ఆస్కార్‌‌ అవార్డు అందుకున్న చంద్రబోస్‌ను సన్మానించిన తెలుగు అసోసియేషన్

ఆర్‌‌ఆర్‌‌ఆర్‌‌ సినిమాలోని నాటు నాటు పాటకు ఆస్కార్ అవార్డు దక్కింది. తెలుగు పాటకు దక్కిన గౌరవం ఇది అని పలువురు హర్షం వ్యక్తం చేస్తున్నారు. నాటు నాటు పాటకు లిరిక్స్ రాసిన చంద్రబోస్‌ను పొగడ్తలతో ముంచెత్తుతున్నారు.

By Nikhil Rampalli
Published: March 15, 2023 6:00 PM IST

ఆర్‌‌ఆర్‌‌ఆర్‌‌ సినిమాలోని నాటు నాటు పాటకు ఆస్కార్ అవార్డు వచ్చిన సంగతి తెలిసిందే. ఆ పాటకు చంద్రబోస్‌ లిరిక్స్ రాశారు. కీరవాణి సంగీతం అందించారు. ప్రేమ్‌ రక్షిత్‌ కొరియోగ్రఫీ చేశారు. దర్శకధీరుడు రాజమౌళి దర్శకత్వం వహించిన ఆర్‌‌ఆర్‌‌ఆర్‌‌ సినిమాలో యంగ్‌ టైగర్ జూనియర్ ఎన్టీఆర్, మెగా పవర్‌‌స్టార్ రాంచరణ్ హీరోలుగా నటించారు.

2021 డిసెంబర్‌‌లో విడుదలైన ఆర్‌‌ఆర్‌‌ఆర్‌‌ సినిమా రికార్డులను తిరగరాసింది. విడుదలైన అన్ని కేంద్రాలలో వసూళ్ల వర్షం కురిపించింది. భారతదేశంతోపాటు వివిధ దేశాల్లో కూడా ఆర్‌‌ఆర్‌‌ఆర్‌‌ సినిమా సత్తా చాటింది. ఈ క్రమంలోనే సినిమా ఆస్కార్‌‌ బరిలో నిలిపారు రాజమౌళి. ఆర్‌‌ఆర్‌‌ఆర్‌‌ సినిమాలోని నాటు నాటు పాట బెస్ట్‌ ఒరిజినల్ సాంగ్‌ కేటగిరీలో ఆస్కార్‌‌ అవార్డు సాధించింది. Also Read - ఆయన కోసమే ఆస్కార్ అవార్డు రావాలని కోరుకున్నానంటూ సంచలన కామెంట్లు చేసిన కీరవాణి

నాటు నాటు పాట రాసిన గేయ రచయిత్ చంద్రబోస్, సంగీత దర్శకుబు ఎంఎం కీరవాణిను పలువురు అభినందించారు. ఈ క్రమంలోనే అమెరికన్ ప్రోగ్రెసివ్ తెలుగు అసోసియేషన్ (APTA) అభినందనలు తెలిపింది. ఈ సందర్భంగా చంద్రబోస్‌ను APTA అధ్యక్షుడు కొట్టే ఉదయ్‌ భాస్కర్ సత్కరించారు. ఆస్కార్ అవార్డు కార్యక్రమానికి అమెరికా వెళ్లిన చంద్రబోస్‌.. అట్లాంటా వెళ్లారు. ఆస్కార్ అందుకున్న చంద్రబోస్‌కు APTA సభ్యులు స్వాగతించారు. అక్కడికి వెళ్లిన చంద్రబోస్‌ను సత్యరించారు.

భారత ప్రజల ఆకాంక్షలను మాత్రమే కాకుండా తెలుగు ప్రజల కలను నెరవేర్చారని చంద్రబోస్‌ను ఉదయ భాస్కర్‌‌ కొనియాడారు. చంద్రబోస్‌ మరెన్నో అద్భుతమైన పాటలు రాసి, భవిష్యత్తులో తెలుగు నేటివిటీ అభివృద్ధికి దోహదపడాలని కోరారు. సెప్టెంబర్‌‌ 1వ తేదీ నుంచి 13వ తేదీ వరకు అట్లాంటాలో జరిగే 15 వసంతాల APTA కన్వెన్షన్‌కు హాజరుకావాలని చంద్రబోస్‌ను ఆహ్వానించారు. Also Read - ఆస్కార్ ఎంట్రీ కోసం చేసిన ఖర్చుపై రాజమౌళి కొడుకు క్లారిటీ.. ఎంత పెట్టారంటే?

మరోపక్క చంద్రబోస్ రాసిన పాట ఆస్కార్ అవార్డు గెలుచుకోవడంపై ఆయన భార్య సుచిత్ర సంతోషం వ్యక్తం చేశారు. అవార్డు వచ్చింది చంద్రబోస్‌కేనా అని షాక్‌లో ఉన్నానన్నారు. ఆయనను ఇన్ని రోజులూ ఒకలా చూశాం.. ఇప్పుడు ఎలా చూడాలి.. ఎలాంటి మర్యాదలు ఇవ్వాలో అర్ధం కావడం లేదు. పెళ్లి చేసుకున్న రోజులు గుర్తొస్తున్నాయని చెప్పారు సుచిత్ర చంద్రబోస్. పెళ్లి జరిగినప్పటి నుంచి ఆస్కార్ వరకు ఆయనతో జీవిత ప్రయాణం ఎంతో అనుభూతినిచ్చిందని అన్నారు.

సువాసనలు వెదజల్లే పూల వంటివి అవార్డులు అని, వాటిని అంతవరకే ఆస్వాదించాలని సుచిత్ర అన్నారు. ఆ తరువాత మన పనిని మనం చేసుకుంటూ పోవాలని చెప్పారు. ‘చంద్రబోస్ వ్యక్తిత్వం అటువంటిదే. అవార్డులన్నింటినీ ఆయన ఒకేలా చూస్తారు. ప్రపంచం అంతా సంతోషపడుతుంటే చంద్రబోస్ కూడా అది చాలా గొప్పదని భావిస్తున్నారు అనుకుంటాను. మొదటి సినిమా తాజ్‌మహల్‌ విజయం సాధించినప్పుడు చాలా ఆనందించారు. ఆ తర్వాత అన్నింటినీ ఆయన మామూలుగానే తీసుకున్నారు. జీవితంలో ఆస్కార్ అనేది మరో మెట్టు మాత్రమే” అని చెప్పుకొచ్చారు సుచిత్ర Also Read - రాంచరణ్‌కు ఆ ఫుడ్ అంటే చాలా ఇష్టం.. సీక్రెట్ చెప్పేసిన యంగ్ హీరో శర్వానంద్

ByNikhil Rampalli
Published: March 15, 2023 6:00 PM IST