KGF 3: Hombale Films announces next part of Yash’s super hit movie (watch video)

కేజీఎఫ్‌, కేజీఎఫ్‌2 సినిమాలు ఎంత పెద్ద హిట్ అయ్యాయో అందరికీ తెలుసు. ఈ క్రమంలోనే కేజీఎఫ్‌3 కూడా తెరకెక్కనున్నట్టు కేజీఎఫ్‌2 సినిమా చివరిలోనే దర్శకుడు హింట్ ఇచ్చారు.

By Nikhil Rampalli
Published: April 14, 2023 4:31 PM IST

కేజీఎఫ్‌ సినిమాలకు దర్శకత్వం వహించిన ప్రశాంత్ నీల్.. ప్రస్తుతం ప్రభాస్ హీరోగా తెరకెక్కుతున్న సలార్ సినిమా షూటింగ్‌లో బిజీగా ఉన్నారు. నవంబర్ తర్వాత సలార్ సినిమా షూటింగ్ పూర్తి కానుంది. నవంబర్ తర్వాత కేజీఎఫ్‌3పై ప్రశాంత్ నీల్ ఫోకస్ పెట్టనున్నట్టు తెలుస్తోంది. ఇప్పటికే కేజీఎఫ్‌2 సినిమాలో బాలీవుడ్ స్టార్స్ సంజయ్ దత్, నవీనా టాండన్ కీలక పాత్రలు పోషించిన సంగతి తెలిసిందే.

అయితే, తాజాగా హోంబలే సంస్థ సోషల్ మీడియాలో ఒక వీడియో షేర్ చేసింది. ప్రస్తుతం ఆ వీడియో వైరల్ అయ్యింది. కేజీఎఫ్ సినిమాలో తల్లికి ఇచ్చిన మాట కోసం యశ్‌.. చాలా చేస్తాడు. మాట నిలబెట్టుకుంటాడు అని తెలిసిందే. అయితే సినిమా రెండో భాగంలో కొన్ని సంవత్సరాలు హీరో కనిపించకుండా పోయాడని, ఆ సమయంలో ఏం చేశాడని అనుమానం కూడా వ్యక్తం చేస్తారు పలువురు. Also Read - ఆ సూపర్‌‌ హిట్ సినిమా షూటింగ్ ఎప్పుడు మొదలవుతుందా అని ఎదురుచూస్తున్నా అంటున్న రవీనా టాండన్

ఇప్పుడు దానినే బేస్‌గా తీసుకుని.. రాకీ మాట నిలబెట్టుకున్నాడా అనే క్వశ్చన్ రైజ్ చేస్తూ.. కొన్నాళ్లు కనిపించకుండా పోయిన యశ్‌ ఏమైనట్టు అనే దానిని హైలైట్ చేస్తూ హోంబలే ఒక వీడియోను రిలీజ్ చేసింది. ఆ వీడియో చివరిలో 3 అనే నంబర్‌‌ను వేసింది. దీంతో కేజీఎఫ్‌3ను హోంబలే అనౌన్స్ చేసినట్టేనని వార్త వైరల్ అయ్యింది.

కాగా, కేజీఎఫ్‌3 సినిమాలో హృతిక్ రోషన్ నటించనున్నట్టు కొన్నాళ్ల క్రితం వార్తలు వచ్చాయి. అయితే అవన్నీ నిజం కాదని నిర్మాత విజయ్ స్పష్టం చేశారు. అంతేకాదు, కేజీఎఫ్‌3 కోసం నటీనటులు ఎవరినీ ఎంపిక చేయలేదని కూడా తెలిపారు. తాజాగా హోంబలే సంస్థ షేర్ చేసిన వీడియో చూస్తుంటే కేజీఎఫ్‌3 త్వరలోనే పట్టాలెక్కనున్నట్టు తెలుస్తోంది. Also Read - అవార్డు విన్నింగ్ డైరెక్టర్‌‌తో సినిమాకు ఓకే చెప్పిన యశ్.. త్వరలో అధికారిక ప్రకటన

The most powerful promise kept by the most powerful man ?

KGF 2 took us on an epic journey with unforgettable characters and action. A global celebration of cinema, breaking records, and winning hearts. Here's to another year of great storytelling! #KGFChapter2 #Yash… pic.twitter.com/iykI7cLOZZ

— Hombale Films (@hombalefilms) April 14, 2023

కేజీఎఫ్‌ మొదటి భాగానికి వచ్చిన క్రేజ్‌తో కేజీఎఫ్‌2 రికార్డులు క్రియేట్ చేసిన విషయం తెలిసిందే. కేజీఎఫ్‌2 సినిమా కన్నడ సినీ పరిశ్రమలోనే కాకుండా భారతదేశంలోని చాలా సినిమాల రికార్డులను బద్దలుకొట్టి ఇండస్ట్రీ హిట్‌గా నిలిచింది. బాక్సాఫీస్ వద్ద వసూళ్ల సునామీ సృష్టించింది. కాగా, కేజీఎఫ్‌3 సినిమాను ఈ రెండు భాగాల కంటే పవర్‌‌ఫుల్‌ కథతో తెరకెక్కిస్తామని కూడా నిర్మాత ఇప్పటికే హింట్ ఇచ్చారు. Also Read - కేజీయఫ్‌2: యశ్‌ నటించిన సూపర్‌‌ హిట్ సినిమా రికార్డుల గురించి తెలిస్తే తప్పక షాకవుతారు

కేజీఎఫ్‌, కేజీఎఫ్‌2 సినిమాలతో కన్నడ సినిమాను పాన్‌ ఇండియా రేంజ్‌కు తీసుకెళ్లిన హోంబలే సంస్థ, కాంతార సినిమాతో ఆ రేంజ్‌ను మరోసారి అందుకుంది. కలెక్షన్ల పరంగా కేజీఎఫ్‌ సిరీస్ ముందున్నప్పటికీ కాంతార సినిమా ఆ క్రేజ్‌ను మరింత పెంచిందనే చెప్పాలి. తెలుగులో కూడా కాంతార సినిమా రికార్డులు క్రియేట్ చేసిన సంగతి తెలిసిందే. అంతేకాదు, ఐక్యరాజ్యసమితిలో కూడా కాంతార సినిమా ప్రదర్శించారంటే ఆ సినిమా ఎంత పాపులర్ అయ్యిందో అర్ధం చేసుకోవచ్చు

అంతేకాదు, కాంతార సినిమాకు ప్రీక్వెల్ తెరకెక్కించనున్నట్టు కూడా ప్రకటించింది చిత్ర నిర్మాణ సంస్ధ. ఉగాది సందర్భంగా సినిమా కథను మొదలుపెడుతున్నట్టు సోషల్ మీడియా ద్వారా వెల్లడించింది.

ByNikhil Rampalli
Published: April 14, 2023 4:31 PM IST