మెగా ప్రిన్సెస్‌కు అదిరిపోయే గిఫ్ట్ పంపించిన జూనియర్ ఎన్టీఆర్... విభేదాల వార్తలకు చెక్ పడినట్టేనా?

చరణ్, తారక్ మధ్య మంచి రిలేషనే ఉంది. అయితే, ఆర్ఆర్ఆర్ మూవీ షూటింగ్ నుంచి అది మరింత బలపడింది. సినిమా సక్సెస్ తర్వాత ఇద్దరి మధ్య విభేదాలు వచ్చినట్లు పలు వార్తలు వచ్చాయి.

By Nikhil Rampalli
| Updated: July 19, 2023 11:39 PM IST

రామ్ చరణ్ కూతురికి స్పెషల్ గిఫ్ట్ పంపించాడు జూనియర్ ఎన్టీఆర్. ఈ మధ్యే చెర్రీ దంపతులకు ఓ కూతురు పుట్టిన విషయం తెలిసిందే. రామ్ చరణ్ కూతురు క్లిం కారా కు జూనియర్ ఎన్టీఆర్ స్పెషల్ గిఫ్ట్ పంపించాడు. ఈ ఇద్దరు స్టార్ హీరోలు కలిసి ఆర్ఆర్ఆర్ సినిమాలో నటించారు. ఈ ఇద్దరి మధ్య ఉన్న అనుబంధానికి ఈ గిఫ్ట్ నిదర్శనంగా నిలిచింది.
క్లింకారా కోసం తారక్ కొన్ని గోల్డ్ కాయిన్స్ పంపించాడట. ఆ కాయిన్స్ పై రామ్ చరణ్, ఉపాసన, క్లింకారాల పేర్లు రాసి ఉండటం విశేషం. గత నెలలో చరణ్, ఉపాసన దంపతులకు కూతురు పుట్టిన విషయం తెలిసిందే. అప్పుడే తాను సోదరుడిగా భావించే చెర్రీకి విషెస్ పంపించిన తారక్.. తాజాగా ఖరీదైన గిఫ్ట్ ఇవ్వడం విశేషం. తారక్ తోపాటు అతని కొడుకులు అభయ్, భార్గవ్ ఈ గిఫ్ట్ లను పంపించినట్లు ఓ రిపోర్టు వెల్లడించింది. ఈ ఇద్దరు స్టార్ల మధ్య ఉన్న అనుబంధం చూసి ఫ్యాన్స్ ఖుషీ అవుతున్నారు.
మొదటి నుంచి చరణ్, తారక్ మధ్య మంచి రిలేషనే ఉంది. అయితే, ఆర్ఆర్ఆర్ మూవీ షూటింగ్ నుంచి అది మరింత బలపడింది. సినిమా సక్సెస్ తర్వాత ఇద్దరి మధ్య విభేదాలు వచ్చినట్లు పలు వార్తలు వచ్చాయి. ముఖ్యంగా అమెరికాలో మూవీ ప్రమోషన్ల సమయంలో పూర్తిగా చరణే కనిపించడం, జూనియర్ ఎన్టీఆర్ యూఎస్ వెళ్లకపోవడంపై సోషల్ మీడియాలో కొందరు పలు వార్తలను ప్రచారం చేశారు.
అయితే అవన్నీ కేవలం రూమర్లేనని తాజాగా తారక్ నిరూపించాడు. ఉపాసన గత నెల 20న పాపకు జన్మనిచ్చిన విషయం తెలిసిందే. 11వ రోజు ఈ పాపకు క్లింకారా అనే పేరు పెట్టారు. ఈ పేరు లలితా సహస్ర నామాల నుంచి తీసుకున్నట్లు చెప్పారు. కాగా, చరణ్, జూనియర్ ఎన్టీఆర్ నటించిన ఆర్‌‌ఆర్‌‌ఆర్‌‌ సినిమా భారీ విజయాన్ని సాధించిన సంగతి తెలిసిందే. అంతేకాదు, ఆ సినిమాలోని నాటు నాటు పాటకు ఆస్కార్ లభించింది.

ByNikhil Rampalli
| Updated: July 19, 2023 11:39 PM IST