Kalyanam Kamaneeyam trailer: సంక్రాంతికి పెళ్లి కాన్సెప్ట్ తో వస్తున్న సంతోష్ శోభన్ మరియు ప్రియ భవాని శంకర్

సంక్రాంతి అంటేనే ఒక పండుగ... మరి అలాంటి పండుగ సమయంలో ఒక చక్కని ఎమోషనల్ డ్రామా తో మన ముందుకు వస్తోంది కళ్యాణం కమనీయం. జనవరి 14న విడుదల కానున్న ను అనిల్ కుమార్ డైరెక్ట్ చేయగా యు వి కాన్సెప్ట్స్ బ్యానర్ నిర్మించడం జరిగింది.

By Sarvepalli Bhavana
Published: January 5, 2023 6:29 PM IST

కళ్యాణం కమనీయం... సంతోష్ శోభన్ మరియు ప్రియా భవాని శంకర్ హీరో హీరోయిన్లుగా నటిస్తున్న సినిమా యొక్క ట్రైలర్ను ఈరోజు హీరోయిన్ అనుష్క శెట్టి విడుదల చేయడం జరిగింది. సంక్రాంతికి వస్తున్న మిగతా పెద్ద సినిమాలు అన్నిటితో పాటు ఈ చిన్న సినిమా కూడా బాక్సాఫీస్ వద్ద పోటీ పడటానికి సిద్ధమవుతోంది. యువి క్రియేషన్స్ సంస్థ నుండి వచ్చిన మరొక బ్యానర్ యువి కాన్సెప్ట్స్. ఈ సంస్థ నుండి నిర్మించిన సినిమా కళ్యాణం కమనీయం ఒకపక్కా ఫ్యామిలీ ఎంటర్టైనర్ గా రూపుదిద్దుకుంది.

అనిల్ కుమార్ ఆళ్ల దర్శకత్వం వహించిన ఈ సినిమా జనవరి 14న సంక్రాంతి పండుగ సందర్భంగా థియేటర్ లో విడుదల కానున్నది. ఆల్రెడీ ఇంటర్నెట్లో ఈ సినిమా ట్రైలర్ సోషల్ మీడియా యూజర్స్ మరియు ఆడియన్స్ నుండి మంచి స్పందన అందుకుంటుంది. Also Read - Tollywood News : విడుదల కి ముందే బడ్జెట్ రికవరీ చేసేసిన సంక్రాంతి సినిమా..

Also watch

ట్రైలర్ ఓపెన్ అవ్వడమే సంతోష్ మరియు ప్రియ భవాని శంకర్ ల మధ్య జరిగే పెళ్లి సీన్ తో మొదలవుతుంది. సంతోష్ పాత్ర పేరు శివ అయితే ప్రియ పోషించిన పాత్ర పేరు శృతి. ఆ తర్వాత వెంటనే మన హీరోకు ఉద్యోగం లేదన్న విషయం పై మనకు క్లారిటీ వస్తుంది. ఉద్యోగం చేసి చేతినిండా సంపాదించి ఇంటికి తీసుకొచ్చి పెట్టే భార్య కావాల్సిన విషయాలన్నిటిపై జాగ్రత్త తీసుకునే మామ గారితో ఇలా మన హీరో యొక్క జీవితం చాలా హ్యాపీగా మరియు జాలీగా గడిచిపోతుంటుంది.

ఇలాంటి హ్యాపీ టైమ్స్ లో వచ్చేటువంటి ఒక ట్విస్ట్ మన శివ జీవితంలోకి ఎక్కడలేని కష్టాలను తెచ్చిపెడుతుంది. "శివకు ఉద్యోగం లేకపోయినా పర్లేదు కానీ శృతి భర్తకు మాత్రం ఉద్యోగం తప్పకుండా ఉండాలి...." అంటూ శృతి చెప్పే మాటతో శివకు దిమ్మతిరిగిపోతుంది. ఇక అక్కడ నుండి రకరకాల ప్రయత్నాలు చేసి మొత్తం మీద ఒక ఉద్యోగాన్ని సంపాదించుకుంటాడు శివ. కానీ తన కష్టాలు అక్కడితో ఆగవుగా. చేసే ఉద్యోగంలో కూడా రకరకాలు తిప్పలు పడుతూ మొత్తం మీద అలా జీవితాన్ని నెట్టుకొస్తుంటాడు మన హీరో. Also Read - Kalyanam Kamaneeyam movie review: మెప్పించిన సంతోష్ శోభన్ పెర్ఫార్మన్స్. అందరూ చూడాల్సిన ఎమోషనల్ డ్రామా

"పాతికేళ్ళు తండ్రి మీద పడి తిన్నావు. అదేవిధంగా జీవితాంతం నా మీద పడి బతికేయొచ్చు అనుకున్నావేమో. అది నేను జరగనివ్వను..."అంటూ శృతి మాట్లాడే మాటలతో మన హీరో శివకు మనసు మరింత విరిగిపోతుంది.

అయితే దాని తర్వాత ఏం జరుగుతుంది అనే విషయం మంచి యాక్షన్ మరియు త్రిల్లింగ్ ఎలిమెంట్స్ తో జనవరి 14న థియేటర్స్ లో మన ముందుకు రానుంది. ఇప్పటికే పలు మంచి సినిమాలు తీసి తనకంటూ ఒక మంచి పేరు సంపాదించుకున్నాడు హీరో సంతోష్. అయితే ఈ సినిమాతో ఒక మంచి హిట్ కొట్టి బ్రేక్ కోసం ఎదురు చూస్తున్నాడు.

ఇక మన హీరోయిన్ ప్రియ భవాని శంకర్ గురించి కొత్తగా ఏం చెప్పక్కర్లేదు. తమిళంలో బాగా పాపులర్ అయిన ఈ హీరోయిన్ కళ్యాణం కమనీయం సినిమాతో తెలుగులో అడుగుపెడుతోంది. వీరిద్దరి జంట ట్రైలర్ లో ముచ్చటగా ఉండటం ఈ సినిమాకు ప్లస్ పాయింట్.

BySarvepalli Bhavana
Published: January 5, 2023 6:29 PM IST