Dasara : నేను నరకం చూశా.. సినిమా అయ్యాక కూడా సంఘటన గుర్తుకు వచ్చినప్పుడు భయపడేవాడిని : నాని

ఈ మధ్య నాని చాలా భయపడిన ఒక సంఘటన గురించి ఇంటర్వ్యూలో తెలియజేశారు.. ఆ మాటలు ప్రస్తుతం తెగ వైరల్ అవుతున్నాయి.

By Vishnupriya chowdhary
Published: March 17, 2023 4:37 PM IST

అంటే సుందరానికి సినిమా తరువాత నాచురల్ స్టార్ ఈసారి ఎలా అయినా సూపర్ హిట్ కొట్టాలని పక్కా మాస్ ఎంటర్టైనర్ గా వస్తున్న చిత్రం దసరా. శ్రీకాంత్ ఓదెల దర్శకత్వంలో వస్తున్న చిత్రం లో కీర్తి సురేష్ హీరోయిన్‌గా నటిస్తోంది. భారీ అంచనాల నడుమ ఈ సినిమా మార్చి 30వ తేదీన విడుదలకు రెడీ అవుతోంది. ఇప్పటికే విడుదల చేసిన టీజర్ మరియు ట్రైలర్ ప్రేక్షకులకు ఈ సినిమా పైన మంచి ఆసక్తిని తెచ్చిపెట్టింది.

ఈ చిత్రం పాన్ ఇండియా సినిమా కావడంతో ఈ సినిమా ట్రైలర్ ని ఐదు భాషల్లో విడుదల చేశారు. అంతేకాకుండా ట్రైలర్ చాలా రా అండ్ రస్టిక్ గా ఉండడంతో నాని ద‌స‌రా మూవీతో మాస్ హీరోగా తిరుగులేని హిట్ కొడ‌తాన‌ని కాన్ఫిడెంట్‌తో ఉన్నారు ఆయన అభిమానులు. ఈ మూవీ ని శ్రీ లక్ష్మి వెంకటేశ్వర సినిమాస్ బ్యానర్ పై సుధాకర్ చెరుకూరి ఈ సినిమాను నిర్మించాడు. ఇక ప్రస్తుతం ఈ సినిమా ప్రమోషన్స్ లో చాలా బిజీగా ఉన్నారు హీరో నాని. ఈ ప్రమోషన్స్ లో భాగంగా ఆయన పలుమార్లు ఈ సినిమా కోసం ఎంతగా కష్టపడ్డారో తెలియజేశారు. అంతేకాకుండా ఒక ఇంటర్వ్యూలో నాని చేసిన వ్యాఖ్యలు ప్రస్తుతం తెగ వైరల్ అవుతున్నాయి.

Also watch

నాని మాట్లాడుతూ .." ఈ చిత్రంలో ఒక మేజర్ సీన్ చేసేటప్పుడు డంపర్ లో నుంచి నేను క్రింద పడిపోయాను. సింథటిక్ కోల్స్ కింది నుంచి నన్ను పైకి లాగడానికి కొంత టైమ్ పడుతుంది. ఆ గ్యాప్ లో ఊపిరి తీసుకోవడం చాలా కష్టమైంది. ఆ రకంగా నేను నరకం చూశా. సీన్ షూటింగ్ అయిపోయాక కూడా ఆ సంఘటన గుర్తుకు వచ్చినప్పుడల్లా నిద్రపట్టలేదు" అని నాని చెప్పారు.

అంతేకాదు ఆ శీను షూటింగ్ అయిపోయాక ఇబ్బంది నుంచి బయట పడటానికి తనకు చాలా రోజులు పట్టిందని చెప్పిన నాని. అంతేకాకుండా ఈ సినిమా గురించి మరెన్నో ఇంట్రెస్టింగ్ విషయాలను కూడా చెప్పారు. ఈ సినిమాతో ఎలాగైనా హిట్ కొట్టాలని కసిగా ఉన్న నాని.. ఈ సినిమా కోసం బాగా కష్టపడ్డారు అని ఆయన ఇంటర్వ్యూలు చూస్తేనే అర్థమవుతుంది. మరి ఈ సినిమా నానికి సూపర్ సక్సెస్ అందించి పాన్ ఇండియా పరంగా కూడా ఈ హీరోని టాప్ లో నిలబెడుతుందేమో చూడాలి.

నాని సౌత్ లోనే కాదు బాలీవుడ్ కోసం నార్త్‌పై ఫోకస్ పెట్టి అక్కడ విరివిగా ఇంటర్వ్యూలు, ఈవెంటల్లో పాల్గొంటున్నాడు. నాని ఇటీవల మాట్లాడుతూ.. తను నటించిన దసరా మూవీ బాహుబలి, ఆర్ఆర్ఆర్, కేజీఎఫ్ సరసన నిలుస్తుందని తెలిపాడు. మరి అది నిజమవుతుందో లేదో తెలియాలి అంతే రిలీజ్ వరకు వేచి చూడాలి.

ByVishnupriya chowdhary
Published: March 17, 2023 4:37 PM IST