వెంకటేష్‌, రానాకు నెట్ ఫ్లిక్స్ షాక్.. ఎందుకో తెలుసా?

విక్టరీ వెంకటేష్ , దగ్గుబాటి రానా ప్రధాన పాత్రల్లో తెరకెక్కిన వెబ్‌ సిరీస్‌ రానా నాయుడు. ప్రముఖ ఓటీటీ దిగ్గజం నెట్ఫ్లిక్స్‌లో ఈ సిరీస్‌ మార్చి 10 నుంచి స్ట్రీమింగ్‌ అవుతోంది.

By Nikhil Rampalli
| Updated: March 30, 2023 10:33 PM IST

టాలీవుడ్ సీనియర్ హీరోల్లో ఒకరు విక్టరీ వెంకటేష్. ఫ్యామిలీ హీరోగా మంచి పేరున్న వెంకటేష్ సినిమా అంటే కుటుంబమంతా కూర్చొని చూసే సినిమా అని భావిస్తారంతా. కానీ తాజాగా వెంకటేష్ నటించిన రానా నాయుడు వెబ్ సిరీస్ మాత్రం ఇందుకు పూర్తి వ్యతిరేకంగా విమర్శల పాలవుతోంది. ఇక, తాజాగా రానా నాయుడు సిరీస్ తెలుగు వెర్షన్ని నెట్ఫ్లిక్స్ తొలగించినట్లు తెలుస్తోంది.

రానా నాయుడు సిరీస్ విడుదలైన రోజు నుంచీ అటు ప్రేక్షకులు, ఇటు సెలబ్రిటీలు ఈ సినిమాపై విమర్శలు చేస్తూనే ఉన్నారు. మల్టీస్టారర్లకి కేరాఫ్ అడ్రస్ అయిన వెంకటేష్ తన అన్న సురేష్ బాబు కొడుకు రానాతో కలిసి నటిస్తున్నారంటే ప్రేక్షకులంతా ఆసక్తిగా ఎదురు చూశారు. కానీ బాబాయ్, అబ్బాయ్ కలిసి వచ్చిన రానా నాయుడు ఊహించని రీతిలో అభిమానులను నిరాశ పరిచింది. శృంగార దృశ్యాలు ఎక్కువగా ఉండటం, ఫ్యామిలీ హీరోగా పేరుగాంచిన వెంకటేష్ నోట బూతులు ఉండటంతో చివరకు నెట్ఫ్లిక్స్ కూడా ఈ సిరీస్ తెలుగు వెర్షన్ని తీసేసే పరిస్థితి వచ్చింది. Also Read - Rana Naidu: విడుదలకు సిద్ధం అయిన రానా నాయుడు సీజన్ 2

ప్రస్తుతం టాలీవుడ్లో బాబాయ్ అబ్బాయిగా మంచి ఫామ్లో ఉన్న నటులు వెంకటేష్, దగ్గుబాటి రానా. దృశ్యం, నారప్ప సినిమాలతో భిన్నమైన కథలు, రీమేక్లతో కూడా మెప్పించగలనని నిరూపించారు వెంకీ. రానా, వెంకటేష్ ఒకేసారి రానా నాయుడు సిరీస్తో ఓటీటీలోకి ఎంట్రీ ఇచ్చారు. ఈ సిరీస్ లో రానా, వెంకటేష్ ఇద్దరు తండ్రీ కొడుకులుగా కలిసి నటించడం విశేషం. ఈ వెబ్ సిరీస్ ను ప్రముఖ ఓటీటీ దిగ్గజం నెట్ ఫ్లిక్స్ నిర్మించగా సుపర్ణ్ వర్మ, కరణ్ అన్షుమన్ దర్శకత్వం వహించారు.

Trending Now

ఫ్యామిలీ ఎమోషన్స్ అండ్ క్రైమ్ డ్రామాగా తెరకెక్కిన రానా నాయుడు వెబ్ సిరీస్ పాపులర్ అమెరికన్ సిరీస్ 'రే డోనోవర్' కు ఇండియన్ అడాప్షన్ వెర్షన్ గా నిర్మించారు. బాలీవుడ్ హాట్ బ్యూటి సుర్విన్ చావ్లా ఇందులో రానాకు జోడీగా నటించింది. ఇక ఆశిష్ విద్యార్థి, సుశాంత్ సింగ్, అభిషేక్ బెనర్జీ, ఆదిత్య మీనన్, ముకుల్ చద్దా తదితరులు కీలక పాత్రలు పోషించారు. రానా నాయుడు వెబ్ సిరీస్ ను హిందీతోపాటు తెలుగు, తమిళంలో కూడా విడుదల చేశారు. రానా నాయుడు వెబ్ సిరీస్ ను మొదటగా హిందీలో చిత్రీకరించారు తర్వాత తెలుగులో డబ్ చేశారు. రిలీజ్ తర్వాత ఇందులోని బూతులపై చెప్పలేనంత ట్రోలింగ్, వ్యతిరేకత వచ్చింది. Also Read - నాగచైతన్య ‘దూత’ ఆలస్యం కావడానికి రానా నాయుడు వెబ్ సిరీస్‌ కూడా కారణమా?

మార్చి 10 నుంచి ప్రముఖ ఓటీటీ దిగ్గజం నెట్ ఫ్లిక్స్ లో స్ట్రీమింగ్ అవుతోన్న రానా నాయుడు వెబ్ సిరీస్ పై విడుదలైనప్పటి నుంచి వ్యతిరేకత వస్తున్న విషయం తెలిసిందే. ఈ సిరీస్ పై తెలుగు ప్రేక్షకులు కాస్తా అసహనం వ్యక్తం చేశారు. ఎందుకంటే ఇందులో ఎక్కువగా బూతులు, శృతిమించిన అడల్ట్ కంటెంట్ ఉందని వారు ఆరోపించారు.

అయితే ఇలా హిందీ, ఇంగ్లీషు వెబ్ సిరీస్ లలో అలా ఉండటాన్ని యాక్సెప్ట్ చేసిన తెలుగు ప్రజలు రానా నాయుడును మాత్రం అంగీకరిచలేకపోయారు. అంతేకాదు శివకృష్ణ, విజయ శాంతి వంటి పలువురు సెలబ్రిటీలు కూడా రానా నాయుడు సిరీస్ ను తొలగించాలని డిమాండ్ చేశారు. ఈ నేపథ్యంలోనే తాజాగా రానా నాయుడు సిరీస్ కు సంబంధించిన తెలుగు ఆడియోను నెట్ ఫ్లిక్స్ తొలిగించింది. అయితే.. ఈ విషయాన్ని నెట్ఫ్లిక్స్ అధికారికంగా ప్రకటించలేదు. విమర్శల పాలైనా ఈ సిరీస్ విడుదలైనప్పటి నుంచీ ట్రెండింగ్లో ఉండటం విశేషం. Also Read - Vijayashanthi: ప్రజలు ఇచ్చిన అభిమానం.. గౌరవంతో నిలబెట్టుకోవాలి.. రానా నాయుడుపై విజయశాంతి ఆగ్రహం

ByNikhil Rampalli
| Updated: March 30, 2023 10:33 PM IST

వెంకటేష్‌, రానాకు నెట్​ ఫ్లిక్స్ షాక్.. ఎందుకో తెలుసా?

వెంకటేష్‌, రానాకు నెట్ ఫ్లిక్స్ షాక్.. ఎందుకో తెలుసా?