Kushboo: ఎనిమిదేళ్ల వయసులో మా నాన్నే నన్ను లైంగికంగా వేధించారు : ఖుష్బూ

హీరోయిన్ ఖుష్బూ ప్రస్తుతం తన తండ్రి పైన చేసిన వ్యాఖ్యలు అందరినీ షాక్ కి గురి చేస్తున్నాయి

By Vishnupriya chowdhary
Published: March 6, 2023 10:05 AM IST

హీరోయిన్ ఖుష్బూ గురించి సౌత్ సైట్ ఏ భాష వారికి అయినా పరిచయాలు అవసరం లేదు. అన్ని భాషలలో ఒకప్పుడు స్టార్ హీరోయిన్గా కొనసాగిన ఖుష్బూకి తమిళనాడులో అయితే చెప్పుకోలేనంత క్రేజ్ ఉంది. ఈ హీరోయిన్ కి అప్పట్లో ఏకంగా అభిమానులు గుడి కూడా కట్టించాలనుకున్నారు. దీన్నిబట్టి అర్థం చేసుకోవచ్చు ఈ నటి కి అక్కడున్న ఫాలోయింగ్ ఏంటో. ఇక తమిళ దర్శకుడు సుందర్ సి పెళ్లి చేసుకుని ప్రస్తుతం తన సెకండ్ ఇన్నింగ్స్ లో కూడా మంచి పాత్రలను ఎన్నుకుంటూ కెరియర్ కొనసాగిస్తోంది ఖుష్బూ.

అయితే ఈ హీరోయిన్ మహిళా దినోత్సవం సందర్భంగా అటెండైన ఒక ఈవెంట్ లో చేసిన వ్యాఖ్యలు ప్రస్తుతం తెగ వైరల్ అవుతున్నాయి. మహిళలపై జరుగుతున్న లైంగిక వేధింపులపై రియాక్ట్ అయింది సీనియర్ నటి, బీజేపీ నాయకురాలు ఖుష్బూ సుందర్‌. తాను చిన్నప్పుడు ఎదుర్కొన్న వేధింపులు చెబుతూ అందరిని షాక్ కి గురి చేసింది ఖుష్బూ.

ఆశ్చర్యకరమైన విషయం ఏమిటి అంటే తన తండ్రి నుంచే లైంగిక వేధింపులు ఎదుర్కొన్నానని చెప్పింది ఈ నటి. అయితే అప్పుడు తన వయసు ఎనిమిదేళ్లు మాత్రమే కాగా.. 15 యేళ్ళ వయసొచ్చాక తన తండ్రిని ఎదిరించినట్లు తెలిపింది. ముంబైలో ఓ ముస్లిం కుటుంబంలో జన్మించిన కుష్బూ బాలనటిగా సినీ ఇండస్ట్రీలో అడుగుపెట్టింది. వెంకటేష్ హీరోగా గా చేసిన కలియుగ పాండవులు సినిమాతో హీరోయిన్ గా ఎంట్రీ ఇచ్చింది. ఆ తర్వాత పలు తెలుగు, తమిళ సినిమాల్లో నటించింది.

తన చిన్నప్పుడు జరిగిన సంఘటన గురించి మాట్లాడుతూ ఖుష్బూ..' ఒక అబ్బాయి లేదా అమ్మాయి వారి చిన్నతనంలో ఏదైనా వేధింపులకు గురైతే అది వాళ్ళ జీవితాంతం భయపెడుతూనే ఉంటుంది. తన భార్యా పిల్లల్ని హింసలు పెట్టడం, కన్న కూతురిపై లైంగిక వేధింపులకు పాల్పడ్డాడని జన్మహక్కుగా భావించే వ్యక్తి వల్ల నా తల్లి వైవాహిక జీవితం ఇబ్బందులు పడింది. అలానే నేను ఎనిమిదేళ్ల వయసులోనే లైంగిక వేధింపులకు గురైనను. ఈ విషయం చెబితే మా అమ్మ నన్ను నమ్ముతుందో లేదో అని భయపడ్డాను. ఏం జరిగినా తన బర్త్డే దేవుడు అనే నమ్మే మనస్తత్వం మా అమ్మది. అందుకే నేనే 15 సంవత్సరాల వయసు వచ్చాక ఎదురు తిరగడం మొదలెట్టాను. నాకు పదహారేళ్లు రాకముందే ఆయన మమ్మల్ని వదిలి వెళ్ళిపోయారు. అప్పుడు మేము ఎన్నో సమస్యలు ఎదుర్కొన్నం' అంటూ జరిగిన ఆసలు విషయాన్ని బయట పెట్టింది ఖుష్బూ.

ఇక అలాంటి సీనియర్ హీరోయిన్ తన ఫ్యామిలీలో జరిగిన ఇలాంటి సంఘటన చెప్పడంతో ప్రస్తుతం ఖుష్బూ మాటలు నెట్టింట హల్చల్ చేస్తున్నాయి.

ByVishnupriya chowdhary
Published: March 6, 2023 10:05 AM IST