ప్రభాస్ అభిమానులకు షాక్.. అవేవీ లేకుండానే ‘సలార్’ సినిమా విడుదల చేయనున్న డైరెక్టర్

బాహుబలి తర్వాత పాన్ ఇండియా స్టార్ ప్రభాస్ చేస్తున్నవన్నీ పాన్ ఇండియా సినిమాలే. ప్రభాస్ నటిస్తున్న భారీ బడ్జెట్‌ సినిమా సలార్‌‌. ఈ సినిమాను తెలుగుతోపాటు పలు భాషల్లో తెరకెక్కిస్తున్నారు

By Nikhil Rampalli
Published: March 24, 2023 11:51 PM IST

పాన్ ఇండియా స్టార్ ప్రభాస్ హీరోగా పలు భారీ బడ్జెట్ సినిమాలు తెరకెక్కుతున్నాయి. వాటిలో సలార్‌‌ కూడా ఒకటి. కేజీఎఫ్‌ వంటి సినిమాతో సినిమా ఇండస్ట్రీని షేక్ చేసిన డైరెక్టర్‌‌ ప్రశాంత్ నీల్‌ దర్శకత్వంలో సలార్‌‌ చేస్తున్నారు ప్రభాస్. కేజీఎఫ్ తర్వాత చేస్తున్న సినిమా కావడంతో ఈ సినిమాపై భారీ అంచనాలే ఉన్నాయి. ఇక, ఇప్పటికే సలార్ నుంచి విడుదలైన ప్రభాస్ లుక్‌ సినిమాపై బజ్‌ను మరింత పెంచేసింది.

సలార్ సినిమా గురించి ఎప్పుడు ఏ అప్‌డేట్‌ వస్తుందా అని ప్రభాస్ అభిమానులు ఆతృతగా ఎదురుచూస్తున్నారు. అంతేకాదు, భారీ బడ్జెట్‌తో తెరకెక్కుతున్న పాన్‌ ఇండియా సినిమా కావడంతో ఈ సినిమాపై సౌత్‌లోనే కాకుండా నార్త్‌ ప్రేక్షకుల్లో కూడా భారీ ఆశలు పెట్టుకున్నారు. సలార్ సినిమాలో శృతిహాసన్ హీరోయిన్‌గా నటిస్తున్నారు. కాగా, మలయాళ స్టార్ పృధ్వీరాజ్ సుకుమారన్‌ కీలకపాత్రలో నటిస్తున్నారు.

సలార్ సినిమా తెలుగుతోపాటు పలు భారతీయ భాషల్లో విడుదల కానుంది. ప్రస్తుతం సలార్ సినిమాకు సంబంధించిన బిగ్ అప్‌డేట్‌ వచ్చింది. పాన్‌ ఇండియా లెవెల్‌లో తెరకెక్కిస్తున్న ఈ సినిమాను ఇంగ్లీష్‌లో కూడా విడుదల చేయనున్నారు మేకర్స్. అయితే కొంత సినిమాను ఎడిట్ చేసి ఇంగ్లీష్‌లో విడుదల చేయనున్నట్టు తెలుస్తోంది. కామెడీ సీన్లు, పాటలు లేకుండా సలార్ ఇంగ్లీష్ వెర్షన్‌ విడుదలవుతుందని సమాచారం.

Trending Now

సలార్ తెలుగు వెర్షన్‌ రన్‌ టైం 2 గంటల 15 నిమిషాలు కాగా, ఇంగ్లీష్ వెర్షన్‌ రన్‌టైం 2 గంటల కంటే తక్కువే ఉండనున్నట్టు తెలుస్తోంది. ఈ ఏడాది సెప్టెంబర్‌‌ 28న ప్రేక్షకుల ముందుకు రానుంది. రెండు భాగాలుగా ఈ సినిమా విడుదల కానున్న సంగతి తెలిసిందే. సలార్ రెండో భాగం ప్రాజెక్ట్‌ K సినిమా తర్వాత విడుదల కానుందని ఇండస్ట్రీ టాక్.

కేజీఎఫ్‌ ప్రాంఛైజీతో ఇండియన్ సినిమా ఇండస్ట్రీ బాక్సాఫీస్‌ను షేక్ చేసిన విజయ్‌ కిరగందూర్‌ హోంబలే ఫిలిమ్స్ బ్యానర్‌‌ పై తెరకెక్కుతుండటంతో సలార్‌ సినిమాపై అంచనాలు భారీగా ఉన్నాయి. ప్రభాస్‌ ప్రస్తుతం బ్యాక్ టు బ్యాక్‌ సినిమా షూటింగ్‌లతో బిజీగా ఉన్నాడు. నాగ్‌ అశ్విన్‌ డైరెక్షన్‌లో నటిస్తున్న ప్రాజెక్ట్‌ K, మారుతి దర్శకత్వం చేస్తున్న హర్రర్‌ కామెడీ సినిమాలు షూటింగ్ దశలో ఉన్నాయి. తానాజీ ఫేం ఓం రౌత్‌ దర్శకత్వంలో మైథలాజికల్‌ ప్రాజెక్ట్‌ ఆదిపురుష్‌లో కూడా ప్రభాస్‌ నటిస్తున్నారు.

బాహుబలి సినిమాతో పాన్‌ ఇండియా స్టార్ క్రేజ్‌ను సొంతం చేసుకున్నారు ప్రభాస్. ఆ సినిమా తర్వాత దాదాపుగా పాన్‌ ఇండియా సినిమాలే చేస్తున్నారు. అయితే బాహుబలి తర్వాత ప్రభాస్ నటించిన సినిమాలు అనుకున్న స్థాయిలో విజయం సాధించలేదు. కాగా, ప్రస్తుతం ప్రభాస్ నటిస్తున్న ఆదిపురుష్, సలార్, ప్రాజెక్ట్‌ K సినిమాలపై భారీ అంచనాలు ఉన్నాయి.

ByNikhil Rampalli
Published: March 24, 2023 11:51 PM IST