M.M. Keeravani on RGV: నా మొదటి ఆస్కార్ రాంగోపాల్ వర్మ అన్న కీరవాణి…నేను చచ్చిపోయాను అనిపించింది అంటున్న రాంగోపాల్ వర్మ

తన మొదటి ఆస్కార్ రాంగోపాల్ వర్మ అంటూ కామెంట్స్ చేసిన కీరవాణి..

By Vishnupriya chowdhary
Published: March 26, 2023 1:42 PM IST

రామ్ గోపాల్ వర్మ ఏది మాట్లాడినా.. అందులో ఏదోక కాంట్రవర్సీనో లేక ఏదో పబ్లిసిటీ స్టంటో ఉంటుంది అని భావిస్తూ ఉంటారు ప్రస్తుతం ఉన్న ప్రేక్షకులు అలానే మీడియా వారు. ఇక ఆయన తీసే సినిమాలు కూడా అలానే ఉంటాయి అని ప్రస్తుతం ఉన్న వారి అభిప్రాయం. అయితే ఒకప్పుడు తెలుగులో ఈయన పెద్ద స్టార్ డైరెక్టర్. శివా మరియు గాయం లాంటి గేమ్ చేంజెర్ సినిమాలను తెలుగువారికి అందించారు. అంతేకాదు ఎంతోమంది టాలెంట్ డ్ వారిని మనకు పరిచయం చేశారు. అందుకే ఈ మధ్య కొన్ని చెత్త సినిమాలు తీసిన ఇంకా ఈ దర్శకుడి ప్రవర్తనకు, మాటలకు అభిమానులు చాలా మందే ఉన్నారు. పబ్లిసిటీ కోసం వర్మ చేసే పిచ్చిపనులను కూడా ఎంకరేజ్ చేసేవాళ్లు ఉన్నారు.

అయితే ఈ మధ్య ఆస్కార్ అందుకున్న ప్రముఖ సంగీత దర్శకుడు ఎంఎం కీరవాణి రామ్ గోపాల్ వర్మ తన మొదటి ఆస్కార్ అని చెప్పడం ప్రస్తుతం అందరి దృష్టిని ఆకట్టుకుంటుంది. ఇంతకీ విషయంలోకి వస్తే ఇటీవల ఆస్కార్ గెలిచిన తర్వాత ఓ ఇంటర్వ్యూలో కీరవాణి పాల్గొన్నారు. ఈ సందర్భంగా ఈ విజయం గురించి మాట్లాడుతూ రామ్ గోపాల్ వర్మ గురించి ప్రస్తావన తీసుకొచ్చారు. ఇది తనకు రెండో ఆస్కార్ అని, మొదటి రామ్ గోపాల్ వర్మ ఇచ్చిన అవకాశం.. అకాడమీ అవార్డు లాంటిదని స్పష్టం చేశారు. ఎందుకంటే మొదటిగా ఈ సంగీత దర్శకుడికి అవకాశం ఇచ్చింది రామ్ గోపాల్ వర్మ. అందుకే ఆయనని ఆకాశానికి ఎత్తేశారు కీరవాణి. Also Read - ఆర్‌‌ఆర్‌‌ఆర్‌‌ తర్వాత సంగీత దర్శకుడు కీరవాణి ఏ సినిమా చేస్తున్నారో తెలుసా?

ఇటీవల జరిగిన 95వ ఆస్కార్ అవార్డుల్లో బెస్ట్ ఒరిజినల్ సాంగ్ విభాగంలో ఆర్ఆర్ఆర్ చిత్రంలో నాటు నాటు సాంగ్ పురస్కారం సాధించింది. ఇక దీనికి గాను కీరవాణికి అవార్డు వచ్చిన సంగతి తెలిసిందే. ఈ నేపథ్యంలో ఈ మ్యూజిక్ డైరెక్టర్ ఇలాంటి వ్యాఖ్యలు చేశారు.

కీరవాణి మాట్లాడుతూ.."దాదాపు 51 మంది చిత్రనిర్మాతలు, నిర్మాతలు మరియు ఇతరులు నా డెమో క్యాసెట్‌ను తిరస్కరించారు మరియు సగం మంది నా పనిని కూడా వినకుండా చెత్తబుట్టలో పడేసి ఉంటారు. కానీ అది విన్న రామ్ గోపాల్ వర్మ నాకు తొలి బ్రేక్ క్షణ క్షణం ఇచ్చారు. నేను టాలెంటెడ్ కంపోజర్‌ని అవునా కాదా అనేది పక్కన పెడితే, ఆర్జీవీ నన్ను పికప్ చేయడంతో, వర్మ నన్ను ఎంపిక చేశాడు కాబట్టి నేను టాలెంటెడ్ అని భావించి చాలా మంది నన్ను తమ ప్రాజెక్ట్ కి తీసుకున్నారు. కాబట్టి, అతను నా మొదటి ఆస్కార్” అని తన ఇంటర్వ్యూలో అన్నారు. Also Read - Padma Shri‌ Awards 2022 : ఆర్ఆర్ఆర్ మరియు కేజిఎఫ్ ఫ్యాన్స్ పండగ.. ఎంఎం. కీరవాణి కి,‌ రవీనా టాండన్‌ను కు పద్మశ్రీ…

ఇంక మరో పక్క రామ్ గోపాల్ వర్మ కీరవాణి మాట్లాడిన ఈ వీడియోను సోషల్ మీడియా లో షేర్ చేశారు. "హే.. కీరవాణి నేను ఈ మాటలకు చనిపోయానని అనిపిస్తుంది. ఎందుకంటే మరణించినవాళ్లనే ఈ విధంగా ప్రశంసిస్తారు." అంటూ ఆర్జీవీ తన స్పందనను తెలియజేశారు.

Hey ⁦@mmkeeravaani⁩ I am feeling dead because only dead people are praised like this ??? pic.twitter.com/u8c9X8kKQk

— Ram Gopal Varma (@RGVzoomin) March 25, 2023

ఇక కీరవాణి వీడియో అలానే రాంగోపాల్ వర్మ వ్యాఖ్యలు ప్రస్తుతం వైరల్ అవుతున్నాయి. Also Read - Rajamouli - Mahesh Babu: నిర్మాతల నుంచి రాజమౌళికి ప్రెషర్…అది కూడా మహేష్ బాబు సినిమా వల్ల

ByVishnupriya chowdhary
Published: March 26, 2023 1:42 PM IST