ఇంటర్వెల్ సీన్ తో అదరగొట్టిన రాజమౌళి సినిమాలు

రాజమౌళి తీసిన ప్రతి సినిమాలో ఇంటర్వెల్ సీన్స్ ఒక్కటే ఒక ప్యాకేజ్ గా చేసి స్క్రీన్ మీద వేస్తే బ్లాక్ లో టికెట్స్ కొని మరీ హౌస్ ఫుల్ చేస్తారు జనాలు. అసలు గూస్ బంప్స్ అంటే అర్థం ఏమిటి అని ఎవరన్నా అడిగితే వారికి రాజమౌళి ఇంట్రవెల్ సీన్స్ చూపిస్తే చాలు.

By Sarvepalli Bhavana
| Updated: July 27, 2022 9:01 PM IST

రాజమౌళి అనే పేరు తెలుగు ఇండస్ట్రీలోనే కాదు ప్రపంచం మొత్తం పైన మారుమోగుతోంది. బాహుబలి సినిమా ముందు వరకు జక్కన్న టాలీవుడ్ లో ఒక్క ఫ్లాప్ కూడా లేని పాపులర్ దర్శకుడు, అయితే బాహుబలి తర్వాత టాలీవుడ్ లోనే కాదు ప్రపంచవ్యాప్తంగా ఫ్లాప్ లేని దర్శకుడుగా పేరుగాంచారు. తెలుగు సినిమా అంటే సౌత్ ఇండియా కే కాదు, ప్రపంచంలో అందరికీ తెలిసేలాగా చేశారు. అలాంటి రాజమౌళి సినిమాల్లో మనం ప్రత్యేకంగా చెప్పుకోవాల్సింది ఆయన ఇంట్రవెల్ సీన్స్, చాలామంది రాజమౌళి ఇంట్రవెల్ సీన్స్ కోసమే అతని సినిమాని పదేపదే చూసే వాళ్ళు ఉన్నారు అనడంలో అతిశయోక్తి లేదు. రాజమౌళి తీసిన ప్రతి సినిమాలో ఇంటర్వెల్ సీన్స్ ఒక్కటే ఒక ప్యాకేజ్ గా చేసి స్క్రీన్ మీద వేస్తే బ్లాక్ లో టికెట్స్ కొని మరీ హౌస్ ఫుల్ చేస్తారు జనాలు. అసలు గూస్ బంప్స్ అంటే అర్థం ఏమిటి అని ఎవరన్నా అడిగితే వారికి రాజమౌళి ఇంట్రవెల్ సీన్స్ చూపిస్తే చాలు…

అలాంటి రాజమౌళి సినిమాల్లో, కొన్ని సినిమాలు మాత్రమే తీసుకొని వాటి ఇంట్రవెల్ గురించి చెప్పాలి అంతే చాలా కష్టమే. ఎందుకంటే ఆయన ప్రతి సినిమాలోని ఇంట్రవెల్ బ్లాక్ ఎక్స్ట్రాడినరీగా ఉంటుంది. కానీ వాటిల్లో కొంచెం శాతం ఎక్కువ మార్కులు పొంది టాప్ ఫైవ్ గా ఏవి నిలిచాయో చూద్దాం. Also Read - మెగా ప్రిన్సెస్‌కు అదిరిపోయే గిఫ్ట్ పంపించిన జూనియర్ ఎన్టీఆర్... విభేదాల వార్తలకు చెక్ పడినట్టేనా?

స్టూడెంట్ నెంబర్ 1

అసలు రాజమౌళి ఇంట్రవెల్ సీన్ అంటే ఎలా ఉంటుందో మనకి మొదటిసారిగా తెరపైన చూపించిన చిత్రం స్టూడెంట్ నెంబర్ 1. అప్పటివరకు చాలా కూల్ గా వెళ్లే ఈ కథ ఒక్కసారిగా ఈ ఇంట్రవెల్స్ సీన్ తో ఎక్కడికో వెళ్ళిపోతుంది. కనకాలతో ఫైట్ లో ‘నేను నీ కంటే పెద్ద రౌడీని.. రోజూ సెంట్రల్ జైలు నుంచి కాలేజీకి వస్తున్నా' అని చెప్పే సీన్ తారక్ అభిమానులకే కాదు తెలుగు సినిమా ప్రియులందరికీ ఎప్పటికీ గుర్తుంది పోయే సన్నివేశం. Also Read - ఇంతకుముందు ఎన్నడూ లేని విధంగా.... శంకర్ ఇలా చేయడం మొదటిసారి

