ఆర్‌‌ఆర్‌‌ఆర్‌‌ సినిమా గురించి నోరు జారిన ప్రియాంక చోప్రా.. ఆ మాత్రం కూడా తెలీదా అంటూ ట్రోల్‌ చేస్తున్న నెటిజన్లు

ఆర్‌‌ఆర్‌‌ఆర్‌‌ సినిమాపైనే ప్రపంచవ్యాప్తంగా చర్చ నడుస్తోంది. బాలీవుడ్ హీరోయిన్ ప్రియాంక చోప్రాను కూడా ఇటీవల ఒక ఇంటర్వ్యూలో ఆర్‌‌ఆర్‌‌ఆర్‌‌కు సంబంధించిన ప్రశ్న అడిగారు.

By Nikhil Rampalli
| Updated: March 29, 2023 4:54 PM IST

ఆర్‌‌ఆర్‌‌ఆర్‌‌.. తెలుగు సినిమా కీర్తిని విశ్వవ్యాప్తం చేసింది. ఈ సినిమాలోని నాటు నాటు పాటకు ఒరిజినల్ బెస్ట్‌ సాంగ్ కేటగిరీలో ఆస్కార్‌‌ అవార్డు దక్కించుకుంది. అంతేకాదు, ఆర్‌‌ఆర్‌‌ఆర్‌‌ సినిమా తెలుగులో తెరకెక్కిన భారతదేశంలోని వివిధ భాషల్లో విడుదలై రికార్డులు క్రియేట్ చేసింది. విదేశాల్లో కూడా రీలీజై మంచి వసూళ్లను రాబట్టింది.

ఇక, ఆర్‌‌ఆర్‌‌ఆర్‌‌ సినిమాలో మెగా పవర్‌‌స్టార్ రాంచరణ్, యంగ్‌ టైగర్ ఎన్టీఆర్ హీరోలుగా నటించారు. దర్శకధీరుడు రాజమౌళి తెరకెక్కించిన ఈ సినిమాకు కీరవాణి సంగీతం అందించారు. ఇక, ఆస్కార్‌‌ అవార్డు దక్కడం, విడుదలైన అన్ని భాషల్లోనూ హిట్‌ కావడంతో అన్ని ఇండస్ట్రీల చూపు ఆర్‌‌ఆర్‌‌ఆర్‌‌పై పడింది. Also Read - డైరెక్టర్ తనను అనుచితమైన విధంగా డాన్స్ చేయమన్నాడని ఆవేదన బయటపెట్టిన ప్రియాంక చోప్రా

ఇక, ఎక్కడ చూసినా ఈ సినిమా గురించే చర్చ జరుగుతోంది. బాలీవుడ్‌ హీరోయిన్‌ పాల్గొన్న ఒక ఇంటర్వ్యూలో కూడా ఆర్‌‌ఆర్‌‌ఆర్‌‌ సినిమా గురించి చర్చ నడిచింది.

Trending Now

అయితే, ఆ చర్చలో ఆర్‌‌ఆర్‌‌ఆర్‌‌ సినిమా బాలీవుడ్‌ సినిమా అని ఇంటర్వ్యూ చేసే వ్యక్తి వ్యాఖ్యానించారు. దానికి సమాధానంగా ఆ బాలీవుడ్‌ నటి ఆర్‌‌ఆర్‌‌ఆర్‌‌ బాలీవుడ్ సినిమా కాదని చెప్పారు. అయితే అంతవరకు బాగానే ఉంది కానీ, ఆర్‌‌ఆర్‌‌ఆర్‌‌ తమిళ సినిమా అని చెప్పారు ఆ బాలీవుడ్ భామ. దీంతో అది తెలుగు సినిమా అని కూడా తెలీదా అంటూ బాలీవుడ్‌ హీరోయిన్‌ను ట్రోల్ చేస్తున్నారు. Also Read - సిటాడెల్‌లో న్యూడ్ సీన్లలో చాలా ఇబ్బంది పడ్డానని ప్రియాంక కామెంట్లు.. మరి సమంత పరిస్థితి

