Rangamarthanda : మరలా మన ముందుకు రాబోతున్న వింటేజ్ కృష్ణవంశీ .. దర్శకుడు క్లాసిక్ చిత్రాలని మైమరిపించే రేంజ్ లో రంగమార్తాండ

ఎన్ని సంవత్సరాలు అయినా కానీ మన మదిలో నిలిచిపోయే కొన్ని అద్భుత చిత్రాలను మనకు అందించిన దర్శకుడు కృష్ణవంశీ..

By Vishnupriya chowdhary
Published: March 18, 2023 4:50 PM IST

మనసుకు హత్తుకునే సినిమాలు తీసేవారిలో దర్శకుడు కృష్ణవంశీ ఒకరు. మన తెలుగు సినిమా దర్శకులలో ఈయనకి ప్రత్యేక స్థానం ఉంది. టాలీవుడ్ కి ఎన్నో అద్భుత చిత్రాలను అలానే కొంతమంది కెరియర్ లో మర్చిపోలేని చిత్రాలను అందించారు ఈ డైరెక్టర్. ఆయన తొలి చిత్రం గులాబీ తోనే తెలుగు చిత్ర పరిశ్రమకు ఒక స్టార్ దొరికారు అనిపించుకున్నాడు. ఇక నాగార్జున కెరియర్ లో ఎప్పటికీ మరువలేని సినిమా నిన్నే పెళ్ళాడుతా తీసి ఫ్యామిలీ ప్రేక్షకుల మదిలో ఒక మంచి డైరెక్టర్ గా మిగిలిపోయాడు.

ఇక ఆ తరువాత ఆయన తీసిన సింధూరం, మురారి, ఖడ్గం, చందమామ లాంటి చిత్రాలు మనం ఎన్నిసార్లు చూసినా మనల్ని అలానే కూర్చోబెడుతాయి అన్నడంలు సందేహం లేదు. ప్రస్తుతం తరం దర్శకులు కూడా కృష్ణవంశీని చూసి ఎన్నో నేర్చుకోవాలి అని తెలియజేస్తాయి ఆ చిత్రాలు. అలా ఎంతోమందికి ఇన్స్పిరేషన్ గా మరి ఎంతోమందికి ఎంటర్టైన్మెంట్ అందించిన సూపర్ హిట్ డైరెక్టర్ గా నిలిచిన కృష్ణవంశీకి గత కొద్ది సంవత్సరాలుగా మాత్రం ఆయన రేంజ్ హిట్ పడలేదు. ముఖ్యంగా ఈ మధ్య తీసిన మహాత్మా, మొగుడు, గోవిందుడు అందరివాడేలే మరియు నక్షత్రం లాంటి సినిమాలు కృష్ణవంశీ మార్కుని మిస్ అయ్యాయి అని కూడా విమర్శలు వచ్చాయి. Also Read - మైత్రీ సంస్ధ చేతుల్లో ‘రంగమార్తాండ’ సినిమా హక్కులు

Also watch

అయితే మునపతి లాగా తన సత్తా చాటాలి అని ఇప్పుడు ఎన్నో ఎక్స్పెక్టేషన్స్ తో కృష్ణవంశీ తీస్తున్న సినిమా రంగమార్తాండ. రమ్యకృష్ణ మరియు ప్రకాష్ రాజ్ ముఖ్యమైన పాత్రలలో నటిస్తున్న ఈ సినిమా ప్రమోషన్స్ ప్రస్తుతం జోరుగా కొనసాగుతున్నాయి. ‘నట సామ్రాట్’ అనే మరాఠీ సినిమాను ‘రంగమార్తాండ’ పేరుతో రీమేక్ చేశాడు కృష్ణవంశీ.

