Nani's Dasara : మితిమీరిన దసరా బడ్జెట్…బ్రేక్ ఈవెన్ సాధ్యమేనా??

అనుకున్న బడ్జెట్ కన్నా ఎక్కువ బడ్జెట్ అయిపోయిందట.. మరి ఈ నాని సినిమా హిట్ అవుతుందా..

By Vishnupriya chowdhary
Published: February 7, 2023 12:27 PM IST

మొదటినుంచి తన నేచురల్ నటన తోనే కాదు తన కథల ఎంపికతో కూడా ఆకట్టుకుంటూ వచ్చిన తెలుగు హీరో నాని. ఇప్పటికే ఎన్నో వైవిధ్యమైన కథలలో నటించిన ఈ హీరో ఇప్పుడు వైవిద్యమైన లుక్ తో కూడా మన ముందుకి రాబోతున్నాడు. పోయిన సంవత్సరం అంతే సుందరానికి సినిమాతో ఆవరేజ్ హిట్ అందుకున్న నాని ఈ సంవత్సరం మాత్రం భారీ బ్లాక్ బస్టర్లకు ప్లాన్ వేసేసారు.

దానికి తగ్గట్టుగా చాలా కొత్త లుక్ తో మరియు అదిరిపోయే మాస్ కథతో దసరా అనే చిత్రంతో ముస్తాబ్ అవుతున్నారు మన హీరో. ఇప్పటికే ఈ సినిమా నుంచి రిలీజ్ అయిన టీజర్ మరియు ఫస్ట్ లుక్ నాని అభిమానులనే కాకుండా సాధారణ ప్రేక్షకులను కూడా విపరీతంగా ఆకట్టుకుంది. నాని హీరోగా నటిస్తున్న ఈ సినిమాను శ్రీకాంత్ ఓడల డైరెక్ట్ చేస్తున్నారు. దాదాపు ఏడాది నుండి హీరో నాని జుట్టు గడ్డానని పెంచుతూ మునుపెన్నడూ లేని విధంగా ఒక కొత్త లుక్ లో తన ఫ్యాన్స్ కి దర్శనం ఇచ్చారు. Also Read - Dasara Promotions : ఎందుకు దసరా బాధ్యత మొత్తం నాని ఒక్కరి పైనే ... కీర్తి సురేష్ ఏమయింది??

Also watch

ఇక ఈ టీజర్ లో నాని మాస్ యాక్షన్ కి అందరూ ఫిదా అయిపోయారు. ఈ మధ్య విడుదలైన అల్లు అర్జున్ దుష్పా సినిమాని తలపిస్తున్న ఈ దసరా మార్చి 30 న సినిమా రిలీజ్ కానుంది. ఈ నేపథ్యంలో సినిమాకు సంబంధించి ఆర్థిక విషయాలు చర్చనీయాంశంగా మారాయి.

స్టార్ హీరోల సినిమాలకి అయ్యే బడ్జెట్ మన నాని సినిమాకి అయిపోయింది అని వార్తలు చక్కర్లు కొడుతున్నాయి. నాని మన తెలుగులో మిడ్ రేంజ్ స్టార్ హీరోల్లో ఒకరు. అంతేకానీ మహేష్ బాబు మరియు పవన్ కళ్యాణ్ మరియు జూనియర్ ఎన్టీఆర్ రేంజ్ అయితే మాత్రం కాదు. తెలుగు కలెక్షన్స్ పరంగా తీసుకుంటే మిడ్ రేంజ్ హీరోల సినిమాలకు 30 కోట్లు మ బడ్జెట్ అనేది మామూలుగా ఏ నిర్మాత అయినా పెట్టుకునే డబ్బు. Also Read - సెన్సార్ పూర్తి చేసుకున్న నాని సినిమా.. ‘దసరా’ గురించిన ఆసక్తికర విషయాలు

