Rajamouli : రాజమౌళి పెద్ద గొప్ప డైరెక్టర్ ఏమీ కాదు అంటున్న కన్నడ నటుడు..

వెంకటేష్ మహా కాంట్రవర్సీ పై కన్నడిగులు ఫైర్ అవుతుంటే తెలుగు ప్రేక్షకులు కన్నడ నటుడు రాజమౌళి పై చేసిన కామెంట్ల వీడియోని వైరల్ చేస్తున్నారు.

By Vishnupriya chowdhary
| Updated: March 7, 2023 10:01 AM IST

"కేరాఫ్ కంచరప్పపాలెం" ఫేమ్ డైరెక్టర్ వెంకటేష్ మహా ఈ మధ్యనే ఒక ఇంటర్వ్యూలో మాట్లాడుతూ కన్నడలో బ్లాక్బస్టర్ అయిన "కేజిఎఫ్" సినిమా గురించి కొన్ని షాకింగ్ వ్యాఖ్యలు చేసిన సంగతి తెలిసిందే. సినిమా కథ గురించి మరియు సినిమాలోని పాత్రల గురించి వెంకటేష్ మహా నెగిటివ్ గా మాట్లాడారు. దీంతో మొదటి సినిమాతోనే సూపర్ హిట్ అందుకున్న ఈ డైరెక్టర్ పెద్ద కాంట్రవర్సీ లోనే ఇరుక్కున్నారు.

"కేజిఎఫ్" హీరో యష్ కి, డైరెక్టర్ ప్రశాంత్ నీల్ మరియు కన్నడిగులందరికీ వెంకటేష్ మహా క్షమాపణలు చెప్పి తీరాలని నెటిజన్లు కామెంట్లు చేస్తున్నారు. ఒకవైపు వెంకటేష్ మహా కాంట్రవర్సీ సోషల్ మీడియాలో హాట్ టాపిక్ గా మారగా కన్నడ హీరో దర్శన్ ప్రముఖ టాలీవుడ్ డైరెక్టర్ జక్కన్న రాజమౌళి గురించి చేసిన కామెంట్లు సోషల్ మీడియాలో వైరల్ గా మారుతున్నాయి.

2021 లో ఒక ఇంటర్వ్యూలో మాట్లాడుతూ దర్శన్ రాజమౌళి గురించి కొన్ని షాకింగ్ కామెంట్లు చేశారు. అయితే తాజాగా వెంకటేష్ మహా కాంట్రవర్సీ తర్వాత ఇప్పుడు మళ్లీ దీనికి సంబంధించిన వీడియో ఇంటర్నెట్లో వైరల్ గా మారుతుంది. ఆ వీడియోలో మాట్లాడుతూ కన్నడ హీరో దర్శన్ రాజమౌళి పెద్ద గొప్ప డైరెక్టర్ కాదని కామెంట్లు చేశారు.

Rajamouli is just director anta . Not extraordinary.
Nuvvu Teese dikkumaalina movies ki ee statement isthunav pic.twitter.com/gMsDMmsMuw

— RISHI (@Telugu_abbayii) March 6, 2023

కొత్త డైరెక్టర్లతో ఎందుకు పని చేయరు అని ఒక ఇంటర్వ్యూలో అడగక దర్శన్, "రాజమౌళి అసిస్టెంట్ అని చెప్పుకొని ఒకడు వచ్చాడు. రాజమౌళి కి ఫోన్ చేసి నువ్వు వర్క్ చేసావని చెప్పించు వాడి పేరు చెప్పగానే ఓకే చేయడానికి వాడికి ఏమీ కొమ్ములు లేవు అన్నాను," అంటూ దర్శన్ నోటికొచ్చినట్లు మాట్లాడారు

"రాజమౌళి ఒక ఎక్స్ట్రార్డినరీ డైరెక్టర్ ఏమి కాదు. కేవలం ఒక నార్మల్ డైరెక్టర్ అంతే," అని దర్శన్ చేసిన డైలాగులు తెలుగు ప్రేక్షకులను కు చిర్రెత్తుకొచ్చేలా చేశాయి. ఈ నేపథ్యంలో తెలుగు ప్రేక్షకులు మరొకసారి దర్శన్ ను సోషల్ మీడియా ద్వారా తెగ ట్రోల్ చేస్తున్నారు. అయితే కన్నడ నటుడు దర్శన్ కి కాంట్రవర్సీలు కొత్తేమీ కాదు. ఎప్పటికప్పుడు తన నోటి దురుసుతో ఎన్నో కాంట్రవర్సీలలో ఇరుక్కున్నారు దర్శన్.

గతంలో అదృష్ట దేవత గురించి మాట్లాడుతూ దర్శన్ చేసిన కామెంట్లు ఒకప్పుడు వైరల్ గా మారాయి. అప్పట్లో నెటిజన్లు ఒక రేంజ్ లో దర్శన్ ను ట్రోల్ చేశారు. అయినా బుద్ధి రాకుండా ఇప్పుడు రాజమౌళిని కూడా ట్రోల్ చేస్తున్నారు అని కొందరు దర్శన్ పై మండిపడుతుంటే కెరియర్ మొత్తం మీద పెద్ద చెప్పుకోదగ్గ సినిమాలు ఏమీ లేని ఒక నటుడు తెలుగు చిత్ర పరిశ్రమని గర్వపడేలా చేసిన డైరెక్టర్ గురించి మాట్లాడుతున్నాడు అని మరికొందరు కామెంట్లు చేస్తున్నారు.

ByVishnupriya chowdhary
| Updated: March 7, 2023 10:01 AM IST