Ram Charan and Tarak : మరోసారి ఒకే స్టేజి పైన కనిపించనున్న జూనియర్ ఎన్టీఆర్ మరియు రామ్ చరణ్..

మరోసారి రాంచరణ్ మరియు జూనియర్ ఎన్టీఆర్ కలిసి ఒకే స్టేజి పైన మనకి కనిపించబోతున్నారు అనే వార్త ప్రస్తుతం తెగ వైరల్ అవుతుంది.

By Vishnupriya chowdhary
Published: March 21, 2023 12:33 PM IST

నిన్న మొన్నటి దాకా ఆర్ఆర్ఆర్ సినిమా ఇంటర్వ్యూస్ లో సొంత అన్నదమ్ముల లాగా కలిసిపోయి ఎన్నో మాట్లాడుతూ మరియు ముచ్చటిస్తూ వచ్చారు రామ్ చరణ్ ఇంకా జూనియర్ ఎన్టీఆర్. అయితే ఏమైందో ఏమో తెలియదు కానీ గత కొన్ని రోజుల నుంచి మాత్రం వీరిద్దరూ పెద్దగా ఒకరి గురించి ఒకరు మాట్లాడలేదు. దానికి తోడు సోషల్ మీడియాలో జూనియర్ ఎన్టీఆర్ మరియు రామ్ చరణ్ అభిమానుల మధ్య ఒక మినీ యుద్ధం కూడా నడుస్తోంది.

మేము గొప్ప అంటే మేము గొప్ప అంటూ వారి హీరోని వాళ్ళు సపోర్ట్ చేస్తూ వస్తున్నారు. ఇక చిరంజీవి హెచ్సీఏ అవార్డు అప్పుడు జూనియర్ ఎన్టీఆర్ పేరు వేయకపోవడం అలానే జూనియర్ ఎన్టీఆర్ మొన్న ఆస్కార్ అప్పుడు రామ్ చరణ్ పేరు వేయకపోవడం కూడా కొన్ని వివాదాలకు దారితీసింది. దీంతో ఇంకా ఇద్దరు హీరోలు మరలా ఒకే దగ్గర కనిపించారు ఏమో అని అందరూ అనుకుంటుండగా, ఇద్దరు హీరోలను కలిపే ప్లాన్ అక్కినేని వారు వేశారట. Also Read - పాన్ ఇండియా మూవీ ప్రకటించిన మెగా పవర్ స్టార్.. ట్వీట్‌తో అభిమానులను ఫిదా చేసిన చెర్రీ

అఖిల్ అక్కినేని “ఏజెంట్” మేకర్స్ రెండు కారణాల వల్ల సినిమా ప్రీ రిలీజ్ ఈవెంట్‌కి రామ్ చరణ్ మరియు జూనియర్ ఎన్టీఆర్‌లను ఆహ్వానించాలని ఆలోచిస్తున్నట్లు సమాచారం. మొదట కారణం ఏమిటి అంటే ఈ ఇద్దరు యువ హీరో చిన్నప్పటి నుండి అఖిల్‌తో చాలా సన్నిహితంగా ఉన్నారు, ఆపై రెండో కారణం ఏమిటి అంటే రామ్ చరణ్ మరియు తారక్ ఇద్దరు కూడా ఏజెంట్ సినిమా దర్శకుడు సురేందర్ రెడ్డితో కలిసి పనిచేశారు. దర్శకుడు తారక్ తో ఊసరవెల్లి మరియు రామ్ చరణ్ తో ధృవ అంతేకాకుండా చిరంజీవితో సైరా లాంటి సినిమాలు తీశారు. అందుకే వారిద్ద రినీ ఆహ్వానించి, ఈ వేడుకకు కలిసి రావాలని ఈ సినిమా వారు కోరుతున్నట్లు సమాచారం.

Trending Now

అఖిల్ ఏజెంట్ చిత్రం ఏప్రిల్ 28న విడుదల కానుండడంతో ఏప్రిల్ మొదటి వారం నుంచి ఈ సినిమాకి సంబంధించిన విస్తృత ప్రచారం ప్రారంభించాలని మేకర్స్ భావిస్తున్నారు. ఇప్పటికే అక్కినేని హీరో సిసిఎల్ మ్యాచ్‌లు జరుగుతున్న క్రికెట్ స్టేడియంలలో ఈ సినిమాని భారీగా ప్రమోట్ చేస్తూ సినిమా పాటలను కూడా రిలీజ్ చేస్తున్నాడు. ఇక ఈ సినిమా ప్రీ రిలీజ్ ఈవెంట్‌కి ఆర్‌ఆర్‌ఆర్ స్టార్స్ హాజరైతే కచ్చితంగా బజ్ రెట్టింపు అవుతుంది. అంతేకాకుండా ఫ్యాన్స్ కూడా ఖుషి ఫీలవుతారు. మరి ఇది జరుగుతుందో లేదో వేచి చూడాలి. Also Read - అఖిల్ కోసం పెద్ద స్కెచ్ వేసిన రామ్ చరణ్

ByVishnupriya chowdhary
Published: March 21, 2023 12:33 PM IST