పుష్ప2 సినిమాలో ఐటమ్ సాంగ్ కోసం ఊర్వశి రౌతెలా ఎంత డిమాండ్ చేసిందో తెలిస్తే తప్పకుండా షాకవుతారు

అల్లు అర్జున్, సుకుమార్ కాంబినేషన్‌లో తెరకెక్కుతున్న సినిమా పుష్ప 2. సూపర్ హిట్ సినిమా పుష్ప కు సీక్వెల్‌గా ఈ సినిమా తెరకెక్కుతోన్న విషయం తెలిసిందే.

By Nikhil Rampalli
| Updated: July 8, 2023 5:23 PM IST

ఊర్వశి రౌతెలా Urvashi Rautela.. కొన్ని రోజులుగా టాలీవుడ్‌లో వినిపిస్తున్న పేరు. స్పెషల్ సాంగ్స్‌కు కేరాఫ్ గా మారుతోంది ఈ బాలీవుడ్ భామ. మెగాస్టార్ చిరంజీవితో వాల్తేరు వీరయ్య సినిమాలో ఆడిపాడిన ఈ భామ ఆ తర్వాత.. అఖిల్ ఏజెంట్ సినిమాలోనూ స్పెషల్ సాంగ్‌ లో మెరిసింది. తాజాగా, రామ్ పోతినేని, బోయపాటి కాంబోలో తెరకెక్కుతున్న సినిమాలో కూడా ఐటమ్ సాంగ్ చేసింది. దాంతో టాలీవుడ్ లో ఐటమ్ సాంగ్ అనగానే వినిపిస్తున్న పేరు ఊర్వశి రౌతెలా. ప్రస్తుతం ఫుల్ జోష్ మీదున్న ఈ భామ ప్రొడ్యూసర్లకు షాక్ ఇస్తోంది. ఒక్కో పాటకు భారీగా రెమ్యునరేషన్ డిమాండ్ చేస్తోందని టాక్.
3 నిమిషాలు ఉండే స్పెషల్ సాంగ్ కోసం ఏకంగా రూ.3 కోట్ల వరకు డిమాండ్ చేస్తోందని టాక్‌ నడిచింది. అయితే ఈ భామ చేసే పాటలకు డిమాండ్ ఉండడంతో ఆమె అడిగినంత రెమ్యునరేషన్ ఇచ్చేందుకు రెడీ అవుతున్నారట నిర్మాతలు కూడా అని కూడా ఇండస్ట్రీ వర్గాల్లో వార్తలు వచ్చాయి. మెగాస్టార్ చిరంజీవి, మాస్ మహారాజా రవితేజ కలిసి నటించిన వాల్తేరు వీరయ్య సినిమాలో బాస్ పార్టీ అంటూ చిరుతో స్టెప్పులేసింది ఈ బ్యూటీ.
అలాగే రామ్ పోతినేని, బోయపాటి కాంబోలో రూపొందుతున్న పాన్ ఇండియా సినిమా ‘స్కంద’లోనూ ఓ సాంగ్ చేసింది. ఇక, అఖిల్ అక్కినేని నటించిన ఏజెంట్ చిత్రంలోనూ స్పెషల్ సాంగ్‌ లో ఆడిపాడింది ఈ బాలీవుడ్ బ్యూటీ. ఇవే కాకుండా.. ఇక తెలుగులో స్పెషల్ సాంగ్స్ కోసం దర్శక నిర్మాతలంతా ఊర్వశీని సెలక్ట్ చేసేందుకే ఆసక్తి చూపిస్తున్నారట. అందుకు ఈ అమ్మడికి పెద్ద మొత్తంలోనే రెమ్యూనరేషన్ ఇచ్చేందుకు రెడీ అవుతున్నారని తెలుస్తోంది.
ఒక సినిమాలో స్పెషల్ సాంగ్ చేయడం కోసం ఏకంగా మూడు కోట్ల వరకు ఈ బ్యూటీకి ఇచ్చేందుకు సిద్ధంగా ఉన్నప్పటికీ ఇప్పుడు ఆ మొత్తాన్ని కూడా పెంచేసిందట వాల్తేరు వీరయ్యలో బాస్ పార్టీ కోసం ఒక స్టార్ ఇమేజ్ హీరోయిన్ కు ఇచ్చే స్థాయిలో రెమ్యునరేషన్ ఇవ్వడం షాకింగ్ అనే చెప్పుకోవచ్చు. తెలుగులో పూజా హెగ్డే, రష్మికా మందాన లాంటి స్టార్ హీరోయిన్లు రూ.5 కోట్ల వరకు చార్జ్ చేస్తున్నారు. అయితే, ఈ బాలీవుడ్ బ్యూటీకి 3 నిమిషాల పాటకు మూడు కోట్లు ఇవ్వడం ఆమె డిమాండ్ కు అద్దం పట్టింది.
కాగా, ప్రస్తుతం కొన్ని రూమర్ల ప్రకారం అల్లు అర్జున్, సుకుమార్ కాంబినేషన్‌లో తెరకెక్కుతున్న పుష్ప సినిమాలో ఐటమ్ సాంగ్ కోసం ఊర్వశి రౌతెలాను సంప్రదించిందట చిత్ర యూనిట్. ఈ క్రమంలో ఆమె డిమాండ్ చేసిన రెమ్యునరేషన్‌కు దర్శక నిర్మాతలు షాక్‌ అయ్యారని టాక్. ఇప్పటి వరకు టాలీవుడ్‌లో స్పెషల్ సాంగ్‌ కోసం రూ.3 కోట్లు అందుకున్న ఈ భామ.. పుష్ప 2లో స్పెషల్ సాంగ్ కోసం రూ.6 కోట్ల నుంచి రూ.7 కోట్లు వరకు డిమాండ్ చేసిందని టాక్. Also Read - టాలీవుడ్ లో ఐటమ్ సాంగ్స్ కు పెట్టిన పేరుగా మారిపోతున్న బాలీవుడ్ హీరోయిన్

ByNikhil Rampalli
| Updated: July 8, 2023 5:23 PM IST