మరోసారి వాయిదా పడబోతున్న రామ్ చరణ్ సినిమా?

RRR సినిమా వచ్చి ఏడాదిన్నర అవుతోంది కానీ ఇప్పటివరకు రామ్ చరణ్ తేజ్ మళ్లీ సినిమాల్లో కనిపించకపోవడంతో ఆయన ఫ్యాన్స్ అందరూ దిగులు పడుతున్నారు. ఇదిగో అదిగో అంటూ తీస్తున్న గేమ్ చేంజెస్ సినిమా చూడబోతే మరోసారి వాయిదా పడుతున్నట్టుగా ఉంది.

By Sarvepalli Bhavana
| Updated: June 26, 2023 2:44 PM IST

హీరో రామ్ చరణ్ కొద్ది రోజుల క్రితం తండ్రిగా ప్రమోట్ అయ్యారు. ఆయన ప్రస్తుతం మరి ఏమీ చేయకుండా కేవలం కూతురుతో సమయాన్ని గడుపుతున్నారు. చరణ్ మరియు ఉపాసన, ఇద్దరూ కలిసి రోజులు బ్రేక్ తీసుకొని మెల్లగా మళ్లీ పనులను ప్రారంభించాలనుకుంటున్నారట.

చరణ్ ఫాన్స్ అందరూ కూడా ఎప్పటినుండో అతని నెక్స్ట్ సినిమా కోసం వెయిట్ చేస్తున్నారు. రాజమౌళి తీసిన RRR వచ్చి ఏడాదిన్నర దాటేసరికి చరణ్ ను తెరపై చూడటానికి ఎంతో ఆసక్తి చూపిస్తున్నారు ఫ్యాన్స్. చరణ్ చేతిలో ప్రస్తుతం మూడు నుండి నాలుగు సినిమాలు ఉన్నప్పటికీ శంకర్ సినిమా పూర్తి చేయకుండా ఆయన మరొక సినిమాకు వెళ్లలేరు. ప్రస్తుతం చరణ్ గేమ్ చేంజెస్ సినిమా యొక్క లుక్స్ మెయింటైన్ చేస్తున్నారు. బుచ్చిబాబు సానాతో ఆయన చేయవలసిన నెక్స్ట్ సినిమాకు లుక్స్ తప్పకుండా మార్చాల్సి వస్తుంది. కానీ ప్రస్తుతం ఏం చేంజ్ చేసిన సినిమా ఎటు కాకుండా ఉండడంతో రామ్ చరణ్ కన్ఫ్యూజన్ లో ఉన్నారు. Also Read - అనుష్క ఫ్యాన్స్‌కు తప్పని ఎదురుచూపులు.. మరోసారి వాయిదా పడనున్న Miss శెట్టి Mr పోలిశెట్టి

అయితే ప్రస్తుతం వినపడుతున్న వార్తల ప్రకారం గేమ్ చేంజెస్ సినిమా మరోసారి వాయిదా పడబోతుందని తెలుస్తోంది. ఇప్పటికే చాలా లేట్ అయిన ఈ సినిమా అనుకున్నవన్నీ సరిగ్గా జరిగితే మాత్రం ఈ సంవత్సరం డిసెంబర్ లేదా వచ్చే సంవత్సరం సంక్రాంతికి విడుదల చేయాలనుకున్నారు నిర్మాత దిల్ రాజు. కానీ దాదాపు 80 రోజుల షూటింగ్ ఇంకా పెండింగ్ ఉండడంతో ఈ సినిమా వచ్చే ఏడాది వేసవికి వస్తే గొప్ప విషయం అని అనుకోవాలి.

సంక్రాంతి బరిలో తప్పకుండా ఏదో ఒక సినిమాను విడుదల చేయకుండా నిద్రపోని దిల్ రాజు చూడబోతుంటే ఈసారి సంక్రాంతి రేస్ నుండి పక్కకు తప్పుకుంటున్నట్టున్నారు. దీనికి అసలు కారణం డైరెక్టర్ శంకర్. విలక్షణ నటులు కమల్ హాసన్ తో శంకర్ తీస్తున్న ఇండియన్ 2 సినిమాను ఆపి ఆయన గేమ్ చేంజర్ సినిమా మొదలెట్టారు. కానీ నిర్మాతల నుండి వస్తున్న ప్రెజర్ ను తట్టుకోలేక ఆ సినిమాను పూర్తి చేయడానికి ఆయన చెన్నైకు వెళ్ళిపోయారు. ప్రస్తుతం ఆ సినిమా పూర్తి చేస్తే తప్ప రామ్ చరణ్ సినిమాను ఆయన మళ్లీ మొదలు పెట్టలేరు. Also Read - పవన్ కల్యాణ్ వ్యాఖ్యలపై స్పందించిన సీనియర్ నటుడు నాజర్.. వైరల్ అవుతున్న కామెంట్లు

భారీ బడ్జెట్ తో తెరకెక్కుతున్న ఈ చిత్రం యొక్క షూటింగ్ ఇప్పటివరకు 70% పూర్తయిందని తెలుస్తోంది. ఏదేమైనా కూడా ఇంకా షూటింగ్ పెండింగ్ ఉండడంతో, రామ్ చరణ్ ను తెరపై చూడాలంటే మరో సంవత్సరం వెయిట్ చేయక తప్పదు.

BySarvepalli Bhavana
| Updated: June 26, 2023 2:44 PM IST