AK62 నుంచి ఎందుకు తప్పుకున్నాడో కారణం చెప్పేసిన డైరెక్టర్ విఘ్నేష్‌ శివన్

తమిళ స్టార్ హీరో అజిత్ కుమార్ సినిమా కోసం అభిమానులు ఎంతగా ఎదురుచూస్తారో తెలిసిన విషయమే. అయితే తునివు, వలిమై తర్వాత అజిత్‌ నుంచి వస్తున్న సినిమాను నయనతార భర్త విఘ్నేష్ శివన్ దర్శకత్వం వహిస్తారని ప్రకటన వచ్చింది. అయితే తర్వాత ఆ ప్రాజెక్ట్‌ నుంచి తప్పుకుంటున్నట్టు విఘ్నేష్ ప్రకటించారు.

By Nikhil Rampalli
Published: April 12, 2023 7:18 PM IST

తమిళ్ స్టార్ హీరో అజిత్ వరుసగా సినిమాలు చేస్తూ బిజీగా ఉన్నారు. పోయినేడాది వలిమై, ఈ ఏడాది తునివు సినిమాలతో ప్రేక్షకుల ముందుకు వచ్చారు. తాజాగా మరో సినిమాతో ప్రేక్షకులను పలకరించడానికి సిద్ధమవుతున్నారు. AK62 వర్కింగ్‌ టైటిల్‌తో సినిమా చేస్తున్నారు.

నిజానికి ఈ సినిమాను విఘ్నేష్ శివన్ డైరెక్ట్‌ చేయబోతున్నట్టు ప్రకటన వచ్చింది. అజిత్ నుండి తాజాగావచ్చిన వలిమై కానీ, తునివు సినిమా కానీ ఫుల్ యాక్షన్ సినిమాలు. మరోవైపు విఘ్నేష్ శివన్ సినిమాలు ఎమోషన్స్ ఇంకా ఫీల్ గుడ్ తో ఉంటాయి. కాబట్టి అజిత్ కు కూడా రొటీన్‌గా కాకుండా వేరే పాత్రలో నటించే అవకాశం ఉంటుందని ఫ్యాన్స్ కూడా భావించారు. Also Read - కొడుకులను ముద్దాడుతూ ప్రేమలో మునిగిపోయిన నయనతార

వీరిద్దరి కాంబినేషన్ లో సినిమా కోసం ఆసక్తిగా ఎదురుచూస్తున్నారు. అలాంటి సమయంలో సడెన్ గా ఈ సినిమా నుండి తప్పుకొంటున్నట్టు విఘ్నేష్ ప్రకటించి అందరికీ షాక్ ఇచ్చాడు. తాను ఈ సినిమా నుండి బయటకు గల కారణం ఏంటో చెప్పాడు విఘ్నేష్. ఈ సినిమా సెకండ్ హాఫ్ స్క్రిప్ట్ లో మార్పులు చేయాలని నిర్మాత చెప్పారు.

ఆ విషయంలో నిర్మాతతో ఏకాభిప్రాయం కుదరలేదు. దాంతో ఈ సినిమా నుండి తప్పుకోవాల్సి వచ్చింది. ఈ స్క్రిప్ట్‌ పై పని చేయడానికి అజిత్ కు కూడా ఎలాంటి అభ్యంతరాలు లేవు. భవిష్యత్తులో కచ్చితంగా అజిత్ తో నా స్క్రిప్ట్ తో సినిమా తీస్తాను అని చెప్పుకొచ్చాడు విఘ్నేష్ . Also Read - Nayanthara : తమ కవల పిల్లల పూర్తి పేర్లు బయట పెట్టేసిన లేడీ సూపర్ స్టార్..

AK62 సినిమాకు మాగిజ్ తిరుమేని దర్శకత్వం వహించనున్నారు. ఇంకా ఈ సినిమాలో ఐశ్వర్యరాయ్, అరవింద్ స్వామి కీలక పాత్రల్లో నటించనున్నారు. లైకా ప్రొడక్షన్స్ అధినేత సుభాస్‌కరణ్ నిర్మిస్తుండగా. నిర్మాణ బాధ్యతలను జీకేఎం తమిళ కుమరన్ తీసుకున్నారు. AK62 సినిమాకు అనిరుథ్ సంగీతం అందిస్తున్నాడు.

కాగా, కొద్ది రోజులుగా ‘ఏకే 62’, విఘ్నేష్ వ్యవహారం పై చాలా వార్తలు వచ్చాయి. విఘ్నేష్ ను మూవీ నుంచి కావాలనే తప్పించారని, దీంతో ఆయన భార్య నయనతార కు కోపం వచ్చిందని, ఇక అజిత్ తో కలిసి నటించబోనని చెప్పిందనే వార్తలు తమిళ మీడియాలో చక్కర్లు కొట్టాయి. కానీ ఆ వార్తలన్నిటికీ విఘ్నేష్ చెక్ పెడుతూ అసలు విషయాన్ని చెప్పుకొచ్చారు. Also Read - Nayanthara : ఆ సూపర్ హిట్ యువ హీరోతో జోడి కట్టనున్న నయనతార..

నిజానికి అజిత్ తో పనిచేసే అవకాశం లభించడంపై విఘ్నేష్ సంతోషం వ్యక్తం చేశారు. ఇదే విషయాన్ని కొత్త సంవత్సరం సందర్బంగా చెప్పారు కూడా. అజిత్ తో కలసి పనిచేయడం చాలా సంతోషంగా ఉందని చెప్తూ ఓ నోట్ ను కూడా షేర్ చేశారు. అయితే తర్వాత మూవీ నుంచి విఘ్నేష్ తప్పుకోవాల్సి రావడంతో చాలా నిరాశకు గురయ్యారని తెలుస్తోంది.

ఇక, ప్రస్తుతానికి విఘ్నేష్ – అజిత్ కాంబో సినిమా వాయిదా పడిందే కానీ మొత్తానికి కేన్సిల్ అవ్వలేదనే వార్తలు కూడా వస్తున్నాయి. త్వరలోనే అజిత్-విఘ్నేష్ కాంబో లో సినిమా రానుందని అంటున్నారు. అయితే నిర్మాతలు మారే చాన్స్ ఉందని తెలుస్తోంది. చూడాలి మరి ఫ్యాన్స్ ఎదురుచూస్తున్నట్టుగా వీరిద్దరి కాంబినేషన్‌లో సినిమా ఎప్పుడు వస్తుందో.

ByNikhil Rampalli
Published: April 12, 2023 7:18 PM IST