Saif Ali Khan in NTR30: జూనియర్ ఎన్టీఆర్ తో తలపడనున్న సైఫ్ అలీ ఖాన్

కొరటాల శివ దర్శకత్వంలో వస్తున్న ఈ సినిమాలో సైఫ్ విలన్ పాత్రలో కనిపించనున్నారు. ఈ సినిమాతో తెలుగు సినిమా ఇండస్ట్రీలోకి అడుగుపెట్టనున్నాడు ఈ బాలీవుడ్ సీనియర్ నటుడు.

By Sarvepalli Bhavana
Published: April 18, 2023 11:42 AM IST

దాదాపు రెండు వారాల క్రితం మొదలు పెట్టుకున్న జూనియర్ ఎన్టీఆర్ మరియు కొరటాల శివ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా చాలా లేట్ అయ్యేసరికి వీలైనంత త్వరగా షూటింగ్ ను ముగించే పనిలో ఉన్నాడు డైరెక్టర్ కొరటాల శివ.

అయితే ముందు నుంచి చాలా బలంగా వినపడుతున్న వార్తల ప్రకారం ఈ సినిమాలో ఒక బాలీవుడ్ హీరో విలన్ పాత్రను పోషించనున్నాడు. ఇంతకీ ఆ నటుడు ఎవరో అనుకుంటున్నారా? ఎన్నో సినిమాల్లో నటించి ఒక అద్భుతమైన నటుడుగా పేరు పొందిన సైఫ్ అలీ ఖాన్ మొత్తానికి ఈ సినిమాతో తెలుగు సినిమా ఇండస్ట్రీలోకి అడుగుపెడుతున్నారు.

జూనియర్ ఎన్టీఆర్ పక్కన విలన్ పాత్రను పోషిస్తూ తెలుగువాడు కూడా తన నటనను పరిచయం చేయబోతున్నారు సైఫ్. ఇప్పటివరకు ఈ సినిమాపై వచ్చిన వార్తలు అన్నిటికీ సబబుగా, పుకార్లు అన్నిటిని కూడా నిజం చేస్తూ, దర్శకనిర్మాతలు ఈరోజు సైఫ్ అలీ ఖాన్ సినిమాలో భాగం అయిన విషయాన్ని ఈరోజు అధికారికంగా ప్రకటించడం జరిగింది. ఈరోజు హైదరాబాదులోని షూటింగ్ లొకేషన్లో టీం తో కలిసి ముచ్చటించిన సైఫ్ యొక్క ఫోటోలను నిర్మాణ సంస్థ విడుదల చేసింది.

ఈ ఫోటోలో సైఫ్ తారక్ మరియు కొరటాల శివతో కలిసి తీరిగ్గా కూర్చొని ఓ కప్పు కాఫీని తాగటం మనం చూడొచ్చు.

RRR సినిమా తరువాత అంతర్జాతీయ స్థాయిలో బాగా పాపులర్ అయిపోయాడు జూనియర్ ఎన్టీఆర్. అలాంటిది తన పక్కన విలన్ పాత్రను ఎవరు పోషిస్తారా అన్న విషయంపై చర్చలు బాగానే జరిగాయి. తమిళ నటుడు విక్రమ్ కూడా ఈ సినిమాలో ఇదే పాత్రకు ఒక ఆప్షన్ గా మారిన విషయం చాలామందికి తెలిసిందే. ఆయనతోపాటు సైఫ్ అలీ ఖాన్ ను కూడా దర్శక నిర్మాతలు ఈ పాత్ర కోసం అప్రోచ్ అవడం జరిగింది. కానీ మొత్తం మీద సైజ్ ఈ సినిమాలో భాగమయ్యారు.

సైఫ్ తో పాటు ఈ సినిమాలో ఉన్న మరొక బాలీవుడ్ నటులు ఎవరు అంటే అది మన జాన్వి కపూర్. శ్రీదేవి కూతురుగా పాపులర్ అయిన ఏం వద్దుగమ్మా తారక సరసన హీరోయిన్ గా నటిస్తోంది. వచ్చే ఏడాది ఏప్రిల్ 5న ఈ సినిమా తెలుగులో మాత్రమే కాకుండా మరిన్ని భాషల్లో కూడా విడుదల కానుంది.

BySarvepalli Bhavana
Published: April 18, 2023 11:42 AM IST