Jhanvi Kapoor about NTR 30 : ఎన్టీఆర్ తో కలిసి నటించాలని దేవుడిని ప్రార్థించాను.. రోజు కొరటాలకి మెసేజ్ చేశా..

జాన్వి కపూర్ ఎన్టీఆర్ గురించి చేసిన వ్యాఖ్యలు ప్రస్తుతం అందరి దృష్టిని ఆకట్టుకుంటున్నాయి ..

By Vishnupriya chowdhary
Published: March 19, 2023 11:05 AM IST

NTR30 మూవీ కోసం జూనియర్ ఎన్టీఆర్ అభిమానులు ఎంతగానో ఎదురుచూస్తున్నారు. రాజమౌళి త్రిబుల్ ఆర్ సినిమా తరువాత రామ్ చరణ్ మాత్రం తన తదుపరి సినిమా షూటింగ్ సగం పూర్తి చేసుకుంటే జూనియర్ ఎన్టీఆర్ ఇంకా తన నెక్స్ట్ ప్రాజెక్ట్ షూటింగ్ కూడా మొదలుపెట్టలేదు. అయితే ఈ సినిమా యూనిట్ నిన్న అభిమానులకు ఈ నెల చివర్లో ఈ సినిమా షూటింగ్ మొదలవుతుంది అని అధికారిక ప్రకటన ఇచ్చేసింది. ఇక ఈ సినిమాలో హీరోయిన్గా శ్రీదేవి కూతురు జాన్వి కపూర్ ని కూడా ఈ మధ్య అఫీషియల్ గా పోస్టర్తో రిలీజ్ చేసి చెప్పిన సంగతి తెలిసిందే.

ఇక ఎన్నో సంవత్సరాల నుంచి తన తల్లి ఎంతో పేరు తెచ్చుకున్న తెలుగు ఇండస్ట్రీలో అడుగు పెట్టాలని ఆశలతో ఉన్న జాన్వి కపూర్ కళ ఇప్పుడు నిజం అవుతూ ఉండడంతో తాజాగా ఇండియా టుడే కాన్‌క్లేవ్ షోలో తన సౌతిండియా డెబ్యూ గురించి జాన్వి కపూర్ ఆసక్తికరమైన వ్యాఖ్యలు చేసింది. తారక్ పక్కన హీరోయిన్‌గా నటించే అవకాశం కోసం తాను ఎంతో బలంగా కోరుకున్నానని.. ఎన్నోసార్లు ఆ దేవుడిని ప్రార్థించాను అని అయితే అది ఇప్పటికి జరిగిందని చెప్పుకొచ్చింది.

Also watch

అంతేకాదు జూనియర్ ఎన్టీఆర్ లో ఉన్న చరిష్మా చూసి ఆశ్చర్యం వేస్తుందని.. ఆ కారణం వల్లే తారక్ తో కలిసి నటించేందుకు ఎంతో ఆశగా ఎదురుచూస్తున్నట్టు జాన్వి కపూర్ తెలియజేసింది. ఇక జూనియర్ ఎన్టీఆర్ తో కలిసి స్క్రీన్ పంచుకోవడానికి రోజులు లెక్కపెడుతున్నాను అని ఎన్టీఆర్ ని ఆకాశానికి ఎత్తేసింది జాన్వి కపూర్. అంతేకాకుండా దర్శకుడు కొరటాల శివాకి కూడా తాను రోజు మెసేజ్ చేస్తున్నాను అని, జూనియర్ ఎన్టీఆర్‌తో కలిసి పనిచేయడం అనేది తన డ్రీమ్ ప్రాజెక్ట్ లాంటిది అని వ్యాఖ్యానించిన జాన్వి కపూర్. తారక్‌తో కలిసి నటిస్తే.. అదే తన జీవితంలో ఒక గొప్ప మూమెంట్ లాంటిది అని,‌ అంతేకాకుండా గతంలో వచ్చిన చాలా ఇంటర్వ్యూలో కూడా తనకి జూనియర్ ఎన్టీఆర్ తో నటించడం ఒక పెద్ద డ్రీమ్ అని తెలియజేశాను అని చెప్పుకొచ్చింది.

ఇక జూనియర్ ఎన్టీఆర్ నీ స్క్రీన్ పైన చూడటం తనకు చాలా ఇష్టమని,‌ తారక్ స్క్రీన్ ప్రజెన్స్‌ని ఎంజాయ్ చేయడం కోసం ఇటీవలే మరోసారి ఆర్ఆర్ఆర్ మూవీ చూశాను అని చెప్పుకొచ్చింది ఈ భామ. ఇక తన కళ నెరవేరినందుకు తాను ఎప్పుడూ పాజిటివ్ గానే ఆలోచిస్తానని.. అందుకే తాను కోరుకుంది జరుగుతోంది అంటూ తెగ సంబరపడిపోయింది జాన్వి.

ByVishnupriya chowdhary
Published: March 19, 2023 11:05 AM IST