Ram Charan: ఫైనల్ గా RC15 షూటింగ్ గురించి చెప్పేసిన శంకర్…కీలకమైన ఫోటోతో ప్రకటన

ఫైనల్ గా రామ్ చరణ్ సినిమా షూటింగ్ మొదలుపెట్టిన డైరెక్టర్ శంకర్.. కీలకమైన అప్డేట్ విడుదల

By Vishnupriya chowdhary
Published: February 10, 2023 10:44 AM IST

ఆర్ఆర్ఆర్ మరియు ఆచార్య సినిమాల తరువాత రామ్ చరణ్ నుంచి రాబోతున్న చిత్రం శంకర్ దర్శకత్వంలో తాను చేయబోతున్న 15వ సినిమా. ఫుల్ లెన్త్ హీరోగా ఆర్ఆర్ఆర్ సినిమా తరువాత రామ్ చరణ్ చేస్తున్న చిత్రం కావడం, అలానే ఈ చిత్రాన్ని కూడా పాన్ ఇండియా దర్శకుడు శంకర్ తెరకెక్కిచడం వల్ల ఈ చిత్రంపై అంచనాలు భారీగా నెలకొన్నాయి. ఇక ఈ సినిమాలో వినయ విధేయ రామ తరువాత మరోసారి కియారా అద్వానీ రామ్ చరణ్ తో కలిసి నటిస్తోంది.

ఇదంతా బాగానే ఉన్నా రామ్ చరణ్ ఫాన్స్ మాత్రం ఈ సినిమా గురించి చాలా రోజుల నుంచి దిగులుగా ఉన్నారు. అందుకు ముఖ్య కారణం శంకర్ ఈ చిత్రం షూటింగ్ సగం పూర్తి చేసి, ‌ ఆ తరువాత ఈ చిత్రాన్ని సరిగ్గా పట్టించుకోకపోవడం. అయితే దీనికి కారణం లేకపోలేదు. ఎప్పుడూ ఒక సినిమా పైనే కాన్సెంట్రేట్ చేసే ఈ డైరెక్టర్ ప్రస్తుతానికి ఒకేసారి రెండు ప్రాజెక్టులు డీల్ చేస్తున్నాడు. ఒకపక్క రామ్ చరణ్ సినిమా తీస్తూనే మరో పక్క కమల్ హాసన్ సూపర్ హిట్ సినిమా భారతీయుడికి సీక్వెల్ గా ఇండియన్ 2 సినిమా కూడా తీస్తున్నారు. అందుకే ఈమధ్య చాలా రోజుల నుంచి కమలహాసన్ సినిమా పైన తన కాన్సన్ట్రేషన్ ఎక్కువ పెట్టి ఆ సినిమా షూటింగ్లో పాల్గొంటున్నారు ఈ దర్శకుడు. Also Read - ఇంతకుముందు ఎన్నడూ లేని విధంగా.... శంకర్ ఇలా చేయడం మొదటిసారి

అందువలన అసలు రామ్ చరణ్ సినిమా షూటింగ్ మరలా మరో షెడ్యూల్ ఎప్పుడు స్టార్ట్ చేస్తారు అనే దాని పైన క్లారిటీ లేకుండా ఉండింది. ఇక ఇప్పుడు ఫైనల్ గా ఆ షెడ్యూల్ స్టార్ట్ అయిపోతుంది అంటూ శంకర్ తన పోస్ట్ ద్వారా తెలియజేసేశారు.

న్యూజీలాండ్‌లో రామ్ చరణ్, కియారా అద్వానీపై ఒక డ్యూయెట్‌ను చిత్రీకరించారు. దీని కోసం రూ.15 కోట్ల మేర ఖర్చుపెట్టినట్టు అప్పట్లో వార్తలు వచ్చాయి. అలాగే 500 మంది డాన్సర్లతో మరో పాట చిత్రీకరణను శంకర్ ప్లాన్ చేస్తున్నట్టు ప్రచారం జరుగుతోంది. Also Read - మరోసారి వాయిదా పడబోతున్న రామ్ చరణ్ సినిమా?

