బ్లాక్‌ బస్టర్‌‌ హిట్‌ కోసం ఎదురుచూస్తున్న టాలీవుడ్ డైరెక్టర్లు.. ఆ లిస్టులో ఉన్నదెవరో తెలుసా?

స్టార్ హీరోలతో బ్లాక్ బస్టర్ హిట్లు తెరకెక్కించి ఇండస్ట్రీ హిట్లు అందుకున్న దర్శకులు ప్రస్తుతం ఒక్క హిట్ కోసం ఎదురుచూస్తున్నారు. ప్రస్తుతం చేస్తున్న సినిమా హిట్ అందుకుంటేనే కెరీర్‌‌కు మనుగడ ఉంటుందనే ఆలోచనతో ఉన్నారు

By Nikhil Rampalli
Published: March 17, 2023 8:31 PM IST

హిట్‌, ఫ్లాప్ అనే వాటిపైనే సినిమా ఇండస్ట్రీలో వాళ్ల జీవితాలు ఆధారపడి ఉంటాయి. హీరో, హీరోయిన్, కమెడియన్, విలన్‌తో సహా ఎంత పెద్ద యాక్టర్‌‌ అయినా హిట్‌ సినిమాల్లో నటించకుంటే వారికి అవకాశాలు దక్కవు. ఈ విషయంలో దర్శకులకు కూడా మినహాయింపు ఉండదు.

ఎన్ని హిట్ సినిమాలు, ఎంత పెద్ద బ్లాక్ బస్టర్‌‌లు తెరకెక్కించిన దర్శకులైనా ఒక్క ఫ్లాప్ సినిమాతో ఫేడ్ అవుట్ అయిపోతుంటారు. మళ్లీ బ్లాక్ బస్టర్ సినిమా తీస్తేనే ఇండస్ట్రీలో వాళ్లకు మనుగడ ఉంటుంది. ఈ క్రమంలో టాలీవుడ్‌లోని పలువురు బడా డైరెక్టర్లు హిట్‌ కోసం ఎదురుచూస్తున్నారు. Also Read - డబుల్ ఎనర్జీ తో షురూ అయిన డబుల్ స్మార్ట్

పూరీ జగన్నాధ్‌ :

డాషింగ్ డైరెక్టర్‌‌ పూరీ జగన్నాధ్‌కు ప్రస్తుతం ఒక బ్లాక్ బస్టర్‌‌ కోసం ఎదురుచూస్తున్నారు. ఇటీవల ఆయన దర్శకత్వం వహించిన లైగర్.. బాక్సాఫీస్‌ వద్ద డిజాస్టర్‌‌గా మిగిలింది. విజయ్ దేవరకొండ, అనన్య పాండే హీరోహీరోయిన్లుగా భారీ బడ్జెట్‌తో తెరకెక్కిన పాన్ ఇండియా సినిమా లైగర్. ఈ సినిమాకు పూరీ జగన్నాధ్‌ సహ నిర్మాతగా కూడా వ్యవహరించారు. ఈ సినిమా డిజాస్టర్‌‌గా మిగలడంతో పూరీ కెరీర్‌‌ అయోమయంలో పడింది. ఆయన డ్రీమ్ ప్రాజెక్ట్‌ జనగణమన సినిమా షూటింగ్ కూడా ఆగిపోయింది. Also Read - షూటింగ్ పూర్తి చేసుకున్న భోళా శంకర్; షూటింగ్ కు సర్వం సిద్ధం

కొరటాల శివ :

సినిమా అంటే వినోదంతోపాటు సందేశాన్ని కూడా ఇవ్వవచ్చు అని నిరూపించిన దర్శకులలో కొరటాల శివ ఒకరు. స్టార్ హీరోలతో సినిమాలు తీసి హిట్లు అందుకున్న కొరటాల.. ఇటీవల తెరకెక్కించిన ఒక సినిమా ఫ్లాప్‌ అయ్యింది. అదే మెగాస్టార్ చిరంజీవి, మెగా పవర్‌‌స్టార్ రాంచరణ్‌ నటించిన ఆచార్య. ఆ సినిమా ఫ్లాప్‌తో కొరటాల కెరీర్‌‌ డైలమాలో పడింది. ప్రస్తుతం కొరటాల జూనియర్ ఎన్టీఆర్‌‌తో సినిమా చేస్తున్నారు. ఈ సినిమా బ్లాక్‌బస్టర్‌‌ సాధించడం తప్పనిసరి. Also Read - స్కంద అనే పాత్రలో కనిపించనున్న రామ్ పోతినేని; సినిమా పేరు కూడా అదే

కృష్ణవంశీ :

గులాబి, నిన్నే పెళ్లాడుతా వంటి సినిమాలతో ఫ్యామిలీ ఆడియన్స్కు దగ్గరయ్యారు కృష్ణవంశీ. వరుసగా సినిమాలు ఫ్లాప్ కావడంతో కృష్ణవంశీ కెరీర్‌‌ అమాంతం పడిపోయింది. దాదాపు పది సంవత్సరాల నుంచి ఆయనకు హిట్ సినిమా లేదు. అంతేకాదు సుమారు ఆరేండ్ల క్రితం తెరకెక్కించిన నక్షత్రం సినిమా అట్టర్ ఫ్లాప్ అయ్యింది. చాలా గ్యాప్ తర్వాత కృష్ణవంశీ తెరకెక్కించిన సినిమా రంగమార్తాండ. ఈ సినిమా సక్సెస్‌పైనే ఆయన కెరీర్‌‌ ఆధారపడి ఉంది.

