Rajinikanth: ‘బాషా’ మూవీ రీమేక్…కానీ రజనీకాంత్ అభిమానులకు మాత్రం చేదు వార్త

భాష సినిమాని రీమేక్ చేయబోతున్న కోలీవుడ్ దర్శకుడు.. అయినా కానీ ఇది రజినీకాంత్ ఫ్యాన్స్ కి చేదువార్త ఎందుకో తెలుసా..

By Vishnupriya chowdhary
Published: February 7, 2023 11:31 AM IST

భాషా సినిమా ఒకప్పుడు ఎంత సంచలనం సృష్టించిందో మనందరికీ తెలుసు. నేను ఒక్కసారి చెబితే 100 సార్లు చెప్పినట్టే అని ఈ సినిమాలో డైలాగ్ ఎప్పటికీ మనం తరచుగా వాడుతూ ఉంటాం. ఇక భాషా ఫ్లాష్ బ్యాక్ రెఫరెన్స్ తో ఎన్నో సినిమాలు ఆ తర్వాత కూడా వచ్చాయి. అప్పటినుంచి ఇప్పటివరకు ఈ చిత్రానికి క్రేజ్ రవ్వంత కూడా తరగలేదు. సోషల్ మీడియాలో కూడా ఇప్పటికీ చిత్రం గురించి ఎన్నో పోస్టులు వస్తూ ఉంటాయి. అంతగా మన మైండ్ లో గుర్తుంది పోయింది ఈ రజినీకాంత్ సినిమా.

రజినీకాంత్ స్టైల్ ని మనకు వందకు వందశాతం చూపించిన చిత్రం కూడా ఇదే. స్టైలు స్టైలు రా సాంగ్, అందులో రజినీకాంత్ .. చెప్పుకుంటూ పోతే ఈ సినిమా హైలెట్స్ ఎన్నో ఉన్నాయి. మరి అలాంటి సినిమా రీమేక్ వస్తోంది అంటే రజినీకాంత్ అభిమానులతో పాటు సినీ ప్రేక్షకులు కూడా ఎంతగా ఎదురు చూస్తారో ప్రత్యేకంగా చెప్పనవసరం లేదు. ఒకరకంగా సినీ అభిమానులకు పండగ వాతావరణం ఏర్పడిపోతుంది. అలానే ఇప్పుడు ఈ చిత్రానికి రీమేక్ చేయాలి అని తలచాడు అంత తమిళ దర్శకుడు. ఇక సినీ ప్రేక్షకులు ఈ వార్త తెలిసే ఆనందంగా ఉంటే రజనీకాంత్ అభిమానులు మాత్రం బాధపడుతున్నారట. అదేమిటి వారే కదా ఎక్కువ ఆనంద పడాల్సింది అనుకుంటున్నారా…అయితే మీరు ఒక విషయం తప్పకుండా తెలుసుకోవాలి..

Also watch

దాదాపు నాలుగు దశాబ్దాలుగా ఇండస్ట్రీని ఏలుతున్న సూపర్ స్టార్.. కెరీర్ లో ఎన్నో సూపర్ హిట్స్, ఇండస్ట్రీ హిట్స్ అందుకున్నారు. కానీ ఆయన కెరియర్ లో 1995లో విడుదలైన ఈ భాషా సినిమా ఇండస్ట్రీ హిట్ అవ్వదమే కాకుండా రజినికి ఉన్న క్రేజ్ ని అమాంతం పెంచేసింది. తమిళ, తెలుగు భాషల్లోనే కాకుండా పాన్ ఇండియా స్థాయిలో ప్రభంజనం సృష్టించిన సినిమా బాషా. అలాంటి సినిమాని రీమేక్ చేస్తూ ఉండగా ఆ సినిమాలో హీరోగా మాత్రం ఇప్పుడు రజిని నీ తీసుకోవడం లేదట.

ఈ సినిమాలో రజినీ లుక్, డైలాగ్స్, సాంగ్స్.. ఫైట్స్ ఇలా అన్నీ ఫ్యాన్స్ కి పూనకాలు తెప్పించాయి. మరి అలాంటి రచనీ లేకుండా ఈ సినిమాని మనం అసలు ఊహించగలమా అనేది పెద్ద ప్రశ్న.
బాషా అంటే రజినీకాంత్ తప్ప ఇంకెవరినీ ఉహించుకోలేని విధంగా ఆ సినిమా ఇంపాక్ట్ క్రియేట్ చేసింది. కానీ దాని గురించి పెద్దగా ఆలోచించకుండా కోలీవుడ్ డైరెక్టర్ విష్ణువర్ధన్.. బాషా సినిమాని రీమేక్ చేసే పనిలో ఉన్నాడట. హీరో అజిత్ తో ఈ సినిమా రీమేక్ చేసే ఆలోచనలో ఉన్నట్లు సమాచారం.

అయితే గతంలో కూడా రజినీకాంత్ నటించిన ‘బిల్లా’ సినిమాని.. అదే టైటిల్ తో అజిత్ హీరోగా తీసి హిట్ కొట్టాడు విష్ణువర్ధన్. కాబట్టి మళ్ళీ ఇప్పుడు కూడా అదే రిపీట్ చేయాలి అని తలుస్తున్నాడు డైరెక్టర్.

ఇప్పుడు మరోసారి రజినీ బాషా సినిమాని అజిత్ తో రీమేక్ చేసి హిట్ కొట్టాలని చూస్తున్నట్లు తెలుస్తోంది. ఒరిజినల్ బాషా మూవీని డైరెక్టర్ సురేష్ కృష్ణ తెరకెక్కించారు, ఈ రీమేక్ సినిమాని మాత్రం విష్ణువర్ధన్ అని ఫిక్స్ అయ్యారు. మరి రీమేక్ అంటున్న మూవీలో రజినీ మేనరిజం, స్టైల్, డైలాగ్ డెలివరీని అజిత్ తో ఎలా చూపించనున్నారు? అజిత్ కూడా రజినీకాంత్ స్టైల్ ని మైమరపించి హిట్ అందుకోగలరా అనేది తెలియాలి అంటే మనం చాలా రోజులు వేచి చూడాలి. ఎందుకంటే ప్రస్తుతం అజిత్ తన 62వ సినిమాతో బిజీగా ఉన్నారు. ఆ చిత్రం తరువాత ఈ సినిమా గురించి అధికారిక ప్రకటన లాంటిది రావచ్చు.

ByVishnupriya chowdhary
Published: February 7, 2023 11:31 AM IST