ఆ సూపర్‌‌ హిట్ సినిమా షూటింగ్ ఎప్పుడు మొదలవుతుందా అని ఎదురుచూస్తున్నా అంటున్న రవీనా టాండన్

కన్నడ స్టార్ యశ్, డైరెక్టర్ ప్రశాంత్ నీల్ కాంబినేషన్లో వచ్చిన కేజీఎఫ్, కేజీఎఫ్2 సినిమాలు రికార్డులను తిరగరాశాయి. కేజీఎఫ్3 కూడా తెరకెక్కించనున్నట్టు నిర్మాణ సంస్థ హోంబలే ప్రకటించింది.

By Nikhil Rampalli
| Updated: April 28, 2023 11:14 PM IST

పాన్ ఇండియా సినిమా రికార్డులు తిరగరాసిన కన్నడ సినిమా కేజీఎఫ్. కన్నడ స్టార్ యశ్, డైరెక్టర్ ప్రశాంత్ నీల్ కాంబినేషన్లో వచ్చిన ఈ సినిమా దక్షిణాదితోపాటు ఉత్తరాది ప్రేక్షకులనూ అలరించింది. హిందీలోనూ భారీ కలెక్షన్లు రాబట్టి బాక్సాఫీస్ వద్ద సెన్సేషన్ క్రియేట్ చేసింది. విడుదలైన అన్ని ఏరియాల్లో హిట్ టాక్ సొంతం చేసుకుంది. కంప్లీట్ యాక్షన్ ఎంటర్టైనర్ గా తెరకెక్కిన ఈ సినిమా రెండు పార్ట్ లు రిలీజ్ అయ్యాయి. కేజీఎఫ్ సినిమా దాదాపు వెయ్యి కోట్లు వరకు వసూల్ చేసింది. కేజీఎఫ్ 2 సినిమా కూడా వెయ్యి కోట్లకు పైగా వసూల్ చేసింది.
కన్నడ ఇండస్ట్రీలో వచ్చిన సినిమాల్లో సంచలనం సృష్టించిన సినిమా కేజీఎఫ్. రాక్ స్టార్ యష్ హీరోగా నటించిన ఈ సినిమా ఎంతటి ఘనవిజయం సాధించిందో ప్రత్యేకంగా చెప్పాల్సిన అవసరం లేదు. ప్రశాంత్ నీల్ దర్శకత్వం వహించిన ఈ సినిమా పాన్ ఇండియా మూవీగా రిలీజ్ అయ్యి భారీ విజయాన్ని అందుకుంది.

కేజీఎఫ్ 2 లో మొదటి పార్ట్ కంటే కొత్త నటీనటులు ఎక్కువ మంది నటించారు. ముఖ్యంగా బాలీవుడ్ స్టార్స్ సంజయ్ దత్, రవీనా టాండన్ కీలకపాత్రలు పోషించారు. సంజయ్ దత్ అధీరా పాత్రలో విలన్గా నటించగా, రవీనా టాండన్ దేశ ప్రధానమంత్రి హోదాలో హుందాగా కనిపించారు.
కాగా, ఈ సినిమాకు సీక్వెల్గా కేజీఎఫ్ చాప్టర్3ని కూడా తెరకెక్కించనుంది నిర్మాణ సంస్థ హోంబలే. ఈ విషయాన్ని స్వయంగా నిర్మాతలే ప్రకటించడంతో అభిమానులు సంబరపడిపోతున్నారు. ఈ సినిమా షూటింగ్ ఎప్పుడు ప్రారంభమవుతుందా అని ఆసక్తిగా ఎదురు చూస్తున్నారు.
తాజాగా కేజీఎఫ్ 3 పై రవీనా టాండన్ ఆసక్తికర కామెంట్స్ చేశారు. కే.జి.ఎఫ్ 3 సినిమా కోసం ఎంతో ఆసక్తిగా ఎదురుచూస్తున్నా అని అన్నారు రవీనా.
తాజాగా ఓ ఇంటర్వ్యూలో మాట్లాడుతూ.. కేజీఎఫ్ టీమ్ తో కలిసి పనిచేయడం చాలా ఆనందంగా ఉంది అన్నారు. కె.జి.ఎఫ్ 3 ఎప్పుడు మొదలవుతుందా అని ఎదురుచూస్తున్నా.. మళ్లీ ఆ యూనిట్ తో కలిసి పనిచేయాలని అనుకుంటున్నానని అన్నారు రవీనా టాండన్. Also Read - అవార్డు విన్నింగ్ డైరెక్టర్‌‌తో సినిమాకు ఓకే చెప్పిన యశ్.. త్వరలో అధికారిక ప్రకటన

ప్రస్తుతం ప్రశాంత్ నీల్ యంగ్ టైగర్ ఎన్టీఆర్తో చేయబోయే సినిమా స్క్రిప్ట్ వర్క్తో బిజీగా ఉన్నారు. యశ్ కూడా వరుస సినిమాలతో బిజీగా ఉన్నారు. మరి వీరిద్దరూ కలిసి ఎప్పుడు కేజీఎఫ్3తో ప్రేక్షకుల ముందుకు రానున్నారో చూడాలి మరి!

ByNikhil Rampalli
| Updated: April 28, 2023 11:14 PM IST

ఆ సూపర్‌‌ హిట్ సినిమా షూటింగ్ ఎప్పుడు మొదలవుతుందా అని ఎదురుచూస్తున్నా అంటున్న రవీనా టాండన్​

ఆ సూపర్‌‌ హిట్ సినిమా షూటింగ్ ఎప్పుడు మొదలవుతుందా అని ఎదురుచూస్తున్నా అంటున్న రవీనా టాండన్