ఇంతకీ ఆ బాలీవుడ్‌ హీరోయిన్‌ ఎవరంటే ప్రియాంక చోప్రా. రాంచరణ్‌తో హీరోగా తెరకెక్కిన తుఫాన్ సినిమాలో హీరోయిన్‌గా చేశారు ప్రియాంక. అంతేకాదు, ఆస్కార్ అవార్డుల కార్యక్రమంలో చరణ్, ఉపాసనలను కలిశారు కూడా. రాంచరణ్‌ను కలిసిన తర్వాత కూడా ఆర్‌‌ఆర్‌‌ఆర్‌‌ తెలుగు సినిమా అని తెలియలేదా ప్రియాంకా అంటూ సోషల్ మీడియాలో ఆమెను ట్రోల్ చేస్తున్నారు. ఆర్‌‌ఆర్‌‌ఆర్‌‌ను తమిళ సినిమా అంటూ టాలీవుడ్ ఆడియన్స్‌ మనోభావాలను ప్రియాంక చోప్రా దెబ్బతీశారు.

విదేశాల్లో ఇండియన్ సినిమా అంటే బాలీవుడ్. వాళ్ల ప్రకారం అక్కడ తెరకెక్కేవి హిందీ సినిమాలు మాత్రమే. వాళ్లకు మన పరిశ్రమ గురించి పూర్తిగా తెలీదు. బాలీవుడ్ కి ధీటుగా సౌత్ ఇండియాలో, స్థానిక భాషల్లో చిత్రాలు తెరకెక్కుతాయని తెలియదు. ఆర్‌‌ఆర్‌‌ఆర్‌‌ సినిమాతో రాజమౌళి ఈ తేడాను చెప్పే ప్రయత్నం చేశారు. హిందీ పరిశ్రమను కించపరచకుండానే ఆర్‌‌ఆర్‌‌ఆర్‌‌ ఒక తెలుగు సినిమా అని అంతర్జాతీయ వేదికపై స్పష్టంగా చెప్పారాయన. ఇండియన్ సినిమా భిన్న భాషలు, సంస్కృతుల సమాహారమని చెప్పే ప్రయత్నం చేశారు. Also Read - అలాంటి వాళ్లు కూడా నాకు ఎదురయ్యారు.. బాలీవుడ్‌పై మరోసారి సంచలన కామెంట్లు చేసిన ప్రియాంక చోప్రా

ఆర్‌‌ఆర్‌‌ఆర్‌‌ సినిమా ఆస్కార్ గెలిచినప్పటికీ విదేశీయులు అదో తెలుగు చిత్రమని గుర్తించడం అంత ఈజీ కాదు. ఏ భాషా చిత్రం అనే విషయాన్ని పక్కన పెడితే, విదేశీయులకు ఆర్‌‌ఆర్‌‌ఆర్‌‌ అంటే బాలీవుడ్ మూవీ. తెలుగు సినిమా పూర్తి స్థాయిలో ప్రపంచ గుర్తింపు తెచ్చుకోలేదు. అయితే ఇండియన్ ఫిల్మ్ ఇండస్ట్రీకి చెందిన హీరోయిన్ ప్రియాంక చోప్రా కూడా తప్పు చెప్పడం విచారించాల్సిన విషయం.

అమెరికాలో ప్రియాంక చోప్రా 'ఆర్మ్ ఛైర్ ఎక్స్పర్ట్ విత్ డాక్స్ షెపర్డ్' అనే పాడ్ క్యాస్ట్ ఇంటర్వ్యూలో పాల్గొన్నారు. హోస్ట్ డాక్స్ షెపర్డ్ తెచ్చిన ప్రస్తావనలో ఇదంతా జరిగింది. ఆర్‌‌ఆర్‌‌ఆర్‌‌ సినిమా బాలీవుడ్ సినిమా అని చెప్పడం తప్పైతే కాదు, కానీ అది తమిళ చిత్రమని చెప్పి ఆమె మరింతగా బాధపెట్టారని తెలుగు ఆడియన్స్ ఫీలవుతున్నారు. తమిళ ఆడియన్స్‌ కూడా ఈ విషయంలో ప్రియాంక చోప్రా మీద మీమ్స్ పోస్ట్ చేస్తున్నారు. బాలీవుడ్ లో ఇరవై ఏళ్లపాటు సినిమాలు చేసిన ప్రియాంక చోప్రాకు తెలుగు, -తమిళ చిత్రాల మధ్య తేడా తెలియకపోవడం దారుణం అంటున్నారు.

ByNikhil Rampalli
| Updated: March 29, 2023 4:54 PM IST