వీవీ వినాయక్ :

ఆది, ఠాగూర్ వంటి బ్లాక్‌బస్టర్ సినిమాలతో స్టార్ డైరెక్టర్‌‌ అయ్యారు వీవీ వినాయక్. మెగాస్టార్ చిరంజీవి హీరోగా నటించిన కమ్‌ బ్యాక్ సినిమా ఖైదీ నంబర్‌‌150 తర్వాత ఆయనకు సరైన హిట్ దక్కలేదు. ఆ తర్వాత తీసిన ఇంటెలిజెంట్ సినిమా ఫ్లాప్ అయ్యింది. దీంతో ఇండస్ట్రీకి వినాయక్ దూరమయ్యారని అనుకున్నారు అందరూ. అయితే ప్రస్తుతం ఛత్రపతి రీమేక్‌ను తెరకెక్కిస్తున్నారు. ఈ సినిమా హిట్‌ వీవీ వినాయక్‌కు తప్పనిసరి.

మెహెర్ రమేష్ :

యంగ్‌ టైగర్ ఎన్టీఆర్ శక్తి, విక్టరీ వెంకటేష్‌ షాడో సినిమాల ఫలితాలతో దర్శకుడు మెహెర్ రమేష్ ఫ్లాపుల్లో ఉన్నారు. ఫ్లాపుల్లో ఉన్నప్పటికీ మెహెర్ రమేష్‌పై నమ్మకంతో మెగాస్టార్ చిరంజీవితో సినిమా చేసే అవకాశం వచ్చింది. భోళా శంకర్ సినిమాను తెరకెక్కిస్తున్నారు. ఈ సినిమా హిట్‌ మెహెర్‌‌ రమేష్‌కు అత్యవసరం.

అజయ్ భూపతి :

ఆర్‌‌ఎక్స్‌100 సినిమాతో ఒక్కసారిగా యూత్‌ను తన వైపు తిప్పుకున్నారు దర్శకుడు అజయ్ భూపతి. మొదటి సినిమాతోనే మంచి విజయం అందుకున్న అజయ్.. కెరీర్‌‌ గ్రాఫ్ అమాంతం పెరిగింది.ఈ క్రమంలోనే ఆయన తెరకెక్కించిన రెండో సినిమా మహాసముద్రం డిజాస్టర్‌‌గా మిగిలింది. ఈ డైరెక్టర్‌‌కు కూడా మంచి విజయం ఇప్పుడు తప్పనిసరి.

సురేందర్‌‌ రెడ్డి :

మెగాస్టార్ చిరంజీవి నటించిన క్రేజీ సినిమా సైరా నరసింహారెడ్డికి దర్శకత్వం వహించారు సురేందర్‌‌రెడ్డి. ఎన్నో అంచనాల మధ్య విడుదలైన ఈ సినిమా మెగా అభిమానులను నిరాశపరిచింది. ఈ సినిమా తర్వాత చాలాకాలం ఖాళీగా ఉన్న సురేందర్‌‌ రెడ్డి.. ప్రస్తుతం అక్కినేని అఖిల్ హీరోగా ఏజెంట్ సినిమాను తెరకెక్కిస్తున్నారు. అఖిల్‌, సురేందర్‌‌ రెడ్డికి కూడా ఏజెంట్‌ సినిమాపై భారీ ఆశలే పెట్టుకున్నారు.

సుజిత్ :

శర్వానంద్ హీరోగా నటించిన హిట్ సినిమా ‘రన్‌ రాజా రన్‌’తో ప్రేక్షకులను అలరించారు దర్శకుడు సుజిత్. ఈ సినిమా సక్సెస్‌ సుజిత్‌కు భారీ ఆఫర్ వచ్చింది. పాన్‌ ఇండియా స్టార్ ప్రభాస్‌తో సాహో సినిమా తెరకెక్కించారు. అయితే ఈ సినిమా అనుకున్న స్థాయిలో విజయం సాధించలేదు. దాంతో సుజిత్‌ కెరీర్‌‌ డైలమాలో పడింది. ప్రస్తుతం భారీ బ్లాక్‌బస్టర్‌‌ ఈ యంగ్‌ డైరెక్టర్‌‌కు కావాలి.

శ్రీను వైట్ల :

ఫ్యామిలీ సెంటిమెంట్‌తో సినిమాలు తీసి హిట్‌ అందుకునే దర్శకుడు శ్రీను వైట్ల. అయితే, ఇటీవల ఆయన తీసిన సినిమాలు బాక్సాఫీస్ వద్ద అనుకున్నంత సందడి చేయలేదు. వరుణ్‌ తేజ్ హీరోగా శ్రీను వైట్ల తెరకెక్కించిన మిస్టర్, మాస్ మహారాజా రవితేజ హీరోగా చేసిన అమర్ అక్బర్ ఆంటోనీ సినిమాలు ఫ్లాప్ అయ్యాయి. శ్రీను వైట్ల కెరీర్‌‌ మళ్లీ పుంజుకోవాలంటే బ్లాక్ బస్టర్ హిట్ పడాల్సిందే.

ByNikhil Rampalli
Published: March 17, 2023 8:31 PM IST