అందంగా ఉండాలంటే తినాల్సినవి అవే.. డైట్ సీక్రెట్స్‌ చెప్పేసిన సమీరా రెడ్డి

యంగ్‌ టైగర్ ఎన్టీఆర్ సరసన నరసింహుడు, అశోక్ సినిమాల్లో నటించిన హీరోయిన్ సమీరా రెడ్డి. పెళ్లి తర్వాత సినిమాలకు దూరంగా ఉంటున్న సమీరా.. సోషల్ మీడియాలో మాత్రం యాక్టివ్‌గా ఉంటారు.

By Nikhil Rampalli
Published: March 31, 2023 8:24 PM IST

సీనియర్ హీరోయిన్ సమీరా రెడ్డి సినిమాలకు దూరంగా ఉంటున్నా.. సోషల్ మీడియాలో మాత్రం యాక్టివ్ గా ఉంటారు. హిందీ, తమిళం, తెలుగు చిత్రాల్లో నటించి హీరోయిన్‌గా మంచి గుర్తింపు తెచ్చుకున్నారు. ముఖ్యంగా తెలుగులో యంగ్ టైగర్ ఎన్టీఆర్, చిరంజీవి సరసన నటించి టాలీవుడ్‌ ప్రేక్షకులకు గుర్తుండిపోయారు. 2014లో అక్షయ్ వర్దేను పెళ్లి చేసుకొని సినిమాలకు గుడ్ బై చెప్పారు.

2013 తర్వాత సమీరా రెడ్డి మళ్లీ వెండితెరపై కనిపించలేదు. సినిమాలకు దూరం కావడంతో అభిమానులు కాస్త అబ్సెట్ అయ్యారు. కానీ సమీరా.. సోషల్ మీడియా ద్వారా తన అభిమానులకు టచ్ లోనే ఉంటున్నారు. ఫ్యామిలీ విషయాలతో పాటు తాను ప్రమోట్ చేసే బ్రాండ్, బర్నింగ్ అంశాలపైనా స్పందిస్తుంటారు. తాజాగా తన డైట్ ప్లాన్ ను రివీల్ చేశారు సమీరా రెడ్డి.

తన ఆరోగ్యం పట్ల ఎంత జాగ్రత్తగా ఉంటారో తెలిపారు. హెల్తీగా, ఫిట్ గా ఉండేందుకు తాను ఏం చేస్తారో వివరించారు. ఆరోగ్యంగా ఉండాలంటే ఏది పడితే అది తినకూడదని చెప్పారు. ముందుగా మనం ఆహార నియమాలను అలవాటు చేసుకోవాలన్నారు.

Trending Now

మన శరీరం కోరుకునే దాన్ని భోజనంగా తీసుకోవాలి. నేను మాత్రం అదే ఫాలో అయ్యాను. చిన్నప్పటి నుంచి డ్రైఫ్రూట్స్ తినేదాన్ని. అదే మా నాన్న అలవాటు చేశారు. నేను నా పిల్లలకూ రుచి చూపించాను. దాంతో వాళ్లూ హెల్తీగా ఉంటారని భావిస్తున్నాను.

ఇంట్లో మహిళ ఆరోగ్యంగా ఉంటేనే కుటుంబం మొత్తం ఆరోగ్యంగా ఉంటుందని నమ్ముతాను. అందుకే తల్లి కాకముందు, గర్భధారణ సమయంలోనూ.. పిల్లలకి జన్మనిచ్చాక కూడా మన ఆరోగ్యానికి మనం ప్రాధాన్యత ఇవ్వాలని చెప్పారు సమీరా.

ఇక, 2016లో సమీరా రెడ్డి ‘అలోపేసియా’ వ్యాధికి గురయ్యారు. దాంతో తన జుట్టును కోల్పోయారు. ఈ విషయాన్ని గతేడాది ఆస్కార్ వేదికలో విల్ స్మిత్ చెంపదెబ్బ ఘటన సందర్భంగా సమీరా రెడ్డి గుర్తుచేశారు. ప్రస్తుతం ఆరోగ్యంగానే ఉన్న సమీరా.. ఎప్పుడూ సోషల్ మీడియాలో యాక్టివ్ గా కనిపిస్తూ తన పోస్టులతో ఆకట్టుకుంటున్నారు.

కాగా, యంగ్ టైగర్ ఎన్టీఆర్‌‌ హీరోగా తెరకెక్కిన నరసింహుడు, అశోక్ సినిమాల్లో నటించారు. అనంతరం మెగాస్టార్ చిరంజీవి సరసన జై చిరంజీవ సినిమాలో మెరిశారు. ఇక, సూర్య హీరోగా గౌతమ్‌ వాసుదేవ్ మీనన్‌ దర్శకత్వంలో తెరకెక్కిన సూర్య సన్నాఫ్ కృష్ణన్ సినిమాలో నటించి మంచి పేరు తెచ్చుకున్నారు. పలు హిందీ సినిమాల్లో నటించిన సమీరా.. ప్రస్తుతం ఫ్యామిలీతో గడుపుతున్నారు.

ByNikhil Rampalli
Published: March 31, 2023 8:24 PM IST