కృష్ణవంశీ ఎప్పుడు కూడా కథను నమ్ముకుని సినిమా తీస్తారు అనే పేరు ఉంది. దానికి తగ్గట్టుగానే రంగమార్తాండ చిత్రం కూడా హీరో హీరోయిన్ ఎవరు అనేది కాకుండా బలమైన నమ్మకంతో తీశారు ఈ దర్శకుడు. అయితే కొన్ని కారణాల వల్ల ఈ సినిమా బాగా ఆలస్యమై.. ఎట్టకేలకు ఈ నెల 22న రిలీజ్‌కు రెడీ అవుతోంది ఈ చిత్రం. ఈ నేపథ్యంలో ఈ సినిమా రిలీజ్ కి దాదాపు రెండు వారాల ముందు నే ఈ సినిమాని ఇండస్ట్రీలో చాలామందికి చూపిస్తూ వచ్చాడు ఈ డైరెక్టర్. సినీ ప్రముఖులు, మీడియా వాళ్లకు రోజుల తరబడి స్పెషల్ ప్రివ్యూలు వేస్తున్నారు. చూసిన వాళ్లందరూ సినిమా మీద ప్రశంసల జల్లు కురిపిస్తున్నారు. Also Read - Ranganathananda : తేజాని గురువు అన్న కృష్ణవంశీ.. త్రిబుల్ ఆర్ తెలుగు సినిమా స్థాయిని పెంచితే, రంగమార్తాండ తెలుగు కుటుంబాల విలువను పెంచింది అంటున్న తేజ

ఇక ఈ సినిమా కథ మరియు కృష్ణవంశీ తీసిన తీరు విపరీతంగా నచ్చి ఇండస్ట్రీలో చాలామంది ప్రముఖులు ఈ సినిమాను ప్రమోట్ చేయడానికి ముందుకు వస్తున్నారు. కృష్ణవంశీ మీద గౌరవంతో వచ్చి సినిమా చూసినవారికి ఈ చిత్రం ఒక మనసుకు హత్తుకునే చిత్రంగా మిగులుతోందట. అంతేకాదు థియేటర్ నుంచి బయటకు వచ్చాక కూడా సెలబ్రిటీస్ ఈ సినిమాని మర్చిపోలేక సోషల్ మీడియాలో పోస్టులు కూడా వేస్తున్నారు. తెలుగు సినిమా పరిశ్రమకు కృష్ణవంశీ ఇచ్చిన అద్భుత చిత్రాలు ఎప్పటికీ మరిచిపోలేనివి కాబట్టి, ఇప్పుడు మల్ల ఆయన అలాంటి చిత్రం తీసాడు అని అందుకే పరిశ్రమ మొత్తం ఆయనకి సపోర్ట్ చేయడానికి చూస్తోంది అని కూడా టాక్ నడుస్తోంది.

సినిమా సెలబ్రిటీసే కాదు క్రిటిక్స్ కూడా ఈ చిత్రాన్ని బాగా మెచ్చుకుంటున్నారు. ఆయన వింటేజ్ చిత్రాలు అయిన ఖడ్గం,‌ అంతపురం, నిన్నే పెళ్ళాడుతా, మురారి సింధూరం లాంటి సినిమాలను మైమరిపించేతట్టు ఈ సినిమా ఉంది అని అంటున్నారు. దీన్ని బట్టి ఈ సినిమా కృష్ణవంశీ తన స్టైల్ ని మెయింటైన్ చేస్తూ చాలా చక్కగా తీశారు అని అర్థమవుతుంది. ఇక థియేటర్స్ లో విడుదలై ప్రేక్షకులను కూడా ఇదే రకంగా ఈ సినిమా మెప్పించగలిగితే మరలా మనకు మన కృష్ణవంశీ దగ్గర అయినట్టే. ఆ రోజు కోసం ఎదురు చూద్దాం… Also Read - RamyaKrishna : మరోసారి రమ్యకృష్ణ రాజసం…విపరీతంగా ఆకట్టుకుంటున్న రంగమార్తాండ రమ్యకృష్ణ పోస్టర్

ByVishnupriya chowdhary
Published: March 18, 2023 4:50 PM IST