శర్వానంద్‌కు యాక్సిడెంట్.. స్వల్ప గాయాలతో బయటపడిన యంగ్ హీరో

విభిన్న కథలతో ప్రేక్షకులను అలరిస్తూ దూసుకుపోతున్న యంగ్ అండ్ టాలెంటెడ్ హీరో శర్వానంద్. త్వరలో పెళ్లి పీటలు ఎక్కబోతున్న శర్వానంద్ యాక్సిడెంట్‌కు గురయ్యారు.

By Nikhil Rampalli
Published: May 28, 2023 12:58 PM IST

విభిన్న కథలను ఎంచుకుంటూ చక్కని సినిమాలతో టాలీవుడ్ ప్రేక్షకులను అలరిస్తున్న హీరో శర్వానంద్. కొద్దినెలల కింద రక్షిత రెడ్డి అనే అమ్మాయితో శర్వా నిశ్చితార్థం ఘనంగా జరిగిన విషయం తెలిసిందే. కాగా వీళ్లిద్దరి నిశ్చితార్థం రద్దయిందనీ, శర్వానంద్ పెళ్లి చేసుకోవట్లేదంటూ వార్తలు హల్చల్ చేశాయి. అయితే అవన్నీ పుకార్లేనని నిరూపిస్తూ తన పెళ్లి ముహూర్తం అనౌన్స్ చేసి క్లారిటీ ఇచ్చారు శర్వానంద్. జూన్ 2, 3వ తేదీలలో ఆయన వివాహ కార్యక్రమాలు కూడా ఘనంగా రాజస్థాన్లో రాయల్ వెడ్డింగ్ టైప్ లో జరగబోతున్నాయి. కాగా, తాజాగా శర్వానంద్ ప్రయాణిస్తున్న కారు ప్రమాదానికి గురైనట్లుగా తెలుస్తోంది. ఆయన ప్రయాణిస్తున్న బ్లాక్ కలర్ రేంజ్ రోవర్ కారు నిన్న రాత్రి ఫిలింనగర్లో అదుపుతప్పి డివైడర్ ని గుద్దినట్లు తెలుస్తోంది.

నిజానికి ముందుగా ఆయన కారులో లేరని ప్రచారం జరిగిన శర్వానంద్ ఆ సమయంలో కారులోనే ఉన్నారని ఆయనకు స్వల్ప గాయాలు కావడంతో కుటుంబ సభ్యులు హుటాహుటిన సంఘటన స్థలానికి చేరుకున్నారని తెలుస్తోంది. వెంటనే ఆయనను హాస్పిటల్ కి తరలించి ప్రధమ చికిత్స అందించాలని ఆయన ఆరోగ్యం గురించి అయితే టెన్షన్ పడాల్సిన అవసరం లేదని అంటున్నారు.

ఇక శర్వానంద్ కుటుంబ సభ్యుల నుంచి అందుతున్న సమాచారం ప్రకారం శర్వానంద్ ప్రయాణిస్తున్న కారు ఫిలింనగర్ జంక్షన్ దగ్గర అదుపుతప్పి డివైడర్ను ఢీ కొట్టిన ఘటన నిజమే అని చెబుతున్నారు. అయితే ఈ ఘటనలో ఎవరికి ఎలాంటి గాయాలు కాలేదని అందరూ క్షేమంగా ఉన్నారని వారు వెల్లడించారు. కేవలం కారుకు మాత్రమే చిన్న గీత పడిందని ఆ ఘటన జరిగిన సమయంలో డ్రైవర్ ఉన్నాడని వెంటనే ఆయన అక్కడి నుంచి కారుని ఇంటికి తీసుకు వెళ్లిపోయారని చెబుతున్నారు.

ఇది చాలా చిన్న సంఘటన అని ఇంతగా హడావుడి పడాల్సిన అవసరం కానీ ఆందోళన చెందాల్సిన అవసరం కానీ లేదని శర్వానంద్ కుటుంబ సభ్యులు చెబుతున్నారు. పెళ్ళికి కొద్ది రోజుల ముందే ఆయన ప్రయాణిస్తున్న కారు ప్రమాదానికి గురవడంతో ఆయన అభిమానులు అందరూ ఆందోళన వ్యక్తం చేస్తున్నారు. అయితే ఇందులో శర్వానంద్ కి ఏమీ జరగలేదని అసలు భయపడాల్సిన అవసరమే లేదని కుటుంబ సభ్యులు తేల్చి చెప్పారు. ఐదో తారీఖు సినిమాతో వెండితెరకు పరిచయమైన శర్వానంద్ ఫీల్గుడ్ మూవీస్తో తెలుగు ప్రేక్షకులను ఆకట్టుకుంటున్నారు. గతకొంత కాలంగా సరైన హిట్లేని శర్వానంద్ కథల ఎంపికలో జాగ్రత్తలు తీసుకుంటున్నారు. చివరగా ‘ఒకే ఒక జీవితం’ సినిమాతో ప్రేక్షకుల ముందుకు వచ్చారు. ప్రస్తుతం శ్రీరామ్ ఆదిత్య డైరెక్ట్ చేస్తున్న తన 35వ సినిమాలో నటిస్తున్నారు. ఈ సినిమా టైటిల్ ఇంకా ఖరారు కాలేదు.

ByNikhil Rampalli
Published: May 28, 2023 12:58 PM IST