కానీ ఇప్పుడు నాని దసరా బడ్జెట్ మాత్రం ఆకాశానికి అంతుతోందట. 50 కోట్ల సినిమాలు నాని కెరియర్ లో ఉన్నా కానీ ప్రస్తుతానికి అయితే నానికి అంత పెద్ద హిట్ సినిమా రాలేదు. ఈ క్రమంలోనే తన చివరి చిత్రం అంటే సుందరానికీ పాజిటివ్ టాక్ తెచ్చుకుంది. కానీ బాక్స్ ఆఫీస్ వద్ద కలెక్షన్లను అందుకోలేకపోయింది. అయినా దసరా చిత్రానికి బడ్జెట్ రూ.35 కోట్లు పెట్టడానికి రెడీ అయిపోయాడు నిర్మాత సుధాకర్ చెరుకూరి. ఈ నిర్మాత గత చిత్రాలు అన్ని ఫ్లాప్ అయ్యాయి. అయినా కానీ ఈ బడ్జెట్ నాని సినిమాకి పెట్టాలి అని ఈ ప్రొడ్యూసర్ ఫిక్స్ అయిపోయారు. సరే 35 కోట్లే కదా ఒక ఐదు కోట్లు ఎక్కువ పెట్టారు అని అనుకుంటున్నా సమయంలో, ఈ సినిమాకి ఏకంగా ముగిసేసరికి డబ్బులు బడ్జెట్ అయిపోయిందట.

చాలా సినిమాలకి షూటింగ్ మొదలయ్యాక బడ్జెట్ కొన్ని కోట్లు పెరగడం చూస్తూనే ఉంటాము.ఇప్పుడు దసరా సినిమా విషయంలోనూ అదే జరిగిందట. కొత్త దర్శకుడు శ్రీకాంత్ ఓదెల ప్రణాళిక ప్రకారం సినిమాను తీయలేకపోయాడా లేదా సినిమా క్వాలిటీ విషయంలో ప్రొడ్యూసర్స్ రాజీ పడకుండా తీసారా తెలియదు కానీ, ఖర్చు మాత్రం తడిసి మోపియ్యింది అంటున్నారు అందరూ. Also Read - ‘దసరా’ హిందీ వెర్షన్‌లో నేచురల్ స్టార్‌‌ నానికి డబ్బింగ్ చెప్పిన ప్రముఖ నటుడు.. ఎవరో తెలుసా!

ప్రస్తుతం అందుతున్న సమాచారం ప్రకారం 35 కోట్లతో తీయాలనుకున్న ఈ సినిమా బడ్జెట్ ఏకంగా మ రూ.65 కోట్లు దగ్గరకు వచ్చి ఆగిందట. నాని ఒక్కడికే రూ.15 కోట్ల దాకా ఇచ్చినట్లు సమాచారం. ఇక హీరోయిన్ కూడా కీర్తి సురేష్ అవ్వడంతో తనకు కూడా రెమ్యూనరేషన్ ఎక్కువే ఇచ్చి ఉంటారు. అంతేకాదు ఈ సినిమా వర్కింగ్ డేస్ కూడా పెరిగిపోవడంతో దానికి కూడా బడ్జెట్ ఎక్కువైందని తెలుస్తోంది. అయితే మరో ఆశ్చర్యకరమైన విషయం ఏమిటి అంటే ఈ సినిమా అన్ని హక్కులు కలుపుకొని ఈ చిత్రం దాదాపు రూ.80 కోట్ల దాకా ప్రీ బిజినెస్ జరిగినట్లు తెలుస్తోంది.

మరి ఇన్ని లాభాలు ఈ సినిమా థియేటర్లో విడుదలయ్యాక తెచ్చి పెట్టగలుగుతుందా అనేది పెద్ద సందేహమే. సూపర్ హిట్ టాక్ వచ్చి అందరూ చూసి కొంతమంది రిపీటడ్ గా చూస్తే కానీ ఇది అందుకోవడం జరగని పని. మరి సరికొత్త కథతో వస్తున్న ఈ సినిమా ప్రేక్షకులను అంటగా ఆకట్టుకుంటుందా లేదా వేచి చూడాలి.

ByVishnupriya chowdhary
Published: February 7, 2023 12:27 PM IST