కాబోయే భర్తలో తప్పకుండా ఉండాల్సిన లక్షణాలు ఏంటో చెప్పేసిన జాన్వీ కపూర్

అతిలోక సుందరి శ్రీదేవి కూతురు జాన్వీ కపూర్ ప్రస్తుతం బాలీవుడ్‌లో హీరోయిన్‌గా కొనసాగుతున్నారు. జూనియర్‌‌ ఎన్టీఆర్–కొరటాల శివ కాంబినేషన్‌లో తెరకెక్కుతున్న NTR30లో హీరోయిన్‌గా నటిస్తోంది.

By Nikhil Rampalli
| Updated: April 23, 2023 7:21 PM IST

అతిలోకి సుందరి శ్రీదేవి కూతురుగా సినిమా ఇండస్ట్రీలోకి అడుగుపెట్టింది జాన్వీ కపూర్. తన అందం, టాలెంట్‌తో ప్రత్యేకమైన ఇమేజ్‌ సంపాదించుకుంది. గ్లామర్ పాత్రలకే పరిమితం కాకుండా ప్రయోగాత్మక సినిమాలు కూడా చేయడానికి శ్రద్ద చూపిస్తుంటారు జాన్వీ. తల్లి శ్రీదేవికి ఉన్న ఇమేజ్‌ను దృష్టిలో పెట్టుకుని ఆచితూచి అడుగులు వేస్తూ సినిమాలకు గ్రీన్ సిగ్నల్ ఇస్తుంది జాన్వీ. ఈ క్రమంలో ప్రస్తుతం టాలీవుడ్‌లోని క్రేజీ ప్రాజెక్టులో హీరోయిన్‌గా ఎంపికైంది.

జూనియర్ ఎన్టీఆర్–కొరటాల శివ కాంబినేషన్‌లో తెరకెక్కుతున్న NTR30 సినిమాతో టాలీవుడ్‌లోకి అడుగుపెట్టబోతోంది. ఆర్ఆర్‌‌ఆర్‌‌ వంటి భారీ హిట్ తర్వాత జూనియర్ ఎన్టీఆర్ చేస్తున్న సినిమా కావడంతో ఈ సినిమాపై భారీ అంచనాలు ఏర్పడ్డాయి. పాన్ ఇండియా రేంజ్‌లో విడుదల కానున్న ఈ సినిమా కోసం బాలీవుడ్‌ స్టార్లను ఎంపిక చేసింది చిత్ర యూనిట్. అందులో భాగంగానే జాన్వీ కపూర్‌‌ను ఎంపిక చేయగా.. విలన్‌గా బాలీవుడ్‌ స్టార్ సైఫ్ అలీ ఖాన్‌ చేస్తున్నారు.

జాన్వీ ఇటీవల ఒక ఇంటర్వ్యూలో మాట్లాడారు. సినిమా నటి కాకపోయి ఉంటే ఏం చేసే వారు అని అడిగిన ప్రశ్నకు జాన్వీ సమాధానం ఇచ్చారు. తనకు రోమింగ్ ఇష్టం అని, ఒక ప్రాంతంలో ఉండిపోకుండా, తిరుగుతూ ప్రపంచాన్ని చుట్టేసే దానిని, పుస్తకాలు రాసే దానినని చెప్పుకొచ్చారు జాన్వీ. కొత్త వ్యక్తుల్ని కలవడానికి ఎక్కువగా ఆసక్తి చూపిస్తానని చెప్పింది. తనకు ఇష్టమైన కారు బెంజ్ అని, టూరిజం స్పాట్ మాల్డీవులు అని తెలిపింది. ప్రతి 3 నెలలకు కనీసం ఒక్కసారైనా మాల్దీవులు వెళ్తుంటానని చెప్పింది జాన్వీ.

ఇక, తాను చేసుకోబోయే వాడు ఎలా ఉండాలో కూడా చెప్పేసింది జాన్వీ. తాను చేసే అన్ని పనులను ఇష్టపడే వ్యక్తి భర్తగా రావాలని కోరుకుంటున్నట్టు తెలిపింది. ‘‘మంచి టాలెంటెడ్ వ్యక్తి అయ్యుండాలి. కామెడీ బాగా చేసి ఎల్లప్పుడూ నవ్విస్తూ ఉండాలి. మంచి సెన్సాఫ్‌ హ్యూమర్ ఉన్నవాడు. ఎప్పుడూ ఏదో ఒకటి నేర్పిస్తూ.. నన్ను ఉత్సాహంగా ఉంచేవాడు. నాతో, నా ఆలోచనలతో బాగా కలిసిపోయేవాడు భర్తగా కావాలి’ అని చెప్పుకొచ్చింది జాన్వీ.

కాగా, ప్రస్తుతం జాన్వీ కపూర్ ఎన్టీఆర్‌‌ సరసన తెలుగులో మొదటి సినిమా చేస్తోంది. ఇక, తెలుగులో రెండో సినిమాను మెగా పవర్‌‌ స్టార్ రాం చరణ్‌ సరసన చేయబోతున్నట్టు వార్తలు వస్తున్నాయి. శంకర్ దర్శకత్వంలో తెరకెక్కుతున్న గేమ్ ఛేంజర్ సినిమాలో చరణ్ నటిస్తున్నాడు. ఈ సినిమా తర్వాత బుచ్చిబాబు దర్శకత్వంలో సినిమా చేయనున్నాడు చరణ్. ఈ సినిమాలో జాన్వీ కపూర్ హీరోయిన్‌గా నటించనున్నట్టు వార్తలు వస్తున్నాయి. అదే నిజమైతే జాన్వీ తెలుగులో బిజీ హీరోయిన్‌ కావడం ఖాయమని ఇండస్ట్రీ వర్గాల్లో టాక్.

ByNikhil Rampalli
| Updated: April 23, 2023 7:21 PM IST