సౌత్‌పై కన్నేసిన ‘సీత’!.. గ్రాండ్ ఎంట్రీ కోసం ఎదురుచూస్తున్న మృణాల్ ఠాకూర్

దుల్కర్ సల్మాన్ హీరోగా హను రాఘవపూడి దర్శకత్వంలో తెరకెక్కిన హిట్ సినిమా సీతారామం. ఈ సినిమాలో సీత క్యారెక్టర్‌‌లో నటించిన మృణాల్ ఠాకూర్.. తన అందం, అభినయంతో ప్రేక్షకులను మెస్మరైజ్‌ చేశారు. ప్రస్తుతం సౌత్ సినిమాల్లో నటించడానికి ఆసక్తి చూపిస్తున్నారు

By Nikhil Rampalli
Published: March 11, 2023 1:28 PM IST

‘సీతారామం’ సినిమాతో తెలుగు ప్రేక్షకులకు బాగా దగ్గరయ్యారు మృణాల్ ఠాకూర్. ఈ సినిమాలోని నటనకు, గ్లామర్‌‌కు చిన్నాపెద్దా అనే తేడా లేకుండా అందరూ కనెక్ట్ అయ్యారు. సీతారామం సినిమాతో తెలుగుతోపాటు సౌత్‌ ఇండస్ట్రీలో స్టార్ హీరోయిన్‌ అయ్యారు మృణాల్. సీత క్యారెక్టర్‌‌లో మెప్పించిన ఈ హీరోయిన్‌ బాలీవుడ్‌తోపాటు దక్షిణాది సినిమాల్లోనూ నటించి కెరీర్‌‌లో ఎదగాలని ప్లాన్ చేస్తున్నారు.

అందుకు తగినట్టుగానే మృణాల్ సౌత్ సినిమాల్లో నటించడానికి కథలు వింటున్నట్టు తెలుస్తోంది. అయితే ‘సీతారామం’ వంటి క్లాసిక్‌ సినిమానే మొదటి సినిమా కావడంతో తదుపరి సినిమాపై అభిమానుల్లో అంచనాలు భారీగా ఉంటాయి. మంచి క్యారెక్టర్‌‌తోనే ప్రేక్షకుల ముందుకు వస్తారని ఆశిస్తున్నారు. దాంతో సినిమాను ఆచితూచి ఎంపిక చేసుకునే పనిలో మృణాల్ ఉన్నారని ఇండస్ట్రీ వర్గాల సమాచారం. Also Read - Mrunal Thakur: మనిద్దరం కలిసి ఎప్పుడు నటిస్తున్నాం అంటూ సమంతను ప్రశ్నించిన మృణాల్ ఠాకూర్

దానికి తగ్గట్టుగానే తెలుగులో తన రెండో సినిమాను నేచురల్ స్టార్ నానితో చేయబోతున్నట్టు ప్రకటించారు మృణాల్. Nani30లో హీరోయిన్‌గా నటిస్తున్నారు.\Nani30 మొదటి షెడ్యూల్ ఇటీవలే పూర్తయ్యింది. రెండో షెడ్యూల్ త్వరలో ప్రారంభం కానుండడంతో ప్రస్తుతానికి మృణాల్‌ విశ్రాంతి తీసుకుంటున్నారు. తెలుగులో వరుసగా ఆఫర్లు వస్తుండడంతో హైదరాబాద్‌లో స్థిరపడాలని ఆమె ప్లాన్ చేస్తున్నట్టు సమాచారం. హైదరాబాద్‌లో ఇల్లు కొనుగోలు చేయడానికి ప్లాన్ చేస్తున్నారని వార్తలు వస్తున్నాయి.

Trending Now

ఇక, సౌత్‌లో బిజీ హీరోయిన్‌గా మారే దిశగా మృణాల్ గట్టి ప్రయత్నాలే చేస్తున్నారు. సౌత్‌లో ప్రముఖ టాలెంట్ మేనేజ్‌మెంట్ ఏజెన్సీ బెంచ్‌మార్క్ టాలెంట్స్‌ తో జతకట్టినట్టు ఇటీవల తన ఇన్‌స్టాగ్రామ్‌ అకౌంట్‌లో పోస్ట్ పెట్టారు మృణాల్ ఠాకూర్. తాజాగా అందుతున్న సమాచారం ప్రకారం.. మృణాల్‌కు తమిళ, మలయాళం ఇండస్ట్రీల నుంచి కూడా చాలా ఆఫర్లు వస్తున్నాయని టాక్. ఆ భాషల్లో కూడా మంచి సినిమాతో ఎంట్రీ ఇవ్వడానికి ప్లాన్ చేసుకుంటున్నారని సమాచారం. Also Read - Mrunal Thakur : అమ్మనాన్నకి ఆ పని అస్సలు ఇష్టం లేదు అయినా నేను చేశాను అంటోన్న మృణాల్ ఠాకుర్

అక్కడి దర్శకులు చెప్పే కథలు కూడా మృణాల్ వింటున్నారని, త్వరలోనే తమిళం లేదా మలయాళీ సినిమా ప్రకటించే అవకాశం ఉందని తెలుస్తోంది. ఇప్పటికే తమిళ హీరో సూర్య 42లో కీలక పాత్ర కోసం మృణాల్‌ను అడిగినట్టు వార్తలు వచ్చాయి. అయితే దానిపై అధికారిక ప్రకటన రాలేదు. ఇదే నిజమైతే తమిళంలో సూర్య సినిమాతో మృణాల్ ఎంట్రీ ఇచ్చే అవకాశం ఉంది.

ByNikhil Rampalli
Published: March 11, 2023 1:28 PM IST