కొరటాల శివ – జూనియర్ ఎన్టీఆర్ సినిమా కథ అదేనా? దీని కోసమే డైరెక్టర్ అంత సమయం తీసుకున్నారా

జనతా గ్యారేజీ సినిమా తర్వాత జూనియర్ ఎన్టీఆర్–కొరటాల శివ కాంబినేషన్‌లో తెరకెక్కుతున్న సినిమా NTR30. ఆర్‌‌ఆర్‌‌ఆర్‌‌ విడుదలై సంవత్సరం దాటిన తర్వాత ఈ సినిమా షూటింగ్‌కు హాజరయ్యారు జూనియర్ ఎన్టీఆర్.

By Nikhil Rampalli
Published: April 22, 2023 5:21 PM IST

యంగ్ టైగర్ ఎన్టీఆర్, డైరక్టర్ కొరటాల శివ కాంబినేషన్ లో NTR30 అనే వర్కింగ్ టైటిల్ తో సినిమా తెరకెక్కుతున్న విషయం తెలిసిందే. భారీ యాక్షన్ జోనర్‌‌లో రూపొందుతున్న ఈ సినిమాపై భారీ అంచనాలు ఉన్నాయి. RRR తర్వాత తారక్ చేస్తున్న సినిమా కావడంతో NTR30పై మరింత బజ్ ఏర్పడింది. ఇటీవలే సెట్స్ మీదకు వెళ్లిన ఈ సినిమా స్టోరీకి సంబంధించిన కొన్ని ఆసక్తికమైన విషయాలు ఇప్పుడు బయటకు వచ్చాయి.

ఆర్‌‌ఆర్‌‌ఆర్‌‌ సినిమా సక్సెస్‌తో జూనియర్ ఎన్టీఆర్ కు ప్రపంచవ్యాప్తంగా వచ్చిన ఇమేజ్ ను దృష్టిలో పెట్టుకొని భారీ స్థాయిలో కొరటాల ఈ చిత్రాన్ని రూపొందిస్తున్నారు. స్టార్ క్యాస్టింగ్, టాప్ టెక్నీషియన్స్ ఈ సినిమాకు పని చేస్తున్నారు. బాలీవుడ్ బ్యూటీ, దివంగత అతిలోక సుందరి శ్రీదేవి కూతురు జాన్వీ కపూర్ హీరోయిన్ గా నటిస్తోంది. సైఫ్ అలీఖాన్ మెయిన్ విలన్ గా నటిస్తున్నారు. ప్రకాష్ రాజ్, శ్రీకాంత్, మురళీ శర్మ కీలక పాత్రలు పోషిస్తున్నారు.

కోస్టల్ ఏరియా బ్యాక్ డ్రాప్ లో ఎమోషనల్ రైడ్ గా భారీ స్థాయిలో NTR30 సినిమాను తెరకెక్కుతోందని కొరటాల ఇప్పటికే క్లారిటీ ఇచ్చారు. ఈ కథలో మనుషుల కంటే మృగాళ్లు ఎక్కువగా ఉంటారు. భయం అంటే ఏంటో వాళ్లకు తెలియదు. దేవుడంటే భయం లేదు. చావు అంటే భయం లేదు. కానీ.. వాళ్లకు ఒకే ఒక్కటంటే భయం. ఆ భయమేంటో మీకు తెలిసే ఉంటుంది అంటూ సినిమాపై అంచనాలను రెట్టింపు చేశాడు. అయితే ఇప్పుడున్న అంచనాలను ప్రస్తుతం బయటకు వచ్చిన సినిమా కథతో సినిమాపై ఆసక్తిని మరింత పెంచేస్తున్నాయి.

ఈ మూవీలో తారక్ డ్యూయల్ రోల్ చేస్తున్నారు. తండ్రి, కొడుకుగా ద్విపాత్రాభినయంలో అదరగొట్టబోతున్నారని సమాచారం. సముద్ర తీర ప్రాంతంలో ఆయుధాల అక్రమ రవాణా నేపథ్యంలో సాగే ఈ కథలో, వెపన్స్ స్మగ్లింగ్ ను అరికట్టడమే లక్ష్యంగా ఎన్టీఆర్ పోరాటం చేస్తారని, అమాయక ప్రజలకు అండగా నిలుస్తూ విలన్స్ తో పోరాడుతారట. అయితే కొన్ని పరిస్థితుల వల్ల తండ్రి క్యారెక్టర్‌‌ అజ్ఞాతంలోకి వెళిపోతుందని, విలన్ గ్యాంగ్ తో కలిసి కొడుకు పాత్ర పని చేయాల్సి వస్తుందని సమాచారం. అలా ఎందుకు చేయాల్సి వచ్చింది? తండ్రి క్యారెక్టర్ బ్రతికే ఉందా లేదా? అనే సస్పెన్స్ తో కథ సాగుతుందని, అదే ఇంటర్వెల్ ట్విస్ట్ అని తెలుస్తోంది. అక్కడి నుంచి సినిమా చివరి వరకు హై ఇంటెన్స్ గా సాగుతుందని అంటున్నారు.

భైరవ అనే విలన్ గా సైఫ్ అలీఖాన్ నటిస్తుండగా.. శ్రీకాంత్ అతని పక్కన ఉండే క్యారెక్టర్‌‌లో కనిపిస్తాడని సమాచారం. కోస్టల్ ఏరియాపై ఆధిపత్యం కోసం తారక్, సైఫ్ మధ్య మట్టి కుస్తీ పోటీ కూడా ఉంటుందని సినిమాలో ఆ సన్నివేశాలు హైలైట్ గా నిలుస్తాయని తెలుస్తోంది. ‘ఆంధ్రావాలా’ సినిమాకు దగ్గరగా స్టోరీ లైన్ ఉన్నప్పటికీ, ప్రెజెంటేషన్ లో ఏ మాత్రం పోలికలు ఉండబోవని, ప్రతీ సీన్ ని చాలా డీటెయిలింగ్ గా, ఎమోషనల్ గా కనెక్ట్ అయ్యేలా కొరటాల తెరకెక్కిస్తున్నారని ఇండస్ట్రీ టాక్.

రామోజీ ఫిలిం సిటీలో వేసిన సెట్ లో NTR30 కీలక సన్నివేశాలను చిత్రీకరిస్తున్నారు. ఎన్టీఆర్ తో పాటుగా సైఫ్ అలీఖాన్, జాన్వీ కపూర్ షూటింగ్ లో పాల్గొంటున్నారు. వారం రోజుల షూట్ తో ఈ షెడ్యూల్ పూర్తవుతుందని, మే మొదటి వారం నుంచి కొత్త షెడ్యూల్ ను ప్లాన్ చేస్తున్నారని తెలుస్తోంది.

ByNikhil Rampalli
Published: April 22, 2023 5:21 PM IST