విశ్వక్‌సేన్‌ సినిమాపై జూనియర్‌‌ ఎన్టీఆర్ షాకింగ్ కామెంట్లు.. వైరల్

విశ్వక్‌సేన్ హీరోగా నటించి దర్శకత్వం వహించిన ధమ్కీ సినిమా ప్రీ రిలీజ్ ఈవెంట్ శుక్రవారం జరిగింది. ఈ ఈవెంట్‌కు చీఫ్ గెస్ట్‌గా యంగ్‌ టైగర్ ఎన్టీఆర్ హాజరయ్యారు. ఈ సందర్భంగా విశ్వక్‌సేన్‌ నటించిన ధమ్కీ సినిమాపై ఎన్టీఆర్‌‌ షాకింగ్ కామెంట్లు చేశారు.

By Nikhil Rampalli
| Updated: March 18, 2023 3:15 PM IST

విశ్వక్ సేన్ హీరోగా నటించిన ‘దాస్ కా ధమ్కీ’ ప్రీ రిలీజ్ ఈవెంట్ శిల్పకళా వేదికలో శుక్రవారం జరిగింది. ఈ ఈవెంట్కి యంగ్‌టైగర్‌‌ జూనియర్ ఎన్టీఆర్ చీఫ్ గెస్ట్ గా హాజరయ్యారు. ఈ సందర్భంగా జూనియర్ ఎన్టీఆర్ విశ్వక్‌సేన్‌పై పలు కామెంట్లు చేశారు. ముందుగా ఆర్‌‌ఆర్‌‌ఆర్‌‌ సినిమాకు ఆస్కార్‌‌ అవార్డు దక్కడంపై స్పందించారు. దానికి కారణమైన వాళ్లను అభినందించారు.

“ఆర్‌‌ఆర్‌‌ఆర్‌‌ సినిమాకు ప్రతిష్టాత్మక ఆస్కార్‌‌ అవార్డు దక్కింది. దానికి కారణం దర్శకధీరుడు రాజమౌళి, మ్యూజిక్ డైరెక్టర్‌‌ కీరవాణి, లిరిసిస్ట్‌ చంద్రబోస్, కొరియోగ్రాఫర్ ప్రేమ్ రక్షిత్ కృషి. అంతేకాదు, వీళ్లతోపాటు తెలుగు చలన చిత్ర పరిశ్రమ కూడా అంతే కారణం. అలాగే తెలుగు జాతి మొత్తం ఈ అవార్డు దక్కడానికి కారణం. అభిమానుల అభిమానం కూడా. Also Read - దసరా సినిమా కోసం నాని చేసిన పనులు తెలిస్తే తప్పక షాకవుతారు!

Also watch

తెలుగు సినిమా ఇండస్ట్రీకి ఆర్‌‌ఆర్‌‌ఆర్‌‌ సినిమాకు వచ్చిన ఆస్కార్‌‌ కొత్త ఉత్సాహాన్ని ఇచ్చింది. ఆస్కార్ వేదికపై చంద్రబోస్, కీరవాణిని చూసినప్పుడు ఇద్దరు భారతీయులు ఆ అవార్డు తీసుకున్నారు అనిపించింది. ఆర్‌‌ఆర్‌‌ఆర్‌‌ సినిమాను ప్రతి ఒక్కరూ తమ సినిమాగా భావించారు”అని చెప్పుకొచ్చారు ఎన్టీఆర్.

