NTR 30 సినిమాపై రాజమౌళి వారసుడి కామెంట్లు వైరల్

ఆర్‌‌ఆర్‌‌ఆర్‌‌ సినిమా విడుదలై సంవత్సరం దాటిన తర్వాత జూనియర్ ఎన్టీఆర్ సినిమా షూటింగ్ ఇన్నాళ్లకు మొదలైంది. కొరటాల శివ దర్శకత్వంలో తారక్ సినిమా చేయనున్నారనే వార్త వచ్చినప్పటి నుంచి ఆ సినిమాపై అంచనాలు భారీగా పెరిగిపోయాయి.

By Nikhil Rampalli
Published: March 24, 2023 2:56 PM IST

యంగ్ టైగర్ ఎన్టీఆర్-– కొరటాల శివ కాంబినేషన్ లో తెరకెక్కుతున్న రెండో సినిమా ఘనంగా ప్రారంభమైంది. NTR30 వర్కింగ్‌ టైటిల్‌తో తెరకెక్కనున్న ఈ సినిమా గురించి తారక్ అభిమానులు ఆతృతగా ఎదురుచూస్తున్నారు. మే నెలలో ఎన్టీఆర్ పుట్టిన రోజు సందర్భంగా యువసుధ ఆర్ట్స్, ఎన్టీఆర్ ఆర్ట్స్ సంయుక్తంగా ఈ మూవీ మోషన్ పోస్టర్ ని లాంచ్ చేశాయి.
సముద్రం బ్యాక్ డ్రాప్ లో, తారక్‌ వాయిస్ ఓవర్ లో ఓపెన్ అయిన ఈ మోషన్ పోస్టర్ “వస్తున్నా” అనే డైలాగ్ తో పూర్తైంది. పాన్ ఇండియా రేంజ్‌లో విడుదల కానున్న ఈ సినిమా మోషన్ పోస్టర్ కి కూడా ఎన్టీఆర్ స్వయంగా వాయిస్ ఇచ్చారు. దీంతో ‘ఎన్టీఆర్ 30’ సినిమా టాక్ అఫ్ ఇండియన్ ఫిల్మ్ ఇండస్ట్రీగా మారింది.
అప్పటినుంచి నందమూరి అభిమానులు ‘NTR 30’ ఎప్పుడు సెట్స్ పైకి వెళ్తుందా అని ఈగర్ గా వెయిట్ చేస్తూనే ఉన్నారు. మార్చి నెల చివరలో సెట్స్ పైకి వెళ్లడానికి రెడీ అయిన ఈ సినిమా ముహూర్తం పాన్‌ ఇండియా డైరెక్టర్లు రాజమౌళి, ప్రశాంత్ నీల్ మధ్య గ్రాండ్ గా జరిగింది.
‘NTR 30’ ముహూర్తం ఈవెంట్ లో దర్శకుడు కొరటాల శివ మాట్లాడారు. “‘NTR 30’ కథ, భారతదేశ సముద్ర తీరంలోని ఒక ఫర్బిడన్ లాండ్ లో జరుగుతుంది. ఆ నేలపైన జంతువులకన్నా ఎక్కువగా రాక్షసుల వంటి మనుషులు ఉంటారు. ఎవరూ ఎవరికీ భయపడరు.
చావుకి కూడా భయపడని వాళ్లు ఒకడికి మాత్రమే భయపడతారు. అది నా అన్న ఎన్టీఆర్ కి” అని చెప్పుకొచ్చారు. కొరటాల శివ మాటలని ఎన్టీఆర్ 30 మోషన్ పోస్టర్ కి అటాచ్ చేసి కొత్త మోషన్ పోస్టర్ చేసి రిలీజ్ చేశారు. ఈ కొత్త మోషన్ పోస్టర్ కొరటాల శివ వాయిస్ ఓవర్ తో ఉండగా, ఎండ్ లో మాత్రం ‘వస్తున్నా’ అనే ఎన్టీఆర్ వాయిస్ తో ఎండ్ అవుతోంది.
సోషల్ మీడియాలో ట్రెండింగ్‌లో ఉన్న ‘‘NTR 30’ మోషన్ పోస్టర్ ని రాజమౌళి వారసుడు కార్తికేయ షేర్ చేశారు. ‘‘ముహూర్తం రోజు నుంచే గూస్ బంప్స్ ఇస్తున్నారు కొరటాల శివ. పవర్ ఫుల్ స్టోరీ కోసం ఎదురు చూస్తున్నాను. ఈ సినిమా కోసం చాలా ఎగ్జైటింగ్ గా వెయిట్ చేస్తున్నా తారక్ అన్నా..’ అంటూ కార్తికేయ ట్వీట్ చేశాడు.
ఎన్టీఆర్తో రాజమౌళి ఎంత ఫ్రెండ్లీగా ఉంటారో కార్తికేయ, ఎన్టీఆర్ కూడా అంతే క్లోజ్ గా ఉంటారు. ఆర్‌‌ఆర్‌‌ఆర్‌‌ సినిమా ప్రమోషన్స్లో కూడా కార్తికేయతో జరిగే ఫన్ ఎలా ఉంటుందో ఎన్టీఆర్ పలుసార్లు చెప్పారు.

Goosebumps on the muhurtham day itself!!??????
Can’t wait to see Siva garu’s powerful story…..

Very excited about this one! @tarak9999 Annaaaa❤️❤️❤️@anirudhofficial #JanhviKapoor @NTRArtsOfficial @YuvasudhaArts #NTR30 pic.twitter.com/3oWhsLtslj

— S S Karthikeya (@ssk1122) March 23, 2023

కాగా, ఆర్‌‌ఆర్‌‌ఆర్‌‌ వంటి సూపర్‌‌ హిట్‌ సినిమా తర్వాత జూనియర్ ఎన్టీఆర్‌‌ నటిస్తున్న సినిమా కావడంతో NTR30పై భారీ అంచనాలు ఏర్పడ్డాయి. కొరటాల శివ మరింత ఫోకస్ పెట్టి మరీ ఈ సినిమాను తెరకెక్కిస్తున్నారు. వీరిద్దరి కాంబినేషన్‌లో వచ్చిన జనతా గ్యారేజ్‌ సినిమా బ్లాక్ బస్టర్ హిట్ అయ్యింది.

ByNikhil Rampalli
Published: March 24, 2023 2:56 PM IST