సింహాద్రి

ఈ సినిమా ఇంటర్వెల్ సీన్ వచ్చినప్పుడు థియేటర్లో మైండ్ బ్లాక్ అవ్వని వాళ్ళు ఎవరు ఉన్నిందరేమో. Also Read - జిమ్‌లో చెమటోడ్చుతున్న సూపర్‌‌స్టార్ మహేష్‌బాబు.. వీడియో వైరల్

సింగమలై అంటూ ఆ స్పెషల్ వెపన్ తో జూనియర్ ఎన్టీఆర్ ఫైట్ మొదలు పెట్టిన దగ్గర నుంచి భూమిక జూనియర్ ఎన్టీఆర్ ని పొడిచే సన్నివేశం వరకు అలానే చూస్తుంది పోతాం. అసలు ఏం ఫైట్ రా బాబు అని థియేటర్ నుంచి బయటకు వచ్చినాక కూడా చాలామందికి మైండ్ లో అలానే మిగిలిపోయింది ఈ సీన్.

చత్రపతి

ఈ సినిమా ఇంట్రవెల్ సీన్ గురించి సపరేటుగా ఒక ఆర్థికల్ ఎ రాయచ్చు. "ఇక చాలు" అని ప్రభాస్ లైన్ దాటే దగ్గర నుంచి "తిప్పరా మీసం" అనే డైలాగ్ వరకు థియేటర్లో అసలు విజిల్స్ ఆగుండవేమో. అసలు గూస్ బంప్స్ కి సరికొత్త అర్థం చెప్పింది ఈ సినిమా ఇంట్రవెల్ సీన్. ఇక ఈ సీన్లకి కీరవాణి కొట్టిన బ్యాక్ గ్రౌండ్ మ్యూజిక్ వేరే లెవెల్ లో ఉంటది.

బాహుబలి 2: ది కన్‌క్లూజన్

భల్లాల దేవుడి పట్టాభిషేకం సీక్వెన్స్ తర్వాత వచ్చే బాహుబలి అనే నేను అంటూ స్టార్ట్ అయ్యే మహేంద్ర బాహుబలి సీన్ నుంచి మొత్తం థియేటర్స్ దద్దరిల్లిపోయాయి. ఈ సీన్లో కుర్చీలు అన్ని ఊగినట్టు, థియేటర్లో కూడా సీట్స్ అన్ని మారుమోగిపోయాయి విజిల్స్ తో.

ఆర్ఆర్ఆర్

ఈ సినిమా ఇంట్రవెల్ సీన్ గురించి ప్రత్యేకంగా చెప్పనవసరం లేదు. ముఖ్యంగా జూనియర్ ఎన్టీఆర్ జంతువులతో పాటు వాహనం నుంచి దూకే సీన్ దగ్గర నుంచి మొదలవుతుంది మనకి గూస్ బంప్స్…ఇక అది విరామం అని వేసే వరకు అలానే కొనసాగుతుంది. ముఖ్యంగా ఎన్టీఆర్ ని నీళ్లతో… రామ్ చరణ్ ని ఫైర్ తో కంపేర్ చేస్తూ క్రియేట్ చేసిన ఈ ఇంట్రవెల్ బ్యాంగ్, మనల్ని అలానే కాసేపు కట్టిపడెస్తుంది.

కేవలం 5 అన్నాం కాబట్టి ఈ ఐదు సినిమాల్లో చెప్పాల్సి వచ్చింది కానీ రాజమౌళి సినిమాల్లో బాహుబలి 1,‌ విక్రమార్కుడు ఇంట్రవెల్స్ కూడా వీటికి ఏమాత్రం తీసిపోవు.

BySarvepalli Bhavana
| Updated: July 27, 2022 9:01 PM IST