చార్మినార్ ముందర తాను నిలబడుతున్న ఒక ఫోటోని షేర్ చేస్తూ శంకర్..ఐకానిక్ చార్మినార్ వద్ద తరవాత షెడ్యూల్‌కు సిద్ధం చేస్తున్నామని ట్వీట్‌లో పేర్కొన్నారు. అంతేకాదు, చార్మినార్ వద్ద జరుగుతున్న పనులను కూడా ఈ ఫోటో మనకి చూపిస్తోంది. అయితే, ఓల్డ్ సిటీలో రామ్ చరణ్ పాట షూటింగ్ ఉంటుందని గత రెండు రోజులుగా వార్తలు వస్తున్నాయి. ఇప్పుడు అఫీషియల్ గా శంకర్ ఫోటో పెట్టడంతో అభిమానులు తెగ సంబర పడుతున్నారు. అంతేకాకుండా విశ్వసనీయ వర్గాల సమాచారం ప్రకారం ఇక్కడ షూట్ చేయబోయేది రామ్ చరణ్ సోలో సాంగ్ అట. ఇక్కడ షెడ్యూల్ పూర్తయిన తరవాత ఇదే పాట కోసం మళ్లీ రాజమండ్రి వెళ్తారని సమాచారం.

ఆల్రెడీ హీరో హీరోయిన్ల పైన న్యూజీలాండ్‌లో ఒక డ్యూయెట్‌ను చిత్రీకరించారు. దీని కోసం రూ.15 కోట్ల మేర ఖర్చుపెట్టినట్టు అప్పట్లో వార్తలు వచ్చాయి. అలాగే 500 మంది డాన్సర్లతో మరో పాట చిత్రీకరణను శంకర్ ప్లాన్ చేస్తున్నట్టు ప్రచారం జరుగుతోంది. మామూలుగా ఈ డైరెక్టర్ పాటలకి విపరీతంగా ఖర్చు పెడతారు అన్న సంగతి తెలిసిందే. ఇప్పుడు అదే ఈ చిత్రంలో కూడా రిపీట్ కానుంది అని తెలుస్తోంది. Also Read - లాంగ్ బ్రేక్ తీసుకోనున్న రామ్ చరణ్; ఇంతకీ కారణం ఏమిటి?

సాధారణంగా శంకర్ సినిమాలకు ఎ.ఆర్.రెహమాన్ సంగీతం అందిస్తుంటారు. కానీ ఈ రామ్ చరణ్ సినిమా కోసం మాత్రం మన తెలుగు సెన్సేషనల్ మ్యూజిక్ డైరెక్టర్ థమన్‌తో తొలిసారి శంకర్ తో కలిసి పనిచేస్తున్నారు. ఇక ఈ చిత్రం పాటలు ఎలా ఉంటాయో తెలుసుకోవాలంటే కొద్ది రోజులు వేచి చూడాలి.

ఐఏఎస్ ఆఫీసర్గా రామ్ చరణ్ నటిస్తున్న ఈ సినిమాను శ్రీవెంకటేశ్వర క్రియేషన్స్ బ్యానర్‌పై దిల్ రాజు అత్యంత భారీ బడ్జెట్‌తో నిర్మిస్తున్నారు. ఈ సినిమాలో మన తెలుగు నటులు శ్రీకాంత్, అంజలి, సునీల్ కీలక పాత్రల్లో నటిస్తున్నారు.

Commencing the next schedule of #RC15 at the iconic Charminar pic.twitter.com/uubP5P0aV1

— Shankar Shanmugham (@shankarshanmugh) February 9, 2023

ByVishnupriya chowdhary
Published: February 10, 2023 10:44 AM IST