‘‘విశ్వక్ సేన్ సినిమాలు నాకు చాలా ఇష్టం. తనను తాను ప్రూవ్ చేసుకోవాలని ఎప్పుడూ తపనపడుతూ ఉంటాడు. ధమ్కీ సినిమాలో నటిస్తూ దర్శకత్వం వహించాడు. ఇక ఈ సినిమాతో బ్లాక్ బస్టర్ హిట్ కొట్టాలి. తాను డైరెక్ట్ చేయకుండా మరో దర్శకుడికి అవకాశం ఇవ్వాలి. టాలీవుడ్ ప్రస్తుతం అద్భుతమైన స్థానంలో ఉంది. విశ్వక్‌సేన్‌ ధమ్కీ సినిమా ఉగాదికి రిలీజ్ అవుతుంది. విశ్వక్ సేన్ కి ఈ సినిమా పండుగ కావాలని కోరుకుంటున్నాను” అని చెప్పారు ఎన్టీఆర్. Also Read - తెలంగాణ సంస్కృతి, సంప్రదాయాలను తెరపై చూపించిన సినిమాలు ఏవో తెలుసా?

విశ్వక్‌సేన్ హీరోగా నటించిన అన్ని సినిమాలను ప్రేక్షకులు బాగానే ఆదరిస్తున్నారు. 2017లో వెళ్లిపోమాకే సినిమాతో టాలీవుడ్‌లోకి అడుగుపెట్టిన విశ్వక్.. మొదటి సినిమాతోనే సైమా అవార్డుకు నామినేట్ అయ్యాడు. ఆ తర్వాత తెరకెక్కించిన ‘ఈ నగరానికి ఏమైంది’, ‘ఫలక్‌నుమా దాస్’ సినిమాలతో విశ్వక్‌కు మాస్‌ ఆడియన్స్‌లో మంచి క్రేజ్ ఏర్పడింది.

ఆ తర్వాత చేసిన హిట్ సినిమా విశ్వక్‌లోని నటనను బయటపెట్టింది. పాగల్, అశోకవనంలో అర్జున కల్యాణం, ఓరి దేవుడా, ముఖచిత్రం సినిమాలతో టాలీవుడ్‌లో మంచి ఇమేజ్ సంపాదించుకున్నాడు విశ్వక్. ధమ్కీ తర్వాత గామి, అక్టోబర్‌‌ 31 లేడీస్ నైట్ సినిమాలు చేయబోతున్నాడు విశ్వక్. Also Read - ఆ హీరోయిన్‌తో నాగచైతన్య డేటింగ్ చేస్తున్నట్టు వస్తున్న వార్తల్లో నిజమెంత ?

కాగా, యంగ్‌టైగర్ ఎన్టీఆర్, మెగా పవర్‌‌స్టార్ రాంచరణ్ హీరోలుగా నటించిన ఆర్‌‌ఆర్‌‌ఆర్‌‌ సినిమాలోని నాటునాటు పాట ఆస్కార్‌‌ గెలుచుకుంది. కాగా, ఆస్కార్ వేదికపైన నాటు నాటు పాటకు డ్యాన్స్ చేశారు. ఆ పాటకు వచ్చిన క్రేజ్ అటువంటిది. ‘బెస్ట్ ఒరిజినల్ సాంగ్’ కేటగిరిలో ఆర్‌‌ఆర్‌‌ఆర్‌‌ సినిమాలోని 'నాటు నాటు' పాటకు ఆస్కార్ లభించడంతో.. ఈ ఘనత సాధించిన తొలి తెలుగు పాటగా, తొలి భారతీయ సినిమా పాటగా చరిత్ర సృష్టించింది.

ఆస్కార్ లభించడంతో 'ఆర్ఆర్ఆర్' సినిమాలో నటించిన రాం చరణ్, జూనియర్‌‌ ఎన్టీఆర్ తోపాటు చిత్ర యూనిట్‌కు అన్ని వర్గాల నుంచి ప్రశంసలతోపాటు అభినందనలు అందుతున్నాయి. ఇక, అమెరికా పర్యటన ముగించుకున్న యంగ్ టైగర్ ఎన్టీఆర్ హైదరాబాద్ చేరుకున్నారు. హైదరాబాద్‌ చేరుకున్న తారక్‌కు ఎయిర్‌‌పోర్టులో ఘనస్వాగతం లభించింది.

ByNikhil Rampalli
| Updated: March 18, 2023 3:15 PM IST