ఆ బాధ ఎప్పటికీ ఉంటుంది.. వాళ్లను చూస్తే ఈర్ష్య పడుతుంటానంటున్న ఎన్టీఆర్

యంగ్‌టైగర్ ఎన్టీఆర్‌‌ ప్రస్తుతం కొరటాల శివ దర్శకత్వంలో సినిమా చేస్తున్నారు. ఆర్‌‌ఆర్‌‌ఆర్‌‌ సినిమా విడుదలై ఘన విజయం సాధించిన విషయం తెలిసిందే. ఈ సినిమా వచ్చి ఏడాది తర్వాత ఎన్టీఆర్ తర్వాత సినిమా షూటింగ్ మొదలుపెట్టారు.

By Nikhil Rampalli
| Updated: March 26, 2023 5:56 PM IST

ఆర్ఆర్ఆర్ సినిమా ఇటీవలే ప్రపంచ వేదికపై ఆస్కార్ అవార్డు అందుకుని చరిత్ర సృష్టించింది. ఈ సందర్భంగా ఆర్‌‌ఆర్‌‌ఆర్‌‌ సినిమా టీంకు అభినందనలు వెల్లువెత్తుతున్నాయి. ఈ సినిమాలో యంగ్‌ టైగర్ ఎన్టీఆర్, మెగా పవర్‌‌స్టార్ రాంచరణ్‌ హీరోలుగా నటించిన విషయం తెలిసిందే. ఆస్కార్ అవార్డుల కార్యక్రమం నుంచి వచ్చిన తర్వాత జూనియర్ ఎన్టీఆర్‌‌ పలు ఇంటర్వ్యూల్లో మాట్లాడారు. ఈ సందర్భంగా పలు ఆసక్తి విషయాలు వెల్లడించారు.

ఆర్ఆర్ఆర్ సినిమా కోసం ఎంతో కష్టపడ్డామని అన్నారు జూనియర్ ఎన్టీఆర్. ఆ కష్టానికి ఫలితమే ఆస్కార్ అవార్డు అని చెప్పారు. ఆర్‌‌ఆర్‌‌ఆర్‌‌ సినిమాను అమ్మతో కలిసి చూశానని, ఆ ఆనందం, అనుభూతి మాటల్లో చెప్పలేనిదని పేర్కొన్నారు. చిన్నప్పటి నుంచి సినిమాలంటే తనకు ఎంతో ఇంట్రెస్ట్‌ అని, ఆ ఇష్టమే తనను సినిమాల్లోకి తీసుకొచ్చిందని చెప్పారు. Also Read - ఎన్టీఆర్ దేవర టైటిల్‌పై వివాదం.. ఆ టైటిల్ నాదేనంటూ ట్వీట్ చేసిన ప్రముఖ నిర్మాత

సినిమాల్లో అన్నింటి కంటే ఎక్కువగా మ్యూజిక్‌ను ఎంజాయ్ చేస్తానని అన్నారు ఎన్టీఆర్. తెలుగులో కేరాఫ్ కంచరపాలెం సినిమాలోని పాటలంటే మహా ఇష్టం అని చెప్పారు. ‘‘జీవితంలో పెద్దగా లక్ష్యాలు అంటూ ఏమీ లేవు. ఒక్క సినిమాలో నటిస్తే చాలని అనుకున్నాను. అయితే అనుకోకుండానే స్టార్ అయిపోయాను. ఇది మాత్రం అస్సలు ఊహించలేదు” అన్నారు తారక్

Trending Now

ఎన్టీఆర్ తల్లి సినిమాల గురించి పెద్దగా పట్టించుకోరు. కానీ ఆర్ఆర్ఆర్ సినిమాను ఆమెతో కలిసి చూసినట్లు చెప్పారు తారక్. సినిమా థియేటర్లోకి వెళ్లిన తరువాత దూరంగా కూర్చున్న అమ్మ.. ఆయన సీన్ వచ్చే సరికి చేయి పట్టుకొని కన్నీళ్లు పెట్టుకున్నారట. ఆ క్షణాలు ఎప్పటికీ మరిచిపోలేను అని అంటున్నారు ఎన్టీఆర్. Also Read - నిన్ను చూడాలని నుంచి ఆర్‌‌ఆర్‌‌ఆర్‌‌ వరకు.. ఎన్టీఆర్‌‌ స్క్రీన్ ప్రెజెన్స్‌లో వచ్చిన మార్పులు

‘నాటు నాటు’ పాట కోసం పడిన కష్టం అంతా ఇంతా కాదని ఎన్టీఆర్ అంటున్నారు. ఈ పాట కోసం తారక్, చరణ్‌ ఇద్దరి శరీరాలు ఒకే విధంగా కనిపించేందుకు చాలా ఎక్సర్‌‌సైజులు చేశారట. దాదాపు 16 నెలలు రోజూ 7 సార్లు భోజనం చేసిన తరువాత ఒకే లెవెల్కు ఇద్దరి శరీరాలు వచ్చాయి. అప్పుడే పాటను చిత్రీకరించారట రాజమౌళి. ఆ పాట కోసం పడిన కష్టమే దానిని అంతర్జాతీయ స్థాయికి తీసుకెళ్లిందని ఎన్టీఆర్ చెబుతున్నారు. జీవితంలో దేనికీ తలవంచకుండా, ఎక్కడా చేతులు చాచకుండా, అమ్మ చెప్పిన మాటలను గుర్తుంచుకుని నడుచుకుంటానని ఎన్టీఆర్ చెబుతున్నారు.

ఇక ఎన్టీఆర్‌‌కు ఇద్దరు కొడుకులు ఉన్నారనే సంగతి తెలిసిందే. అయితే కూతురు లేదనే బాధ తనకు ఎప్పటికీ ఉంటుందని అంటున్నారు తారక్. దీంతో కూతురు ఉన్న వాళ్లని చూస్తే ఈర్ష్య కలుగుతుందని ఎన్టీఆర్ చెబుతున్నారు. కాగా, ఆర్‌‌ఆర్‌‌ఆర్‌‌ తరువాత కొరటాల శివ కాంబినేషన్‌లో సినిమా చేస్తున్నారు తారక్. ఇటీవలే ఈ సినిమా షూటింగ్ మొదలైంది. అలనాటి హీరోయిన్ అతిలోక సుందరి శ్రీదేవి కూతురు జాన్వీ కపూర్ ఈ సినిమాలో హీరోయిన్‌గా నటిస్తున్నారు. NTR30 వర్కింగ్ టైటిల్‌తో ఈ సినిమా తెరకెక్కుతోంది. ఆర్‌‌ఆర్‌‌ఆర్‌‌ వంటి బ్లాక్‌ బస్టర్ తరువాత వస్తున్న సినిమా కావడంతో ఈ సినిమాపై తారక్ ఫ్యాన్స్ భారీ అంచనాలు పెట్టుకున్నారు. కొరటాల శివ కూడా భారీ యాక్షన్ సీక్వెన్స్‌ లతో సినిమాను తెరకెక్కించేందుకు ప్లాన్ చేస్తున్నారు. Also Read - దేవర: మాస్ లుక్‌లో జూనియర్ ఎన్టీఆర్.. పవర్ ఫుల్ టైటిల్ పెట్టిన కొరటాల

ByNikhil Rampalli
| Updated: March 26, 2023 5:56 PM IST