ అనేది వాళ్ళ ఇండస్ట్రీలోనే మొదలైంది అని చెప్పుకుంటూ ఉంటారు కానీ నిజం చెప్పాలి అంటే ఈ బయోపిక్ స్టార్ట్ చేసింది మాత్రం మణిరత్నం. అవును మణిరత్నం చేసిన ఇద్దరు సినిమా తో ఈ బయోపిక్ ట్రెండ్ మొదలయ్యింది. ఇందులో ఎంజీఆర్, కరుణానిధిల జీవితాల్ని చూపించాడు మణి. ఆ తర్వాత ఇటువంటి జోనర్ లో సినిమా ఒక్కటి కూడా రాలేదు. చాలాకాలం తర్వాత మణిరత్నం మళ్లీ 'గురు' అనే సినిమాతో ముందుకు వచ్చాడు. బిజినెస్ టైకూన్ ధీరుబాయి అంబానీ ప్రయాణమే 'గురు' సినిమా. ఇలా ఈ రెండు సినిమాల తర్వాత బాలీవుడ్ లో వరసపెట్టి సినిమాలు రావడం స్టార్ట్ అయింది.

అయితే తెలుగులో మాత్రం బయోపిక్స్ కి అత్యంత క్రేజ్ తెచ్చిన సినిమా మహానటి. దివంగత నటి సావిత్రి జీవిత చరిత్ర గురించి వచ్చిన ఈ చిత్రం తెలుగులో బ్లాక్ బస్టర్ గా నిలిచి ఒక్క సారిగా బయోపిక్స్ పై విపరీతమైన క్రేజ్ తెచ్చిపెట్టింది. నాగ్ అశ్విన్ దర్శకత్వంలో వచ్చిన ఈ చిత్రంలో కీర్తి సురేష్ సావిత్రి కారెక్టర్ లో అద్భుతంగా నాకు ఇచ్చి నంది అవార్డు కూడా తెచ్చుకుంది. Also Read - టాలీవుడ్ లో అత్యంత డిమాండ్ ఉన్న రిలీజ్ డేట్ ఏదో తెలుసా?

Also watch

ఈ క్రమంలోనే ఎన్టీఆర్ బయోపిక్, వైఎస్ రాజశేఖర్ రెడ్డి బయోపిక్, కెసిఆర్ బయోపిక్, చంద్రబాబు బయోపిక్ మన ముందుకు వచ్చాయి. ఇందులో వైయస్ రాజశేఖర్ రెడ్డి బయోపిక్ గా వచ్చిన యాత్ర సినిమా తెలుగులో హిట్ గా నిలిచింది. ఈ సినిమాలో ప్రముఖ మలయాళ నటుడు మమ్ముట్టి, వైయస్ రాజశేఖర్ రెడ్డి పాత్రలో నటించారు.

అంతే కాదు రాంగోపాల్ వర్మ దర్శకత్వంలో కూడా చాలా చాలా బయోపిక్స్ వచ్చాయి అందులో రక్త చరిత్ర, కిల్లింగ్ వీరప్పన్ మంచి హిట్ ను సాధించాయి. Also Read - టాలీవుడ్ గురించి మీకు తెలియని కొన్ని ఆసక్తికరమైన విషయాలు

రాంగోపాల్ వర్మ ఈ చిత్రాలను ఎంతో కాంట్రవర్సిరి ల మధ్య రిలీజ్ చేసినప్పటికీ, అవన్నీ మంచి సక్సెస్ను సాధించాయి. ముఖ్యంగా రక్తచరిత్ర వన్ ఈ మధ్యకాలంలో రాంగోపాల్ వర్మ తెరకెక్కించిన సినిమాల్లో పెద్ద హిట్ గా నిలిచింది. కిల్లింగ్ వీరప్పన్ కూడా రామ్ గోపాల్ వర్మ దర్శకత్వంలో ని ప్రత్యేకతను చూపించిన కొన్ని సినిమాలలో ఒకటిగా మిగిలింది.

అంతేకాదు తమిళంలో కూడా జయలలిత బయోపిక్ తలైవి అనే పేరుతో రిలీజ్ అయింది. ఎన్నో అంచనాల మధ్య తమిళంతో పాటు తెలుగులో హిందీలో కూడా విడుదలైన ఈ చిత్రం మాత్రం హిట్ అందుకోలేక పరాజయం పొందింది. అయినా కానీ ఇంకా బయోపిక్ ట్రెండ్ కొనసాగుతూనే ఉంది. అటు బాలీవుడ్ లో కూడా 83, సంజు, ధోని లాంటి సూపర్ హిట్ బయోపిక్స్ వచ్చాయి. ఇందులో ధోని, 83 తెలుగులో కూడా విడుదలై మంచి సక్సెస్ ను సాధించాయి. Also Read - ముగ్గురు టాప్ హీరోల కి వాళ్ళ కెరియర్ ని నిలబెట్టే సినిమా ఇచ్చిన హీరోయిన్. ఎవరో తెలుసా?

మరి భవిష్యత్తులో కూడా మన అందరిని ఆకట్టుకునే గొప్ప వ్యక్తుల బయోపిక్స్ ఎన్ని వస్తాయో వేచిచూడాలి.

BySarvepalli Bhavana
| Updated: July 6, 2022 11:02 AM IST