Ram Charan-Upasana : ఉపాసన సరోగసి గురించి క్లారిటీ ఇచ్చిన రామ్ చరణ్…ఐదున్నర నెలల బిడ్డ వందనం నాకు లక్కీ అంటూ కామెంట్స్

గత కొద్దిరోజులుగా ఉపాసన సరోగసి చేసుకుంటుంది అని వస్తున్న రూమర్స్ పై క్లారిటీ ఇచ్చాడు రామ్ చరణ్..

By Vishnupriya chowdhary
Published: March 20, 2023 1:16 PM IST

నిన్న మొన్నటిదాకా రామ్ చరణ్ మరియు ఉపాసన అమెరికాలో ఆస్కారు అవార్డుల ప్రమోషన్స్ మరియు ఆ ఈవెంట్ ని ఎంజాయ్ చేస్తూ అక్కడే చాలా రోజులు గడిపిన సంగతి తెలిసిందే. అయితే ప్రెగ్నెంట్ గా ఉన్న ఉపాసన అక్కడే ఎక్కువ రోజులు ఉండటంతో అలానే మీడియాలో ఎక్కడ కూడా తాను ప్రెగ్నెంట్ అన్న విషయం పెద్దగా తెలియకపోవడంతో, మరోసారి ఉపాసనా కూడా సరోగసి ద్వారా బిడ్డను కనబోతోంది అన్న రూమర్స్ పెద్ద ఎత్తున ప్రచారం జరిగాయి.

రామ్ చరణ్, ఉపాసనలది ప్రేమ వివాహం అన్న సంగతి తెలిసిందే. కొన్నేళ్లపాటు ప్రేమించుకున్న చరణ్, ఉపాసనలు.. 2011 డిసెంబర్‌లో ఎంగేజ్‌మెంట్ చేసుకున్నారు. 2012 జూన్‌లో హైదరాబాద్‌లో వీరి వివాహం ఘనంగా జరిగింది. అయితే దాదాపు పది సంవత్సరాలు వారికి పిల్లలు లేరు. మెగా అభిమానులను ఆనందపరుస్తూ ఈ సంవత్సరమే మెగాస్టార్ చిరంజీవి తన కోడలు బిడ్డకు జన్మనివ్వబోతోంది అని శుభవార్తను షేర్ చేశారు. అయితే ఆ రోజు నుంచి ఉపాసన సరోగసి ద్వారా ఏమన్నా కనబతోందా అనే రూమర్స్ ఊపు అందుకున్నాయి. అయితే ఇప్పుడు రామ్ చరణ్ చేసిన కొన్ని వ్యాఖ్యల ద్వారా ఈ రూమర్ పైన క్లారిటీ వచ్చింది. Also Read - మెగా ప్రిన్సెస్‌కు అదిరిపోయే గిఫ్ట్ పంపించిన జూనియర్ ఎన్టీఆర్... విభేదాల వార్తలకు చెక్ పడినట్టేనా?

ఉపాసన నిజంగానే కడుపుతో ఉన్నారా? ఆమె బేబీ బంప్ అస్సలు కనిపించడం లేదు! కొంపదీసి సరోగసీకి వెళ్లారా? అనే ప్రశ్నకు ఉపాసన సరోగసికి వెళ్లడం లేదు అని రామ్ చరణ్ చేసిన వ్యాఖ్యలతో చెక్ పెట్టారు.

ఆస్కార్ వేడుక నుంచి శుక్రవారం ఢిల్లీ చేరుకున్న రామ్ చరణ్ అక్కడ జరిగిన ఇండియా టుడే కాంక్లేవ్‌లో పాల్గొన్న విషయం తెలిసిందే. అయితే ఈ ఇంటర్వ్యూలో మాట్లాడుతూ.. ఉపాసనపై తన ప్రేమను వ్యక్త పరచడం కాకుండా సరోగసి గురించి కూడా క్లారిటీ ఇచ్చాడు. తన జీవితంలోకి వచ్చిన అదృష్టం ఉపాసన అని చెప్పారు. ‘ఆమె నాకు లక్కీ మస్కట్. అంతేకాదు, ఆమె కడుపులో పెరుగుతున్న ఐదున్నర నెలల బిడ్డ కూడా నాకు లక్కీ’ అని రామ్ చరణ్ అన్నారు. ఇక ఉపాసన ఈ రామ్ చరణ్ వీడియోని తన ఇంస్టాగ్రామ్ అకౌంట్లో కూడా షేర్ చేసింది. అయితే ‘ఐదున్నర నెలల బిడ్డ ఆమె కడుపులో ఉంది’ అని రామ్ చరణ్ చెప్పిన ఒక్కమాట సరోగసీ రూమర్లన్నింటికీ ముగింపు పలికినట్టు అయింది. Also Read - ఇంతకుముందు ఎన్నడూ లేని విధంగా.... శంకర్ ఇలా చేయడం మొదటిసారి

ఇక ఈ ఇంటర్వ్యూలో ఉపాసన కూడా మాట్లాడింది.. ఉపాసన మాట్లాడుతూ.. ‘రామ్ చరణ్ నాకు దొరకడం నా అదృష్టం. ఆయనతోపాటు నా కుటుంబంలో ఉన్న అందరికీ నేను రుణపడి ఉన్నాను’ అని చెప్పుకొచ్చింది. ఇక దానికి సమాధానం గా వెంటనే ఉపాసనా నుంచి మైక్ తీసుకున్న రామ్ చరణ్.. ఉపాసన ఎప్పుడూ ఈ విషయాన్ని ఇంట్లో చెప్పలేదని జోక్ చేశారు. అయితే ఇంటర్వ్యూలో రామ్ చరణ్ రాజకీయాల్లోకి వస్తారా అనే ప్రశ్న కూడా ఎదురైంది. దానికి సమాధానం గా ఈ హీరో ‘నేను ఒకే ఒక్క పడవలో ప్రయాణం చేస్తాను. అది ఫిలిం ఇండస్ట్రీ. ఇంకో ఆలోచనే లేదు’ అని స్పష్టం చేశారు.

View this post on Instagram

A post shared by Upasana Kamineni Konidela (@upasanakaminenikonidela)

ఇక రామ్ చరణ్ ఇంటర్వ్యూలో చేసిన వ్యాఖ్యలను బట్టి చూస్తే నాలుగు నెలల్లో రామ్ చరణ్-ఉపాసన తల్లిదండ్రులు కాబోతున్నారు అని స్పష్టంగా అర్థం అవుతుంది. వరల్డ్ క్లాస్ డాక్టర్లు అపోలో హాస్పిటల్‌లో ఉపాసనకు పురుడు పోయనున్నారు. ఈ విషయాన్ని కూడా ఉపాసన ఇప్పటికే ప్రకటించారు. మరోపక్క రాంచరణ్ శంకర్ దర్శకత్వంలో తన 15వ సినిమాతో బిజీగా ఉన్నాడు. ఈ సినిమా అయ్యాక బుచ్చిబాబు సాన తో తన 16వ సినిమా చేయనున్నారు. Also Read - మెగా ప్రిన్సెస్‌కు నామకరణం చేసిన రాంచరణ్, ఉపాసన! ఆ పేరుకి అర్ధం కోసం వెతుకుతున్న నెటిజన్లు

ByVishnupriya chowdhary
Published: March 20, 2023 1:16 PM IST